Skólasafn Kelduskóla
Nýjar bækur - október 2015
Hér er yfirlit yfir nokkrar af þeim nýju bókum sem hafa bæst við söfnin í Korpu og Vík undanfarna daga.
Bestu konurnar
Hæfileika- keppnin
Það er hæfileikakeppni á bænum. Hænsni gegn sauðfé. Því miður á helsta stjarna hjarðarinnr, hrúturinn Hreinn, við vanda að etja - gríðarlegan sviðsskrekk.
Skrímslið á Síkjaheiði
Hrúturinn Hreinn er engum líkur. Úrræðagóður er hann með afbrigðum og skemmtilegur. Hér leysir Hreinn gátuna um skrímslið á Síkjaheiði sem hrellt hefur bústofninn á Flóamýri.
Óliver Máni á afmæli
Það er komið að skemmtilegasta degi ársins – afmælinu hans Ólivers Mána! Hann er svo spenntur að hann getur varla beðið. En fyrir mistök býður mamma öllum óvinum hans í afmælið! Það boðar ekki gott!
Bestu karlarnir
Viltu kynnast þeim allra allra bestu? Öflugustu fótboltamenn heims í einni bók! Helstu æviatriði og sterkustu hliðar snillinganna. Messi, Ronaldo, Hazard, Neuer, Robben og margir aðrir. Þú kynnist þeim betur í þessari bók. Flottar myndir, nóg af staðreyndum og fróðleik.
Óvættaför 19 - Nixa
Taladon snari hefur snúið aftur! En Tom til skelfingar er faðir hans vofa. Til að berjast við draugaóvættina og ná brotunum úr verndargrip Avantíu. Fyrst er það dauðaberinn Nixa.
Vofuhestur- inn Ekvínus
Vofuhesturinn Ekvínus ryðst í gegnum skóga Forboðna landsins og rænir lifandi verur lífkraftinum. Tom verður að forða sér undan hófaspörkum óvættarins og ná verndargrip úr vörslu hans - annars verður faðir hans vofa alla framtíð...
Óliver fer í sumarfrí
Húrra! Ferðinni er heitið í Saggakot á Litlu Galdraströnd. Bústaðurinn er fullkominn staður til að eyða sumarfríinu. Það er meira að segja draugagangur þar! Óliver eignast nýjan leikfélaga. En er hann allur þar sem hann er séður?
30 Undur veraldar
Hverjir byggðu píramídana og til hvers? Hvers vegna var Kínamúrinn reistur? Hvaða fyrirbæri er eiginlega Eiffel-turninn í París? Og er það satt að ástarhofið Taj Mahal á Indlandi sé í rauninni grafhýsi? Mannsandinn er stundum alveg makalaus, og þau undur sem maðurinn hefur reist eru ótrúleg. Líflegar myndir og læsilegur skemmtilegur texti um stórfenglegustu undur heimsins. Hver reisti þau, hvers vegna og hvenær? Það er allt í þessari bók um mestu undrin sem maðurinn hefur reist.
Risaeðlur í Reykjavík
Risaeðlur í Reykjavík er æsispennandi saga fyrir lesendur á öllum aldri. Með bókinni efnir Ævar Þór Benediktsson loforð við þúsundir barna um allt land sem tóku þátt í lestrarátaki hans nýliðinn vetur og lásu samtals 60.000 bækur. Fimm heppnir lesendur urðu svo að persónum í bókinni sem nú er komin út.
Nesti og nýir skór
Fátt sameinar okkur betur en sögur og ljóð sem við kynnumst í æsku. Þessi fallega bók geymir úrval úr íslenskum barnabókmennt- um fram til síðustu aldamóta, auk þjóðsagna og kvæða. Hér má lesa um litríkar persónur á borð við Gutta og Fóu feykirófu, Bakkabræður, dreka og skessur, konungs- syni og hugrakkar karlsdætur
NÝ RISASYRPA Á FERÐALAGI!
Það er ekkert betra en langþráð frí eftir langan og erfiðan vetur. Það finnst íbúum Andabæjar enda keppast þeir við að finna sér áhugaverða áfnagastaði til að dvelja á í sumarleyfinu. Hér er að finna 19 skemmtilegar sögur af ævintýralegum ferðalögum.
Frozen - Nestisferðin
Kóngulóar- maðurinn
Big Hero 6 - Hetjuliðið
Hætturnar leynast víða þegar skyggja tekur. Það er bara eitt sem stendur í vegi fyrir því að hinir illu glæpamenn nái yfirhöndinni: Nýtt lið ofurhetja, sem er ólíkt öllu því sem heimurinn hefur nokkurn tíma séð!
Í skugga Skrattakolls
Það sem ekki drepur mann
Það sem ekki drepur mann er sjálfstætt framhald Millennium-þríleiksins, en fyrsta bókin, Karlar sem hata konurkom út árið 2004, skömmu eftir að Stieg Larsson lést, rétt rúmlega fimmtugur. David Lagercrantz spinnur hér áfram þann þráð sem Stieg Larsson entist ekki aldur til að ljúka við.
Konan í lestinni
Rachel ferðast alltaf með sömu lest á morgnana. Llestin stansar alltaf á sama ljósinu, fyrir aftan gömul íbúðarhús sem standa við lestarsporið. Einn daginn sér hún skelfilegan atburð út um lestargluggann. Rachel skýrir lögreglunni frá málavöxtum og flækist inn í ófyrirsjáanlega atburðarás. Getur verið að inngrip hennar hafi bara orðið til ills?
Viltu vita meira um Jörðina
Fjórða bókin í þessum skemmtilega bókaflokki. Hér er hægt að lyfta meira en 80 flipum og finna út hvað leynist í regnskógunum, undirdjúpunum eða í eyðimörkinni og líka fræðast um mörg þau undur sem ævintýraveröldin okkar hefur að geyma. Hér er margur fróðleiksmolinn fyrir forvitna krakka.