Fréttir úr skólanum
Fréttabréf númer 5
Allir hlýði Víði!
Við í skólanum erum að fylgja fyrirmælum almannavarna til hins ítrasta um aðskilnað hópa og fjarlægðarmörk og því miður þá höfum við fengið það staðfest að þeim fyrirmælum sé ekki fylgt eftir skóla í þó nokkrum tilvikum.
Viljum við ítreka nauðsyn þess að við förum eftir fyrirmælum almannavarna í einu og öllu og "HLÝÐUM VÍÐI".
Það er því mikilvægt að forráðamenn barna dragi á sama tíma úr fjölda einstaklinga í tengslaneti barna sinna utan skólatíma til að vinna ekki gegn þessum ráðstöfunum.
Viljum við minna sérstaklega á eftirfarandi ábendingu frá almannavörnum:
Skólafélagar sem ekki eru í sama hópi í skólastarfinu ættu ekki að vera í návígi utan skóla.
Gildir þetta líka um félaga og vini frá öðrum bæjum í nágrenni okkar.
Grunnskóli Reyðarfjarðar
Email: rey@skolar.fjardabyggd.is
Website: grunnrey.is
Location: Heiðarvegur 14a, Reyðarfjörður, Iceland
Phone: 4741247
Flutningur á milli hæða og hólfa
Brauðrist send til starfsmanna á unglingastigi.
Hádegismatur starfsmanna á unglingastigi, dagleg flutningsleið.
Bækur af bókasafninu á leið til nemenda.
Verkefni og ljóð eftir nemendur í 10. bekk
Dagbókarfærsla frá Birki í veikindum
Vaknaði, gat ekki farið í skólann. Fór að sofa og svaf til 12. Fór að læra. Svo er maður bara eitthvað að hanga, borða, gera eitthvað í dagbókinni, hugsa um tilgang lífsins, bara þetta venjulega.
Ég er að segja það ef ég fæ of mikinn tíma þá fer ég að ofhugsa allt og það er ekki hollt.
Ljóð eftir Elsu
Í skóla er heima,
það skrítið er.
Á fjarfundi að vera,
það öðruvísi er.
Það þarf alltaf að læra,
hvar sem er.
Á covid-19 tímum
ekki gaman er.
Fyrripartur eftir Moniku
Ég pant semja þennan part,
prófið þið svo að klára.
Undir áhrifum myndar eftir Ídu
Fossinn hin fagri syngur,
lag sem fáir skilja.
Náttúran núna springur,
nennir sig ei að hylja
Ljóð eftir Ólaf
horfðu lengra en augað sér
en farðu bara hálfa leið
einnig drauma land
kemur að höndum þér
Ferskeytla eftir Patrek Mána
Inn í tíma sit við borð
læri í bókum og þræti
reyni að segja ekki orð
og sýni á mér kæti.
Berglind skilaði verkefni um orðflokka á svo listrænan hátt til kennara
Heilræði á tímum kórónaveiru
Nánari upplýsingar á þessari slóð, https://www.landlaeknir.is/um-embaettid/frettir/frett/item40627/Heilraedi-a-timum-koronuveiru?fbclid=IwAR2R5RSSaItGMxEz-cSfiGSpTrZFo77HdKPMusujCTmTznzARuTcRbutE84 og hafa heilræðin einnig verið þýdd á ensku og pólsku.