Fréttabréf Grænna skrefa
Fræðsla, nýjustu fréttir, viðbætur á heimasíðuna og fleira.
Svanurinn
Blái engillinn
Evrópublómið
Grænu skrefin ganga vel!
- Á síðustu vikum hafa öll útibú borgarbókasafns verið að skrá sig til leiks - einnig skrifstofa ÍTR í Borgartúni. Verið velkomin og gangi ykkur vel!
- Breiðholtslaug lauk skrefi 2 í nóvember og fékk viðurkenningu.
- Vegna samkomutakmarkana hefur ekki verið hægt að fara í úttektir og bíða nokkrir starfsstaðir eftir því. Það ætti þó að vera hægt núna með rýmkun reglna.
FRÉTTIR AF ENDURVINNSLUMÁLUM
Nú eru komnar nýjar samræmdar merkingar fyrir söfnun úrgangs á Íslandi. Merkin eru íslensk útgáfa af samræmdum norrænum merkingum sem kynntar voru á ráðstefnu FENÚR (Fagráð um endurnýtingu og úrgang) í nóvember síðastliðnum. Markmiðið með þessum nýju merkingum er að styðja við bætta úrgangsstjórnun á landinu og gera flokkun einfaldari og markvissari. Reykjavíkurborg hefur tekið í notkun þessar nýju merkingar á djúpgámum við Hrísateig/Laugalæk.
Merkingarnar eru aðgengilegar öllur á heimasíðu FENÚR og gjaldfrjálsar. Þátttakendur í Grænu skrefunum eru því hvattir til þess að nýta sér þessar merkingar og hlaða þeim niður hér. Merkingarnar er hægt að nota hvort sem er á flokkunartunnur eða á skápa sem geyma ýmsa hluti eða til að merkja sérsöfnun á einhverju sérstöku, því að merkingarnar eru fjölbreyttar og ná yfir mjög marga flokka. Einnig er merkingarnar í boði með enskum og pólskum texta.
Kynningarglærur um Grænu skrefin
Viltu kynna Grænu skrefin fyrir þínu starfsfólki eða samstarfsmönnum? Einfaldar kynningarglærur á PDF, um Græn skref í starfsemi Reykjavíkurborgar, eru nú aðgengilegar á heimasíðu Grænna skrefa og öllum er frjálst að nota þær. Endilega nýtið ykkur það. Sjá hér.
Vistvæn innkaup
Allir ættu að kynna sér vistvæn innkaup og hefja sem fyrst greiningu á sínum innkaupum sem leiða til jákvæðra breytinga. Hér má finna leiðbeiningar um vistvæn innkaup.
Hvað á að gera við rafhlöður og gamlar snúrur?
Ef þið eruð að fara með flöskur og dósir í Endurvinnsluna þá er einnig hægt að losa sig við rafhlöður þar!
Sniðugt er líka að hafa svona stauk á flokkunarsvæðinu ykkar (sjá mynd), þar sem safna má saman rafhlöðum og smáraftækjum sem passa í staukinn. Þarna er allavega hægt að losa sig við gamla I-pod-a. Það er TERRA sem selur þessa stauka og sér um að tæma þá.
FRÆÐSLA Í BOÐI
Hvernig fræðslu vilt þú fá á þinn vinnustað?
Viltu fræðslu á þinn vinnustað um Grænu skrefin eða eitthvað því tengt?
- Almenna kynningu á Grænu skrefunum (styttri eða lengri)?
- Fræðslu um vistvæn innkaup?
- Fræðslu um grænt bókhald?
- Fræðslu um flokkun og úrgangsmál?
- Eða eitthvað annað umhverfistengt sem þér dettur í hug?
Hugsaðu málið og sendu okkur línu á graenskref@reykjavik.is til að spyrja um fræðslumál.
Leiðtogaþjálfun og Grænu skrefin
Um okkur
Email: graenskref@reykjavik.is
Website: graenskref.reykjavik.is
Phone: 4118604
Facebook: facebook.com/graenskref