Pānui o te wiki
Wāhanga 3, 2021
Poipoia ō tātou nei pūmanawa
Kura@Kāinga
Mauri ora ki a koutou katoa,
Tuatahi rā, ka mihi ki a koutou e mahi tonu i te wā o te mohoaotanga, ā, ki ā tātou ‘tino kaimahi’ (essential workers) hoki, he mahi nā koutou kua ora pai tonu ai mātou katoa, e mihi ana.
Tuarua, ki a koutou ngā mātua e kaha tautoko ana i ā tātou tamariki ki te noho mauri tau, ki te mahi tonu i ngā mahi a te kura, e mihi hoki ana. Tirohia ki raro nei ki ētahi o ngā hua kua puta i te kura@kāinga!
Tuatoru ki a koutou ngā kaimahi o Te Whānau Tahi, e poipoi ana koutou i ā tātou tauira, e poipoi ana hoki i ā koutou ake tamariki i ō koutou taha. E mihi nui ana ki a koutou; ehara i te mahi ngāwari kia aro ki te mahi me te hā o te whānau.
Nau mai e te mokopuna o Te Rarawa, o Te Whānau Tahi, e Tōmairangi Te Hohota Simeon ki te ao mārama. He tamaiti nā Māia rāua ko Tae, he mokopuna nā Te Hohota rāua ko Whaea Sophie.
Tamariki Mīharo
Kura Whānui
Wharewhare i te kāinga! Tēnā koe, e koro, e Matua Ramon, i āu mahi kaikaranga mā mātou. I riro puiaki i a Kahu rātou ko Te Oriwa, ko Mahutu, ko Whaea Hammy, ko Symphony.
Ko ngā Hautipua o Te Whānau Tahi
Kahoot! Kā Tiritiri o Te Moana
He wero ki ngā whānau!
Te Koroī (Tau 7)
Ko tētahi o ngā wero a te Koiri i whakaritea e Whaea Maria i te tēnei noho mohoaotanga, ko ngā Whakataetae Taumahekeheke o te Ao. He wero ki a rātou kia mahia ngā nekehanga koiri, kia whiwhi i ngā piro. I te mutunga iho i tāpirihia ā rātou piro kia mōhio mēnā i riro i a ia te rauwhero, te hiriwa, te kōura rānei. Tirohia ēnei tauira mīharo, a Alex rātou ko Kōmai, ko Houkura, ko Koanga, ko Makeo e whakapau kaha ana!
I aro hoki Te Koroī ki ngā mahi kia tautoko i te taha whānau, ā, i whakatinanahia ngā uara o te kura e ngā tauira. He whakarite inu me te kai i whakaatu ai ētahi i te Manaakitanga, ā, he whakarite kawhe mā ōna mātua tā Krysharley mahi. He whakapai i te kāinga i whakaatu ai te Kaitiakitanga, ā, ko tā Houkura he whakahoki i ngā rīhi. I whakaatu ētahi anō i te Aroha, ā, i pānui pukapuka a Makeo ki tōna tuahine, a Harata.
NGĀ KAUPAPA HĀPORI - COMMUNITY NOTICES
Hākinakina Kura Tuatahi o Waitaha Bubblethon
Kua whakatakotohia te mānuka e te Hākinakina Kura Tuatahi o Waitaha. Ko te wero kia hanga i tō ake ‘Bubblethon’ mā te mahi ngātahi me ngā whānau ki tō mirumiru; kia oma, kia eke pahikara, kia oma anō. Anei ētahi o ngā hua kua puta e whakakanohi ana i a mātou o Te Kura Kaupapa Māori o Te Whānau Tahi!
Kura App
Contact Us
Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: 64 03 3374360