Samspil 2015
Fréttabréf 5. tbl. 1. árg.
Allt og allir á fullu í Samspili
Október og nóvember voru viðburðaríkir mánuðir í Samspili. Fernar vefmálstofur bættust við, tvennar um "námsumsjón og námsmat" og tvennar um "forritun og leikjafræði".
Haldin voru tvö "auka" Útspilsnámskeið í Reykjavík. Mjög ánægjulegt var að taka á móti og kynnst nýjum þátttakendum. Námskeiðin mæltust mjög vel fyrir og þátttakendur fóru sáttir og ánægðir heim.
Hildur Rudolfsdóttir, kennsluráðgjafi við Garðaskóla hefur sett saman nokkur góð sjálfsnámsmyndskeið. Þar kennir ýmissa grasa m.a. Twitter, Google, Pinterest, DropBox, AirServer, Google Classroom, QR-kóðar, Kahoot og Piktochart. Smelltu hér og þú flyst á yfirlitssíðu myndskeiðanna.
Menntabúðir
Þriðju og síðustu menntabúðir haustmisseris verða haldnar miðvikudaginn 25. nóvember í stofu H-207 í húsnæði Menntavísindasviðs HÍ kl. 16:15-18:15. Þemað verður "Netbundin verkfæri". Skráning hér: http://bit.ly/Menntabudir-25-nov
Samstarfsaðilar menntabúða eru UT-torg, Menntamiðja, RANNUM, Rannsóknarstofa í upplýsingatækni og miðlun og Reykjavíkurborg.
Menntabúðir er samkoma þar sem þátttakendum gefst tækifæri til að miðla af eigin reynslu og afla sér þekkingar og fróðleiks. Þær eru ætlaðar starfandi kennurum á öllum skólastigum og kennaranemum. Þær eru opnar öllum og ekki bundnar þátttöku í SAMspili 2015.
Fyrirhugað er að svæðistengiliðir haldi menntabúðir á sínum landsvæðum. Svæðistengiliðir á Norðurlandi og Vesturlandi hafa þegar skipulagt nokkrar í vetur. Við munum auglýsa það nánar síðar.
Við höfum heyrt af kennarahópum sem hafa hist til að hjálpast að með viðfangsefnin. Við hvetjum þátttakendur eindregið til þess að mynda smærri hópa til að vinna saman. Það væri gaman fyrir okkur hin ef þið munið eftir að setja myndir á Instagram og færslur á twitter frá þessum hittingum. Munið eftir umræðumerkjunum #samspil2015 og #menntaspjall.
Skráning á virkni og þátttöku
Einn liðurinn í Samspili 2015 er að halda skrá yfir virkni og þátttöku svo mögulegt verði að fá námskeiðið metið. Við höfum útbúið skráningareyðublað í Google til að einfalda málið. Það eina sem þú þarft að gera er að haka við nokkur fyrirfram ákveðin atriði eftir því sem við á. Nýtt eyðublað verður útbúið fyrir hvern mánuð.
Skráningareyðublöð er að finna á eftirfarandi slóðum:
- http://bit.ly/thatttaka_sept - skráning fyrir september
- http://bit.ly/thatttaka_okt - skráning fyrir október
Haustáskorun
Hvernig gengur með haustáskorunina? Fyrir þá sem muna ekki hver hún var skoruðum við ykkur á að skrá niður hvaða upplýsingatækni þið ætlið að nota og hvernig þið ætlið að nýta hana í kennslu í vetur. Skráið a.m.k. eitt atriði í leiðarbókina og deilið með okkur í Facebookhópnum hvað þið ætlið að gera og hvernig gengur.
Vefmálstofur og samfélagsmiðlar
Haldnar hafa verið 12 vefmálstofur og má finna upptökur af þeim er á vef verkefnisins. Þema nóvembermánaðar er "Netbundin verkfæri" og verða vefmálstofurnar haldnar miðvikudaginn 11. og fimmtudaginn 26. nóvember.
Fyrirhugaðar vefmálstofur:
- Nóvember: Sköpun, tjáning, miðlun og læsi í námsgreinum - Vefmálstofur dagsetningar: 11.11.15 og 26.11.15
- Desember: Námsefnisgerð, opið menntaefni og höfundaleyfi - Vefmálstofur dagsetningar: 09.12.15 og 16.12.15
- Janúar: Næstu skref og framtíðin - Vefmálstofa dagsetning: 06.01.15
Athugið að dagsetningar eru birtar með fyrirvara um breytingar
Vefmálstofurnar eru yfirleitt á miðvikudögum, "stofan" opnar kl. 16:15 og við byrjum kl. 16:30-17:30.
Fyrri málstofur
- 07.03. Upplýsingatækni í starfsþróun og framtíð menntunar, Bjarndís Fjóla Jónsdóttir og Tryggvi Thayer verkefnastjórar Samspils
- 25.03. Samvinna í skýjunum, Hans Rúnar Snorrason kennari við Hrafnagilsskóla
- 15.04. Samfélagsmiðlar í námi og kennslu, Svava Pétursdóttir nýdoktor við HÍ
- 29.04 Stafræn borgaravitund, Sólveig Jakobsdóttir dósent við HÍ
- 13.05. Sköpun, tjáning, miðlun, læsi, upptökur og myndvinnsla, Salvör Gissurardóttir lektor við Menntavísindasvið HÍ
- 27.05. Sköpun, tjáning, miðlun, læsi, upptökur og myndvinnsla, Erla Stefánsdóttir kennari í Myndveri grunnskóla Reykjavíkur
- 12.08. Rafrænt samstarf, eTwinning, Guðlaug Ósk Gunnarsdóttir og Kolbrún Hjaltadóttir
- 26.08. Rafrænt samstarf, eTwinning, Anna Wahlström, Elín Þóra Stefánsdóttir og Þóra Þórðardóttir. (verður birt fljótlega)
- 16.09. Moodle í námi og kennslu, Anna María Þorkelsdóttir, verkefnastjóri við Hólabrekkuskóla
- 30.09. Fjölbreytt námsmat, Sigurgrímur Skúlason, Menntamálastofnun
- 14.10. Forritun í skólastarfi, Tryggvi Thayer, verkefnastjóri Menntamiðju
- 29.10. Tölvuleikir - ný tækifæri í menntun, Skúlína Hlíf Kjartansdóttir, aðstoðarkennari og doktorsnemi við Menntavísindasvið Háskóla Íslands
Facebookhópurinn okkar er mjög virkur og fróðlegt er að fylgjast með umræðunni sem fram fer þar. Við hvetjum þátttakendur til að vera virkir á samfélagsmiðlunum, pinna á sameiginlega Pinterestborðið, nota #samspil2015 og #menntaspjall umræðumerkin á Twitter og Instagram. Sjá yfirlit yfir virkni #samspil2015 á Tagboard.
Samspil 2015
Email: tbt@hi.is
Website: samspil.menntamidja.is
Phone: 5255934
Facebook: https://www.facebook.com/groups/samspil2015