Fréttabréf Kópavogsskóla
ágúst 2020
Í upphafi skólaárs
Undirbúningur vegna komandi skólaárs er í fullum gangi og kennarar að leggja lokahönd á allt skipulag. Búið er að ráða allt starfsfólk og framkvæmdum innandyra í skólahúsinu er lokið en utandyra en verið að klæða suðurhlið skólans. Það verk er á lokametrunum og hefur ekki áhrif á skólabyrjunina. Í sumar var einnig skipt um þakjárn á stjórnunarálmu og skipt var um alla glugga og gler á suðurhlið. Vinnuaðstaða kennara var stækkuð og útbúið gott fundaherbergi auk lagfæringa á nokkrum rýmum.
Sex nýir kennarar eru að hefja störf og einn frístundaleiðbeinandi auk Bergdísar Finnbogadóttur sem er nýr deildarstjóri yngra stigs (1.-5. bekkur). Starfsmannalisti á heimasíðu er uppfærður og þar eru nöfn og tölvupóstföng allra starfamanna skólans.
Það er óhætt að segja að skólaárið 2019-2020 hafi verið sérkennilegt og viðbúið er að það skólaár sem nú er að hefjast verði það einnig um margt. Það er ánægjulegt að skólasókn nemenda verður með eðlilegum hætti frá fyrsta skóladegi og engin frávik frá stundaskrá hvað sem verður. Samkomutakmarkannir verða þó áfram í gildi og foreldrum því ekki heimilt að koma inn í skólahúsið nema að hafa sambandi við skrifstofu/starfsmenn og bóka tíma. Líklegt er að þær hömlur verði í gildi þar til takmarkanir vegna COVID verða felldar úr gildi í þjóðfélaginu.
Allir árgangar verða með ,,sinn" inngang og þurfa að koma að honum í upphafi skóladags og það verður kynnt fyrir þeim á þriðjudaginn.
- nemendur í 1. og 2. bekk nota anddyri við hliðina á íþróttahúsinu
- nemendur 3. og 4. bekkjar anddyri sem vísar að Söngvaborg (tónmenntastofu)
- nemendur 5. bekkjar verða í Skýjaborg og Stjörnuborg (færanlegu kennslustofurnar) en nota einnig inngang gegnt Söngvaborg þegar þeir koma í hádegismat
- nemendur í 6. og 7. bekk koma inn um aðalinngang
- nemendur unglingastigs ganga um unglingaanddyri.
Ef upp kemur smit
Upplýsingasíða: Spurt og svarað: skólastarf og COVID-19
Mötuneyti
Haustfundir árganga
Stuðningsþjónusta
Skólaráð - grenndarfulltrúi
Mentor app - uppfærsla
Mentor býður upp á app ætlað nemendum og aðstandendum. Appið eru sótt í „Google Play store“ (Android) eða „App Store“ (iOS) með því að slá inn „Infomentor home“ (nemendur/aðstandendur) í leitarslóðina.
Þegar búið er að sækja appið er komið að skrefi tvö sem er að para saman snjalltækið og aðgang í tölvu. Til að para appið við símann þarft þú að skrá þig inn á Minn Mentor í gegnum vafra í tölvu eða snjalltæki (www.infomentor.is) og velja andlitsmerkið í hægra horni. Undir „App stillingar“ velur þú „para aðgang“ og þá ertu beðinn um að velja þér fjögurra stafa PIN númer og endurtaka það. Að þessu loknu ættir þú að vera kominn inn.
Ef þú velur að setja appið upp í gegnum tölvu býr kerfið til QR kóða sem þú parar við símann með myndavélinni.
(Ath. hafi appið verið sótt í gegnum Minn Mentor þá þarf að útskrá sig og skrá sig inn á ný til að geta parað appið við svæðið).