Pānui o te wiki
Wiki 8 - Wāhanga 3, 2021
Kura Whānui
Ngā Manu Kōrero ā Motu
Korokī taku manu e kārakaraka ana, nā Mū, nā Weka i toha mai ā ha kimihia, rakahaua koi karo tōu rā i te tini mano o Pōpokorua e!
Tēnei te wiki o Ngā Manu Kōrero ā Motu, heoi nā te urutā kua whakakorengia te ikapahi ā motu ki Te Papaioea. Ka whakatangi tonutia ngā kauhau mai i ngā tū ā rohe hei te Wenerei me te Tāite e kainamu ana. He mihi nui ki a Hana-Amaia Tamati-Paratene, ko ia tō tātou toa i Tā Turi Carroll. Te manako ia ka aroha nui hoki ngā kaiwhakawā ā motu i āu kupu ataahua e kō!
Tamariki Mīharo
E mihi ana ki ēnei tauira kua whakatauira ngā uara o Te Whānau Tahi! Ko Waikahutia, Hoani, Te Ariā Aroha, Matthew, Makeo, me Reyne.
Kura Tuatahi
Māku anō tōku ana e hanga! (Te Kākano)
I te wā o te noho mohoao i puta he wero ki ngā ākonga o Ka Tiritiri o te Moana ki te hanga i tētahi ana ki te kāinga. I kimi rauemi i rangahau i ngā momo rautaki hoki. I te mutunga iho i whakaahuatia e ngā tamariki ēnei ana mīharo. Ka mau te wehi!
Ngā tikanga akuaku!
He mea nui te whakapapa, he mea nui te tiaki i a tātou anō me ngā tikanga hōroi ringa, whakamau ārai mata me te tū mawehe i ngā tauhou. Koia nei ā mātou mahi auaha i tēnei wā, he mahi hei akiaki i ngā whānau ki te whai i ngā tikanga nei.
Maramataka (Rapanui)
Koiri
Aroha nui ki te pānui pukapuka! (Tuawera)
Kura Tuarua
Kapa Poitarawhiti
I tae atu te kapa poitarawhiti o ngā tuākana ki te whiringa toa i tēnei wiki. Ko Te Puna Wai o Waipapa te hoariri. He autaia ngā pūkenga, he ringa rehe te katoa, ka mutu, i toa a Te Whānau Tahi! E 27-10 ngā piro. Kātahi nā te kapa mīharo ko Te Whānau Tahi.
Kura@Kāinga
Te Aho Matua - Te Āhuatanga Ako
5.3 He mea whakaihīhī i te tamaiti te noho o te pakeke ki tōna taha hei toko mōna i roto i ana mahi. Heoi anō, ko te awhi ko te tautoko i a ia. Engari kia kaua e riro mā te pakeke e mahi te mahi a te tamaiti.
Nāia te kapa ‘100%’. E miha ana ki ngā manawa kuaka nei, kua whakauru ki ia akomanga, ia hui kūkara o te kura@kāinga! Paiā!
Pūmanawa K2
Te Toi Puoro - Pēne
Tū Toa (self-defense)
Ripi Rere (Frisbee Golf)
Kura App
Contact Us
Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: 64 03 3374360