PĀNUI Ā-KURA

He aho noa ahau i te kahu o taku korowai

Mō aku raukura, aku kahukura

Ko taku mana tipuna, Rangiātea

Puritia kia mau, tāwhia kia ita

Ko te aho matua te mauri o te Kura Kaupapa

Tamaiti akona ki kura kaupapa

Tū ana ki te ao, tau ana!

Whērā i ngā kupu o te haka rongonui nei, ko Te Aho Matua te tāhuhu o tō tātou nei whare. Ko ngā kaipupuri o te mauri ko Te Rūnanga Nui o Ngā Kura Kaupapa Māori o Aotearoa. Nō tātou o Te Whānau Tahi te whiwhi, e haere mai ana ngā kanohi o Te Rūnanga Nui kia whakahaere i tētahi wānanga ā-whānau hei te Hatarei 25 o Māehe. Tuhia ki te rae!

Rēhita Mai!

Every kura tamaiti knows the kupu to this haka, which embodies the connection of Te Aho Matua to each our tamariki. On Saturday 25 of March members from Te Rūnanga Nui will be facilitating a wānanga focused on helping our whānau understand Te Aho Matua. We strongly encourage at least one member of all whānau to attend this special day. Child care will be available.

Register here!

This year Kura Kaupapa Māori o Te Waka have been fully funded for the first time by the MOE to collectively come together during the year for Professional Development. This is a huge win for kura Te Aho Matua, as we have fought for a long time for equity in the provision of professional development for our kaimahi. This funding provides an opportunity for our kura to collaborate, and take advantage of the many pūkenga that are spread amongst our five kura in the South Island. We apologise for the back to back Teacher Only Days, and appreciate this is difficult for many whānau to arrange.

Māehe

02 Mar: RANGI KAIAKO | Teacher Only Day

03 Mar: RANGI KAIAKO | Teacher Only Day

12 - 16 Mar: POSTPONED - Te Huinga Reo - Tau 12 + 13 ki Heretaunga

13 Mar: K1 Swimming at Pioneer starts

17 Mar: Pōwhiri - Te Huritau o Te Kōhanga Reo o Te Whānau Tahi, 5.00pm

23 - 25 Mar: Wānanga Te Aho Matua

• Tāite 23 Poari 6pm-9pm

• Paraire 24 RANGI KAIAKO/Teacher Only Day

• Hatarei 25 Ngā Whānau Katoa 10.00am - 6.00pm

Āpereira

06 Apr: Rangi mutunga o te wāhanga (last day of Term 1)

Āpereira

24 Apr: Rangi Tuatahi o te wāhanga 2 (first day of Term 2)

25 Apr: Rangi Maumahara Hōia - ANZAC Day

28 - 30 Apr: Wānanga Reo ā Whānau

Mei

02 - 05 May: Wharekura Hui Tōpū ki Tuia Te Mātangi

16 May: Whakaahua ā-Kura

29 May: RANGI KAIAKO/Teacher Only Day

Hune

05 Jun: Kings Birthday Holiday

30 Jun: Rangi mutunga o te wāhanga 2

We would like to make whānau aware of possible national strike action by all kaiako belonging to NZEI and PPTA unions in March. We will keep whānau updated if the strikes are confirmed and the year groups these impact.

Poho kukupa katoa ngā pīwari nei ki ngā kapa, ki ngā raukura kua tū ki Te Matatini i tēnei tau.

Kua hāpaingia e ngā kapa ngā tāonga ā rātou mā kia hiki te mauri, kia hiki te wairua o te iwi Māori katoa.

Tēnei mātou ngā mata o ngā kapa o āpōpō e mihi atu ana.

Tau 1 - 6

Tai-Moana Biddle-Ruru

Te Aorangi Taylor-Heather-Quinn

Aramainana Hakiwai

Tau 7 - 13

Kaia Brown

Paikea Brooking

Belle Siataga-Franklin

Tērā te hau pūkeri, te ua marangai i tipihaurarotia ai Te Tai Rāwhiti, Te Tai Tokerau, ka mutu e whakaepaepa tonu nei i te whenua. Nā runga i te whakaaro aroha ki ngā whānau rā, i whakaritea tētahi rā kohikohi pūtea. Ko te kaupapa, ko ngā weruweru o ngā kapahaka e rata ana ki te tangata. He $350 neke atu te rahi i kohia i te Paraire. Ka mutu pea te āhuareka o te rangi nei.

Mokori anō he toki o Te Whare Tū Tauā e mahi ana ki tō tātou nei kura! Nō ngā wiki e rua kua hipa i whakahaere ngā Pou i te wānanga nei mā ngā tauira, tamariki nohinohi mai, rangatahi mai, pakeke mai!

Nau kake mai e te whānau - Tāite 3.15-4.30!

Whānau come join in with your tamariki every Thursday 3.15pm (postponed this week due to TOD).

Amokura ki te kōti

Āna Mōhua

Ngā Manawa Tītī

Te Aho Matua 3.4 "Kia mōhio ngā tamariki ki ngā rohe, ki ngā waka, ki ngā kōrero nehera, ki ngā pūrakau, ki ngā pakiwaitara, ki ngā tikanga, ki ngā waiata, ki ngā āhuatanga katoa o tōna ake iwi. Kia mohio ano ki ngā āhuatanga katoa e pā ana ki ērā atu o ngā iwi tae noa ki ētahi o ngā iwi ō tāwahi."

Ia te Tūrei ka pāorooro te reo waitī o ngā tamariki i tō tātou whare.

Kua timata pai ngā mahi ā te Rēhia i tēnei tau. E ako ana ngā ākonga i ngā waiata rongonui hei whakamanawa atu ki ngā ringa tautoko me ngā manuhiri o te kura.

Te Matatini o te āpōpō e ngunguru nei!

Ko tētahi whāinga o te wā, ko te ako i ngā pepeha me ngā kōrero tūhonohono i a tātou ki ō tātou ūkaipō.

Kia kaha, e te whānau, ki te nohotahi me āu tamariki ki te akotahi i tō pepehā.

Inā te pai, te āhuareka o te noho tahi a te tuakana me te teina. I tēnei wiki kua kaha rongo i te wairua ora e rere ana ki roto i a Ūkura. Tau ana te mauri o ēnei tamariki. Mīharo ana te kite atu i tā rātou noho tahi me te āta manaaki, tiaki i a rātou ano.

I mahi whakaari a Tau 7, 8 ngā kīwaha hou i ako rātou. Mutu ana te whakaari, rāpoi ana ngā kaiwhakaari kia mihia, kia pakipakitia.

Ahakoa te heke o te ua, i whai hua tonu ngā Tau 10 ki te mahi tonu i te Poirewa. Ko te rerekētanga, he poihau kē hei poi rewa. Kei pōhēhē he māmā ake. I te tino heke te tōtā o ngā ākonga i te mutunga o te akoranga!

Nau mai te whare korikori tinana ā tōna wā!!

Tautoko mai whānau!

If you are available to help on 17 or 18 March with this great achievement, please email Matua Geno Kokiri gkokiri27@gmail.com.nz . We are looking for kaitautoko for the weekend.

Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: +64 3 337 4360