Delta Kappa Gamma á Íslandi

Félag kvenna í fræðslustörfum

Big picture

Fréttabréf forseta í lok mars 2019

Sælar ágætu DKG konur

Þetta er annað fréttabréfið í marsmánuði og kemur það meðal annars til vegna boðunar landssambandsþings. Þingið verður haldið þann 4. maí í Kvennaskólanum í Reykjavík. Húsið verður opnað kl.9:30 og þá verður boðið upp á kaffisopa og formleg dagskrá hefst svo klukkan 10:00. Á framkvæmdaráðsfundi í haust vorum við sammála um að þar sem við erum með okkar stóru ráðstefnu í sumar, sem skapar DKG konum á Íslandi gott tækifæri til að taka þátt í alþjóðlega starfinu án þess að kosta mjög miklu til, myndum við hafa landssambandsþingið heldur minna í sniðum en venjan er og þess vegna stendur þingið aðeins í einn dag að þessu sinni.

Big picture

Lífsins vegur- leiðsögn og nám

Landssambandsþing 2019

Yfirskrift þingsins er lýsandi fyrir það starf sem fram fer í DKG þar sem við bæði lærum og kennum eitthvað nýtt á hverjum degi.


Dagskráin verður sem hér segir:


9:30-10:00 Mæting og kaffisopi

10:00-10:20 Þingsetning

Orð til umhugsunar og minningarorð

10:20-10:35 Ávarp Lace Marie Brogden, PhD, fyrsta varaforseta alþjóðastjórnar

10:35 Aðalfundur

Á dagskrá verða venjuleg aðalfundarstörf samkvæmt lýsingu í reglugerð

a) Kosning fundarstjóra

b) Kosning tveggja fundarritara

c) Skýrsla stjórnar – umræður

d) Reikningar lagðir fram – umræður

e) Árgjald ákveðið

f) Fjárhagsáætlun lögð fram – umræður

g) Kosning forseta landssambands

h) Kosning annarra stjórnarmanna landssambands

i) Kosning í uppstillingarnefnd

j) Kosning tveggja endurskoðenda

k) Lagabreytingar og reglugerðarbreytingar

l) Ályktanir og tillögur sem berast til landssambandsþings

m) Önnur mál


Undir liðnum önnur mál mun Ingibjörg Elsa Guðmundsdóttir fjalla um alþjóðaráðstefnuna sem verður á okkar vegum 25. - 27.júlí 2019.


Sjá má tillögur til lagabreytinga og tillögur uppstillingarnefndar inn á heimasíðunni okkar.

Að loknum aðalfundi verður hádegisverður


13:00-13:10 Ávarp Jónu Benediktsdóttur, forseta landssambandsins

13:10-13:45 Leadership, Lace-Marie Brogden, PhD, fyrsti varaforseti alþjóðastjórnar

13:45-14:00 Teygjur/hlé

14:00-14:30 Hlúð að velferð ungs fólks- Hvað getum við gert? Dr Sigrún Aðalbjarnardóttir, prófessor

14:30-14:45 Samræður um erindi Sigrúnar

14:45-14:50 Samsöngur

14:50-15:00 Samantekt og þingslit

15:00-15:30 Kaffi og meðlæti

15:30 Fræðsla fyrir gjaldkera deilda, Lace-Marie Brogden.

Tillögur til lagabreytinga

Laganefnd ásamt lögsögumanni fóru yfir lög félagsins og gerðu nauðsynlegar tillögur til breytinga vegna breytinga sem urðu á lögum alþjóðasambandsins síðast liðið sumar. Þá gerðu þær einnig tillögur til orðalagsbreytinga og einföldunar á nokkrum greinum. Áhersla var lögð á að taka fornafnið hann út þar sem rætt var um embættismenn félagsins enda eru þeir allir kvenskyns. Nokkur umræða var um hvort réttara væri að nota líffræðilegt kyn fremur en málfræðilegt en lokaniðurstaðan varð að reyna að taka persónufornöfn út alls staðar þar sem það var gerlegt.

Tillögur til breytinga á lögum má sjá á meðfylgjandi hlekk, gerðar eru tillögur til breytinga á greinum 3, 4, 6, 9 og 10.

https://www.dkg.is/static/files/skjol_landsamband/yfirfarin_log_2019.pdf


Til samræmis við lagabreytingar þurfti einnig að gera breytingar á reglugerð sambandsins. Þær breytingatillögur sem stjórn leggur til má sjá á þessum hlekk hér, gerðar eru tillögur til breytinga á greinum 1, 2, 3, 4 og 5.

https://www.dkg.is/static/files/skjol_landsamband/yfirfarin_reglugerd_2019.pdf


Þessar breytingatillögur verða bornar upp til samþykktar á þinginu. Við biðjum ykkur að skoða þær vandlega og gera athugasemdir ef ykkur finnst ástæða til. Gott væri ef slíkar athugasemdir bærust ekki síðar en viku fyrir þingið á netfangið jona.dkg@gmail.com.

Tillögur uppstillingarnefndar

Að venju verða kosningar til nýrrar stjórnar, uppstillingarnefndar og skoðunarmanna reikninga á þinginu. Uppstillingarnefnd hefur lokið störfum og er tillaga hennar sem hér segir:


Uppstilling til Landssambandsstjórnar 2019 – 2021

Forseti Ingibjörg Elsa Guðmundsdóttir, Alfadeild

1.varaforseti Jónína Hauksdóttir, Betadeild

2. varaforseti Guðrún Edda Bentsdóttir, Kappadeild

Ritari Aníta Jónsdóttir, Betadeild

Meðstjórnandi Theodóra Þorsteinsdóttir Deltadeild


Uppstillingarnefnd 2019-2021

Guðbjörg M. Sveinsdóttir, Þetadeild

Jóna Benediktsdóttir, Iotadeild

Jónína Eiríksdóttir, Deltadeild


Skoðunarmenn reikninga 2019 -2021

Hildur Elín Vignir, Kappadeild

Björg Eiríksdóttir, Gammadeild

Framkvæmdaráðsfundur 3. maí

Að venju er framkvæmdaráð félagsins boðað til fundar fyrir landssambandsþing. Að þessu sinni verður fundurinn haldinn þann 3. maí frá kl.17:00 - 19:00. Fundurinn verður í Reykjavík en staðsetning verður auglýst innan fárra daga. Dagskráin verður sem hér segir:

Kynning á lagabreytingatillögum

Fjárhagsáætlun lögð fram

Kynnt hugmynd stjórnar að breytingum á hefðum um meðferð á nælum samtakanna, sérstaklega hvað varðar nælu forseta og formanna deilda.

Óskað eftir tillögum framkvæmdaráðs að verkefnum fyrir komandi starfstímabil

Léttar veitingar í lok dagskrár

Að lokum

Þetta fréttabréf er nú orðið lengra en upphaflega var áætlað og vona ég að ykkur endist þolinmæði til að fara í gegnum allt þetta efni sem fyrir liggur. Að lokum vil ég svo endilega hvetja formenn deilda til að fara bæði inn á vef ráðstefnunnar

https://www.dkg.is/is/evropuradstefnan-2019

og undirsíðuna þar sem bæði eru skráningar og nánari upplýsingar

https://dkgerc2019.weebly.com

á næsta deildarfundi og sýna deildarkonum dagskrána og hvernig á að skrá sig.


Bestu kveðjur úr snjóugri vorblíðunni að vestan

Jóna

Big picture