Fréttir úr skólanum
Fréttabréf númer 6
Gleðilega páska
Hér fyrir neðan má sjá nemendur í 2. bekk H flytja fallegt lag um vináttu en textann samdi Þóroddur Helgason fræðslustjóri Fjarðabyggðar.
Hugsanlegar breytingar á kennslu 1. - 6. bekkjar eftir páskafrí
Ef breytingar verða á Reyðarfirði með tilliti til fjölgunar smita þá gætu aðstæður breyst þannig að grípa verði til skertrar þjónustu í skólanum.
Vegna þessa biðjum við ykkur að fylgjst með tölvupóstum þriðjudaginn 14. apríl.
Tími til að lesa
Mennta- og menningarmálaráðuneytið hleypti af stokkunum lestrarverkefni fyrir þjóðina, þar sem börn og fullorðnir eru hvött til að nýta til lesturs þann tíma sem gefst við núverandi aðstæður.
Lestrarverkefnið kallast Tími til að lesa. Heitið er dregið af aðstæðunum sem nú eru uppi, þar sem margir hafa meiri tíma en áður til að lesa og þörfin fyrir hugarleikfimi hefur sjaldan verið meiri. Árangurinn er mældur í tíma, þar sem Íslendingar eru hvattir til að skrá allan sinn lestur á vefsíðunni timitiladlesa.is. Þar geta þátttakendur líka fylgst með sameiginlegum lestri þjóðarinnar frá degi til dags. Á næstu fjórum vikum munu þar safnast upp ýmsar upplýsingar um lestur, hugmyndir að lesefni fyrir ólíka aldurshópa, hvatningarmyndbönd frá rithöfundum og öðrum sem segja okkur hvað og hvar þeim finnst gaman að lesa.
Verkefnið mun standa til 30. apríl og að því loknu munum við freista þess að fá afraksturinn skráðan í Heimsmetabók Guinness. Slíkt hefur ekki verið gert áður og því yrði hér um að ræða fyrsta heimsmet sinnar tegundar. Metið gæti orðið viðmið annarra þjóða, eða okkar sjálfra til að bæta með tíð og tíma.
Grunnskóli Reyðarfjarðar
Email: rey@skolar.fjardabyggd.is
Website: grunnrey.is
Location: Heiðarvegur 14a, Reyðarfjörður, Iceland
Phone: 4741247
8. bekkur að plokka
Er þetta ekki tilvalið fyrir fjölskylduna að gera saman í páskafríinu :)
Hvað er plokk?
Landsmenn hafa tekið upp nýjan heilsusamlegan og umhverfisvænan sið sem á rætur sínar að rekja til Svíþjóðar. Að plokka snýst um að tína upp rusl á förnum vegi á meðan gengið er eða skokkað. Það er stórkostlegt að sameina áhuga á útiveru og umhverfismeðvitund, ánægjan af því að fara út og hreyfa sig verður margfalt meiri með því að gera það með þessum hætti.
Ekki gleyma hollustunni
Við skulum samt ekki gleyma hollustunni og hér fyrir neðan er skemmtilegur fróðleikur sem Elín Rún heimilisfræðikennari tók saman um ávexti og grænmeti og hvað neysla þess gerir fyrir okkur.
Útiíþróttir
Eitt af því sem nemendur gerðu í góða veðrinu um daginn var að gera listaverk í snjóinn með matarlit og sjá má nokkur listaverkanna hér fyrir neðan ásamt listamönnum.
Hlutverk forráðamanna í fjarnámi
Legokubbaáskorun
Á Youtube er til rás sem sýnir ákveðnar áskoranir sem heitir Brick X Brick. Hér er tengill á eitt myndbandið og hér eru fleiri áskoranir.
Svo er kominn íslenskur Facebook hópur sem heitir 30 daga Lego-áskorunin. Hópurinn er opinn og hver sem er getur deilt og séð meistaraverkin þar inni.
PAXEL123
Til að spila leikina þarf ýmist að hafa Java eða Flash. Þú getur sótt Java með því að smella hér og Flash með því að smella hér.
Nemendur í 4. bekk gerðu kókoskúlur og skálar úr pappamassa til að bera góðgætið fram í
Keppni í landafræði
Á eftirfarandi vefsíðu getur fjölskylda og jafnvel vinir sem eru ekki á sama stað, keppt um landafræðikunnáttu sína. Þar sem maður þarf að skrifa inn á ensku, fylgir hér með tengill sem sýnir hvað löndin heita á ensku.
Fánakeppni getur verið skemmtileg
COVID-19 og unga fólkið
Umboðsmanni barna er umhugað að börn fái svör við þeim spurningum sem á þeim brennur í samfélaginu í dag. Við viljum því benda á sérstakan umræðuþátt um Covid-19 sem er helgaður börnum og hvetjum börn til að taka þátt og senda inn spurningar.
- Sérstakur umræðuþáttur um COVID-19 helgaður börnum og ungmennum
- Fá tækifæri til að leggja spurningar fyrir framlínufólkið
Hvað liggur unga fólkinu á hjarta?
Næstkomandi þriðjudagskvöld, 7. apríl, fá börn og ungmenni orðið í sérstökum umræðuþætti um COVID-19 þar sem framlínan, ráðamenn og sérfræðingar svara þeirra spurningum og vangaveltum.
Viðmælendur í þættinum verða sem fyrr Alma Möller landlæknir, Víðir Reynisson, yfirlögregluþjónn hjá Ríkislögreglustjóra, Katrín Jakobsdóttir forsætisráðherra, Lilja Alfreðsdóttir mennta- og menningarmálaráðherra.
En ólíkt fyrri umræðuþáttum um COVID-19 faraldurinn og öðrum þeim fjölmörgu viðtölum sem þessir forvígismenn hafa veitt munu allar spurningar í þessum sérstaka umræðuþætti koma frá unga fólkinu. Þannig gefst þeim færi á að senda inn spurningar sem fyrr í gegnum fyrirspurnarhnapp á ruv.is eða í gegnum netfangið covid19@ruv.is
Einnig gefst unga fólkinu færi á að bera upp lifandi spurningar með því að senda myndskilaboð, t.a.m. í gegnum WeTransfer á sama netfang, covid19@ruv.is
Auk áðurnefndra viðmælenda munu svo Salvör Nordal umboðsmaður barna og Margrét Birna Þórarinsdóttir barnasálfræðingur einnig svara aðkallandi spurningum frá unga fólkinu okkar, eftir því sem við á, spurningum sem snúa ekki hvað síst að stöðu þeirra og líðan við þær aðstæður sem nú ríkja og þau þurfa að læra að fóta sig í, hin óvenjulega samfélagsmynd sem blasir við þeim og allar þessar nýju og framandi áskoranirnar sem þau þurfa að takast á við.
COVID-19 þáttur unga fólksins verður á dagskrá RÚV þriðjudaginn 7. apríl kl. 19.35. Umsjónarmenn þáttarins verða Ragnhildur Steinunn Jónsdóttir og Hafsteinn Vilhelmsson verkefnastjóri UngRúv.
Skrifstofa umboðsmanns barna
Kringlan 1, 5. Hæð / 5th floor
103 Reykjavik, Iceland.
Sími/ Tel: +(354) 552 8999
http://www.barn.is, ub@barn.is