Skólasafn Langholtsskóla
Fréttabréf 18. nóvember 2015
Jólabækur
Vetrarfrí - Hörkutryllir
að er síðasti dagur fyrir vetrarfríið. Bergljót hlakkar til að fara í tíundabekkjarpartý og Bragi bróðir hennar ætlar að gista hjá vini sínum. Foreldrarnir stefna á rómantíska sumarbústaðarferð. En allar áætlanir fara fyrir lítið þegar furðuleg plága brýst út. Eftir það hugsar enginn um neitt annað en að bjarga lífi sínu.
Hildur Knútsdóttir hefur áður sent frá sér skáldsöguna Slátt og unglingasöguna Spádóminn. Vetrarfrí er hörkutryllir sem engin leið er að leggja frá sér fyrr en að lestri loknum.
Koparborgin
Í fjarlægu landi stendur gömul borg þar sem lystigarðar umkringja háar hallir og seglskip fylla höfnina … en hallirnar eru mannlausar og seglskipin tóm.
Við eitt af breiðstrætum borgarinnar stendur Víxlarahúsið þar sem einungis börn hafa búið síðustu þrjár aldir. Þangað leitar Pietro eftir að hafa misst fjölskyldu sína í plágunni. Við sextán ára aldur þurfa börnin að yfirgefa húsið en þangað til standa þau saman og tekst einhvern veginn að þrauka, sama hversu hart er í ári.
Þegar friðhelgi hússins er rofin heldur Pietro ásamt fleiri börnum inn í leyndardóma háborgarinnar, inn fyrir veggi furstahallarinnar, þangað sem enginn borgarbúi hefur stigið fæti öldum saman.
Þýska húsið
Farandsölumaður finnst myrtur í lítilli leiguíbúð í Reykjavík, skotinn í höfuðið með skammbyssu. Sjónir lögreglunnar beinast strax að erlendu hermönnunum sem eru á hverju götuhorni sumarið 1941, en samskipti þeirra við heimafólk, ekki síst konur, eru mörgum þyrnir í augum. Í verðlaunabókinni Skuggasundi, sem kom út 2013, voru þeir Flóvent og Thorson kynntir til leiks, samstarfsmenn við lögreglustörf í Reykjavík á árum síðari heimsstyrjaldar. Hér segir frá þeirra fyrsta máli – vestur-íslenski hermaðurinn Thorson er viðvaningur í glæparannsóknum en Flóvent reyndari, eini maðurinn sem sinnir starfi rannsóknarlögreglu í borginni.
Arnaldur Indriðason hefur lengi verið okkar helsti metsöluhöfundur, jafnt heima sem erlendis. Bækur hans hafa verið þýddar á um fjörutíu tungumál og selst í yfir tíu milljónum eintaka. Þær hafa unnið til fjölda virtra verðlauna og hlotið frábæra dóma víða um heim. Þýska húsið er nítjánda bók Arnaldar.
Randalín og Mundi og afturgöngurnar
Er það satt að veitingahús í Reykjavík selji kattakjöt? Hver er dularfulla veran sem læðist úti að næturlagi? Er gaman að leika í kvikmynd og hvernig útvegar maður sér gripi í smámunasafn?
Fyndin og spennandi bók fyrir 5 til 10 ára krakka og alla sem kunna að meta skemmtilegar sögur.
Þórarinn M. Baldursson myndskreytti.
Höfundur: Þórdís Gísladóttir
Amma óþekka
Amma óþekka gerir það sem hún vill – þegar hún vill!
Í þessari sögu fara þær amma og Fanney Þóra á fjöll. Þar ætla þær að teikna og mála, sofa í tjaldi, sjóða pylsur á prímus og drekka kakó. Íslenska náttúran er hins vegar óútreiknanleg og yfirvofandi eldgos setur heldur betur strik í reikninginn.
Þegar allt stefnir í óefni berst þeim hjálp úr óvæntri átt.
Höfundur: J. K. Kolsöe
Dóttir veðurguðsins
Þegar faðir nefnir börnin sín Blær, Logn og Stormur, er þá nokkuð annað hægt en að kalla hann Veðurguð? Það finnst ömmu Komma allavega ekki.
Blær fær dagbók í skóinn frá Bjúgnakræki sem hún heldur að hún eigi alls ekki eftir að hafa gaman af að skrifa í. En annað kemur á daginn og ýmislegt ratar í dagbókina:
- Blær kvíðir jólaskemmtuninni í skólanum þar sem pabbi hennar ætlar að koma fram og syngja.
– Hún tekur þátt í undirbúningi fyrir kaþólskt brúðkaup bróður síns og Li Ang sem kom alla leið frá Norður-Kóreu til Íslands.
– Mamma sækir hana á náttfötunum innan undir kápunni í skólann þá daga sem hún er heima að læra undir heimspekina í háskólanum.
– Það skemmtilegasta sem Blær gerir er að leika við vinkonu sína hana Bríeti sem spilar svo undurfallega á píanó.
Til að fræðast meira um dóttur Veðurguðsins, verður þú að lesa dagbókina hennar, þú mátt það sko alveg.
Höfundur: Helga Sv. Helgadóttir
Rökkurhæðir 7
Í þessari sjöundu bók, sem jafnframt er síðasta sjálfstæða sagan um krakkana í Rökkurhæðum, er Margrét sögumaðurinn. Eftir að hafa lotið í lægra haldi í átökum við hættulega veru lendir Margrét í Hæðabyggð, blokkinni sem í dag gengur undir nafninu Rústirnar.
Á meðan hún leitar leiða til að komast aftur heim upplifir hún af eigin raun hvernig illskan býr um sig í fjölbýlinu og hefur áhrif á íbúa þess. Smám saman fer hún að skilja hvers vegna fullorðna fólkið talar alltaf um atburðinn, það sem gerðist í rústunum í gamla daga, í hálfum hljóðum.
Höfundar: Birgitta Elín Hassell, Marta Hlín Magnadóttir
Þegar þú vaknar
„Kannski heyrirðu í mér. Eða, þú getur örugglega heyrt í mér. Allavega. Innilega til hamingju. Það er ársafmælið okkar í dag. Ég er búin að afpanta borðið.“
Rico liggur í dái eftir hræðilegt bílslys. Þó að Elena geti ekki hugsað sér lífið án hans þá heldur það samt áfram á meðan hún þess að hann vakni. Þegar hún finnur lista yfir tíu hluti sem hann hafði langað til að gera ákveður hún að framkvæma þá til að sýna honum af hverju hann er að missa.
Höfundar: Franziska Moll, Herdís Hubner þýddi
Þín eigin goðsaga
Sjálfstætt framhald metsölubókarinnar Þín eigin þjóðsaga sem hlaut bæði Bókaverðlaun barnanna og Bóksalaverðlaunin sem besta íslenska barnabókin.
Þín eigin goðsaga er öðruvísi en aðrar bækur því hér ert þú söguhetjan og ræður ferðinni. Sögusviðið er heimur norrænu goðafræðinnar og ævintýrin eru við hvert fótmál. Þú getur lent í bardaga við hræðilegar ófreskjur, orðið vitni að upphafi heimsins, flogið í vagni með þrumuguðinum Þór og reynt að lifa af ragnarök – allt eftir því hvað þú velur. Yfir 50 ólíkir endar!
Ævar Þór Benediktsson er leikari og rithöfundur. Hann hefur fengið fjöldamörg verðlaun og viðurkenningar fyrir starf sitt sem Ævar vísindamaður, nú síðast Edduverðlaunin fyrir besta barna- og unglingaefnið. Nýjasta bók hans, Risaeðlur í Reykjavík, var vinsælasta barnabók sumarsins 2015.
Sólbjört Valentína
Þegar Húsið sem Sólbjört Valentína keypti fyrir vasapeningana sína er í góðu skapi eru gluggatjöldin bleik, plönturnar blómstra og úr krönunum rennur bananamjólk. Í dag er Húsið hinsvegar í virkilega vondu skapi og þess vegna er allt þakið ryki og úr krönunum kemur bara edik eða gallsúr mjólk.
Húsið vill fána og engan venjulegan þjóðfána heldur fána úr silkimjúkum, konunglegum nærbuxum. Sólbjört Valentína verður að taka til sinna ráða því annars hendir húsið fjölskyldunni á götuna!
Höfundur: Irmgard Kramer
Ég elska máva
Anton verður furðu lostinn þegar hvít dúfa með bréf bundið um fótinn flýgur inn um gluggann hans – og ansi svekktur þegar hún hverfur út í nóttina aftur. Eftir þetta gerist ýmislegt furðulegt í lífi Antons og Pandóru, bestu vinkonu hans. Getur verið að Hallfreður húsvörður sendi fólki bréf og bækur þótt hann sé dáinn? Er hægt að fara í ferðalag á nóttunni, jafnvel sofandi? Af hverju má ekki mæta með rottu í skólann? Hvernig er hægt að hlusta á rödd hjartans?
Þorgrímur Þráinsson hefur sent frá sér fjölda bóka fyrir börn og unglinga sem allar hafa notið gríðarlegra vinsælda. Hér kynnir hann tvær óvenjulegar persónur til sögunnar í heillandi frásögn sem kallast á við verðlaunasöguna Ertu Guð, afi?
Violet og Finch
Finch er hugfanginn af dauðanum en þráir eitthvað sem er þess virði að lifa fyrir. Violet lifir fyrir framtíðina og telur dagana þar til skólanum lýkur svo hún geti stungið af frá smábæjarlífinu og sárum minningum.
Violet og Finch hittast á brúninni á klukkuturns skólans en þaðan er margra hæða fall til jarðar. Þegar þau eru komin niður af syllunni, heil á húfi, er óljóst hver bjargaði hverjum.
Höfundur: Jennifer Niven
Skósveinarnir
Frá því að þeir birtust fyrst, hafa Skósveinarnir leitað að rétta illmenninu til að verða húsbóndi þeirra. Í leit sinni að hinum fullkomna foringja hafa þeir þjónað risaeðlum, konungum og jafnvel skrímslum.
Nú er kominn tími á nýjan húsbónda … ef þeir gætu aðeins fundið hann!
Sláist í hóp með Kevin, Stuart og Bob í ferðalagi þeirra um heiminn og takið þátt í varmennaráðstefnunni í leit að fyrirlitlegasta vonda kallinum (eða kellunni!) til að leiða þá félaga.
Leyndarmál Lindu 2
Fleiri leyndarmál Lindu: Sögur af ekki svo vinsælli partístelpu.
Uppskrift að stórslysi:
4 partí. Bættu við 2 vinum og 1 ástarsorg. Deildu með 1 vondri stelpu sem ætlar aðrústa Lindu. Blanda vel saman. lok augum og gretta sig.
Höfundur: Rachel Renée Russell
Kamilla vindmylla
Milla Mylla er mættust í sinni fjórðu bók ásamt félögum sínum og fjögur hundruð fimmtíu og níu sporðdrekum.
Hvernig bregðast krakkarnir við þegar Karítas, stóra systir hennar Kötlu, fer að haga sér líkt og hún eigi helst heima í japanskri hryllingsmynd?
Þeir sem þekkja Millu vita að hún er iðulega í alls konar vandræðum en þó aldrei jafn iðulega og einmitt núna.
Höfundur: Hilmar Örn Óskarsson
Halloween 1
Draugar, ófreskjur og aðrar verur eru á ferli í myrkrinu og svífast einskis!
Allt eru þetta magnaðar sögur sem fá hjartað til að slá aðeins örar um hríð. Lestu ef þú þorir!
Höfundar: Gunnar Kr Sigurjónsson, Guðjón Ingi Eiríksson
Leyndardómur erfingjans
Kristján litli húkir aleinn á köldu sjúkrahúsi þegar afi birtist með æsispennandi sögu. Hann varð nefnilega eitt sinn sjálfur að leita sér hjálpar á afskekktum spítala vegna afar óvenjulegra veikinda. Á leiðinni þangað rakst hann á fjörulalla, sjóræningja, völundarhús, Lagarfljótsorminn og alls kyns hræðilegar óvættir, og þurfti á allri sinni kænsku að halda til að komast til botns í ráðgátunni um dularfulla erfingjann.
Guðni Líndal Benediktsson sló í gegn með bók sinni Ótrúleg ævintýri afa – Leitin að Blóðey sem hlaut Íslensku barnabókaverðlaunin 2014. Hér tekur hann upp þráðinn sem er enn æsilegri en í fyrri bókinni og spinnur hann eins og þrautþjálfaður sagnamaður.
Hótelráðgátan
Í jólafríinu hefja bekkjarsystkinin og spæjararnir Lalli og Maja störf á hótelinu í Víkurbæ í von um að þar muni eitthvað grunsamlegt gerast og þau fái tækifæri til að leysa aðra ráðgátu. Þegar Askur, verðmætur hundur og augasteinn Laufdal-fjölskyldunnar, hverfur af hótelinu virðist ósk spæjaranna hafa ræst. Allir viðstaddir liggja undir grun og leita þarf vísbendinga á frumlegustu stöðum …
Martin Widmark er einn vinsælasti barnabókahöfundur Svíþjóðar og bækur hans hafa verið þýddar á yfir tuttugu tungumál. Spæjarastofa Lalla og Maju er flokkur sjálfstæðra sagna með litríkum myndum Helenu Willis. Fyrsta sagan, Demantaráðgátan, kom út á íslensku haustið 2014 og var afar vel tekið, bæði af gömlum gagnrýnendum og ungum lesendum.
Góð bók með góðu letri
Doktor Proktor og tímabaðkarið -
Þessi sprellfjöruga saga gerist á nokkrum dögum, eða níuhundruð árum, eftir því hvernig á það er litið. Þau Lísa og Búi fá einstakt tæki færi til að breyta mannkynssögunni þegar þau komast í magnaða uppfinningu doktors Proktors: baðkar sem getur ferðast um tímann. Vandamálið er að þau finna hvergi uppfinningamanninn! Hér segir frá ævintýralegri leit þeirra og flótta undan klækjakvendinu Röspu sem hefur einbeittan brota vilja í garð doktors Proktors.
Doktor Proktor og tímabaðkarið er sjálfstætt framhald bókarinnar Doktor Proktor og prumpuduftið. Höfundurinn Jo Nesbø er Íslendingum að góðu kunnur fyrir spennusögur sínar, en hér sýnir hann á sér aðra og sprenghlægilega hlið.
Drauga-Dísa
Vörðurinn stóð eins og hann hafði alltaf staðið, grafkyrr með hendurnar til himins. Hún hristi höfuðið og hló að sjálfri sér fyrir að hafa trúað því að tré gæti lifnað við.
Þegar allt fer í háaloft á milli Dísu og vinsældaklíkunnar í níunda bekk flýr hún upp í sveit með foreldrum sínum. Þrjú hundruð árum fyrr situr strákur í sama dal og bíður þess að ófreskja skríði úr eggi. Hvorugt þeirra veit að brátt munu þau hittast og setja af stað atburðarás sem slær við öllum skrímslasögum sem heimurinn hefur þekkt til þessa.
Gunnar Theodór Eggertsson hlaut Íslensku barnabókaverðlaunin fyrir Steindýrin og fylgdi henni eftir með Steinskrípunum. Hér spinnur hann æsispennandi sögu sem sækir efnivið jafnt í þjóðararfinn og erlendar hrollvekjur svo lesandinn er á nálum allt til söguloka
Dagbók Kidda klaufa - Besta ballið
Ástin svífur um loftið – en er það eitthvað fyrir Kidda klaufa?
Árshátíð skólans, aðalball ársins, er að bresta á, en Kiddi hefur engan til að fara með á ballið.
Ýmislegt óvænt kemur fyrir Kidda þessa síðustu daga fyrir ball ársins og meira að segja kemur upp sá möguleiki að stelpa fari með honum. En það sannast á Kidda að það er aldrei gott að fagna of snemma!
Nautið
Ástin svífur um loftið – en er það eitthvað fyrir Kidda klaufa?
Árshátíð skólans, aðalball ársins, er að bresta á, en Kiddi hefur engan til að fara með á ballið.
Ýmislegt óvænt kemur fyrir Kidda þessa síðustu daga fyrir ball ársins og meira að segja kemur upp sá möguleiki að stelpa fari með honum. En það sannast á Kidda að það er aldrei gott að fagna of snemma!
Dimma - Ragnar Jónasson
Lögreglufulltrúinn Hulda rannsakar síðasta sakamálið sitt áður en henni er gert að hætta störfum fyrir aldurs sakir, 64 ára gömul.
Ung kona, hælisleitandi frá Rússlandi, finnst látin á Vatnsleysuströnd og bendir ýmislegt til þess að hún hafi verið myrt. Engum er hægt að treysta og enginn segir allan sannleikann. Hörmulegir atburðir úr fortíð Huldu sækja á hana og hún gerir afdrifarík mistök við rannsóknina sem hafa ófyrirsjáanlegar afleiðingar.
Ragnar Jónasson er einn fremsti spennusagnahöfundur þjóðarinnar og hefur hann vakið mikla athygli erlendis. Meðal annars sat bók hans, Snjóblinda, í efsta sæti metsölulista í Bretlandi og Ástralíu, fyrst íslenskra skáldsagna.
Týnd í Paradís
Týnd í Paradís er ný bók eftir Mikael Torfason en í henni segir hann sögu sína, foreldra sinna og forfeðra. Við sögu koma guð, djöfullinn og Vottar Jehóva. Ennfremur hippar, læknar, sjómenn, bændur, húsmæður, drykkjumenn, reykingafólk og börn. Þetta er ótruleg saga en dagsönn.
„Þetta er sláandi og hreinskilin frásögn sem nær til manns því að hún er í senn hversdagsleg og hádramatísk – þetta er jú saga um venjulega Íslendinga og íslenskt samfélag en um leið um þær sterku tilfinningar sem leynast undir þessu venjulega yfirborði. Það er ekki hver sem er sem getur opnað sig með þessum hætti og hleypt lesendum undir yfirborðið.“
Villta hliðin
lendingurinn Nathan er enn á flótta og getur engum treyst. Hvítanornir elta hann, svartanornir hata hann. Gjöf Marcusar föður hans gerir Nathani kleift að taka á sig mynd hættulegrar skepnu sem hann hefur ekki fullt vald á. Nú þarf Nathan að bjarga Annalise, stúlkunni sem hann elskar, án þess að stofna lífi hennar í hættu.
Villta hliðin er önnur bókin í geysivinsælum þríleik sem hefur farið sigurför um heiminn. Spenna, hraði og heitar tilfinningar.
Salka Guðmundsdóttir þýddi.
Sölvasaga unglings
Sölvi er kvíðinn unglingur úr Reykjavík sem er sendur austur á land í sveit til ömmu sem hann þekkir varla. Nú á dögum eru einungis fíklar og alkar sendir í sveit og hann er hvorugt. Svo af hverju er hann píndur í sveitina? Opinbera skýringin er sú að foreldarnir þurfi að redda fjárhagnum – pabbi ætlar á sjó en mamma til Noregs. En Sölvi hefur líka ýmislegt á samviskunni, og nú á að kippa því í lag með því að láta hann púla í sveitinni. Og svipta hann netinu!
Sölvi fær gamla herbergið hans pabba þar sem ekkert hefur breyst frá 1985. Mun hann finna sig umkringdur rispuðum vínilplötum og rykföllnum bókum? Hafa plaköt af David Bowie og Jóni Páli Sigmarssyni eitthvað að segja honum? Mun hann ná að brúa bilið milli ruglsins í höfðinu á honum og veruleikans í líki Arndísar? Munu rapptextarnir hans ná einhverju flugi eða færi best á að brenna allt draslið? Er hugsanlegt að hann snúi til baka úr þessari tímavél í lok sumars nýr og betri maður? Mun hann kannski ekkert snúa aftur yfirhöfuð?
Höfundur: Arnar Már Arngrímsson
Vinabókin
Sóla vildi óska að hún ætti vin til að tala við og gera eitthvað skemmtilegt með. Pabba finnst hún vera svo lítil. Þegar Sóla kynnist hinum dularfulla Skorra hefur það ófyrirséðar afleiðingar og pabbi sér stelpuna sína í nýju ljósi.
Vinabókin er ævintýraleg frásögn sem sýnir á fjörlegan hátt hvernig skapa má vinsamlegan heim. Hún er sjálfstætt framhald Brosbókarinnar og Knúsbókarinnar sem mörg börn þekkja.
Hugdjörf hetja
Prinsinn í þessu ævintýri, sem hefur aldrei stigið út fyrir veggi kastalans, á sér drauma um að drýgja hetjudáðir. En vandinn er sá að hann er uppfullur af gamaldags hugmyndum um riddara sem bjarga varnarlausum prinsessum úr voða.
En heimurinn er mikið breyttur síðan þau rembingsævintýri voru skrifuð …
Höfundar: Huginn Þór Grétarsson, Lorena Azpiri
Örkin hans Nóa
Hvernig í ósköpunum kom Nói tveimur dýrum af hverri tegund inn í örkina? Og hvernig ætli hafi lyktað inni í skipinu? Eitthvað hlýtur að hafa farið úrskeiðis!
Hér er á ferð raunsæisútgáfa af sögunni um Örkina hans Nóa. ATH. Ekki fyrir mjög viðkvæm börn.
Höfundar: Huginn Þór Grétarsson, Zsófía Döme
Stúfur og snjókarlinn
Einn sólbjartan vetrarmorgun reisir Stúfur svo glæsilegan snjókarl að hann dauðlangar að sýna Grýlu mömmu sinni hann. En það er hægara sagt en gert! Stúfur og snjókarlinn er fyndin og fjörug jólasaga eftir Brian Pilkington fyrir krakka á aldrinum 2 til 7 ára og alla sem hafa nokkru sinni búið til snjókarl.
Í bókinni má einnig finna yfirlit yfir alla íslensku jólasveinana og í hvaða röð þeir koma til byggða.
Höfundur: Brian Pilkington
Jólasveinarnir í þá gömlu góða daga
Í þessari bók er sagt frá þeim uppákomum sem jólasveinarnir lentu í og fólkinu sem á bæjunum bjó. Hér eru á ferðinni skemmtilegar sögur þar sem fléttað er saman laufléttum fróðleik um íslenska þjóðhætti.
Bókin er ætluð börnum á aldrinum 6-12 ára og öllum þeim sem gaman hafa af sögum um íslensku jólasveinana.
Höfundur: Helena Hákonardóttir
Lifandi vísindi
Meðal efnis er stór þemagrein um uppruna mannsins, Hraðskólinn hvað er rafmagn? James Bond og uppfinningarnar í kvikmyndunum og svo svör við mörgum skemmtilegum spurningum lesenda, eins og; Af hverju rekast fuglar í hópflugi ekki saman?