Fréttabréf Egilsstaðaskóla

Skólahald á tímum samkomubanns........16. apríl

Áfram höldum við

Við stefnum að því að skólahald færist nær því að komast í eðlilegt horf á næstu vikum. Skólastjóri hefur samráð við öryggisnefnd skólans, fræðsluyfirvöld og heilsugæslu varðandi takmarkanir á skólastarfi. Öryggisnefnd skólans fundar tvisvar í viku og þá funda skólastjórar á Fljótsdalshéraði daglega með fræðslufulltrúa. Samráð er haft við yfirvöld sóttvarna um breytingar. Nú er hafinn undirbúningur að því að takmörkunum verði aflétt af skólastofnunum þann 4.maí n.k. Mörg atriði eru þar enn óljós og munum við kappkosta að nýta vel tímann til að undirbúa okkur öll sem best fyrir þær breytingar. Áfram verða þó sóttvarnir efstar á blaði innan skólans með handþvotti, þrifum á snertiflötum og öðrum sóttvarnaraðgerðum.

Fæðiskostnaður

Nokkuð hefur verið um fyrirspurnir vegna reikningar fyrir fæði. Nú eru í vinnslu reikningar, sem sendir verða út um næstu mánaðarmót vegna maí. Eins og áður hefur komið fram munu ofgreiddir dagar í mars ganga upp í daga í maí. Ofgreiddir dagar í mötuneyti í mars voru 11 fyrir flesta nemendur, en 10 fyrir nemendur í 5.-7.bekk, þar sem dreginn hafði verið einn dagur frá mars reikningi þeirra vegna útivistardags sem ráðgerður var. Þessir dagar munu koma til frádráttar á maí reikningnum.

Munum að halda út samkomubannið

Virðum tímasetningar á skólabyrjun og pössum að nemendur komi ekki of snemma í skólann.

Blár apríl

Markmið Blár apríl er að auka vitund og þekkingu almennings á einhverfu. Hér fyrir neðan á má sjá myndband þar sem einhverfa er útskýrð á góðan hátt. Einhverfa er nefnilega alls konar.
Dagur útskýrir einhverfu - Einhverfa er alls konar

Siljan

Hér er tilvalið heimaverkefni. Markmið keppninnar er að efla lestraráhuga barna og unglinga og skapa jákvæðar lestrarfyrirmyndir. Siljan sameinar læsi, tækni og sköpun og ýtir undir sjálfstæð vinnubrögð.

Siljan er nú haldin í 6. sinn en vegna samkomubanns er tekið við einstaklings- og systkinaframlögum í ár.

Verkefnið er einfalt:
Velja bók – lesa bók – taka upp myndband á síma eða ipad (snúa þversum). Vista myndbandið á netinu (takmarka aðgengi). Senda slóðina á barnabokasetur@unak.is með upplýsingum um nafn, bekk og skóla höfunda og netfang forráðamanna.

Nánai upplýsingar má finna hér.

Big picture

Nýsköpunarkeppni grunnskólanna 5.-7. bekkur

Nýsköpunarkeppni grunnskólanna (NKG) er hugmyndasamkeppni fyrir nemendur í 5. – 7. bekk grunnskóla. Umsóknarfrestur er til 8. maí. Allar nánari upplýsingar má finna hér.
Big picture