Skólasafn Langholtsskóla
fréttabréf 16.desember 2015 - senn koma jólin
Síðasta sending fyrir jól
Syrpur
Steven Gerrard - Árin hjá Liverpool
Út er komin bókin Steven Gerrard – Árin hjá Liverpool, eftir Sigfús Guttormsson, kennara og sparkfræðing á Egilsstöðum. Eflaust hafa margir knattspyrnuunnendur beðið óþreyjufullir eftir bókinni og nú hefur bókaútgáfan Hólar gefið hana út.
Steven Gerrard er einn besti knattspyrnumaður sinnar kynslóðar. Hann hóf að æfa með Liverpool á unga aldri og varð með tíð og tíma einn besti leikmaðurinn í sögu félagsins. Þegar ferli hans hjá Liverpool lauk var hann orðinn goðsögn hjá stuðningsmönnum liðsins. Hann var fyrirliði lengur en nokkur annar í sögu félagsins og tók við sigurlaunum Meistaradeildarinnar 2005 eftir ótrúlegan úrslitaleik sem enn í dag kallar fram notalega gæsahúð hjá stuðningsmönnum Rauða hersins.
Jólaspyrpa
Glæný Jólasyrpa stútfull af fjöri!
Skemmtilegar jólasögur af Andabæjarbúum sem Syrpuaðdáendur mega alls ekki missa af. Jólin koma með Jólasyrpunni!
Óvættaför 21 Hellaþursinn Rashúk
Hellaþursinn Rashúk liggur í leyni í Dauðatindum. Vofuóvætturinn þefar uppi hræðslulyktina af fórnarlömbum sínum og breytir þeim í stein.
Tom þarf á öllu hugrekki sínu að halda til að komast yfir brotið úr verndargrip Avantíu sem Rashúk geymir…
Þýðandi: Árni Árnason
Höfundur: Adam Blade
Það er svo mikið í húfi hjá Stúfi
Það ætlar allt um koll að keyra í leikskólanum þegar örlítill jólaengill flýtur inn um gluggann. Þar er Stúfur líka mættur í eigin persónu. Það er mikið í húfi hjá Stúfi að hann kynnist leyndarmálinu um jólin!
Í þessari bók mætast tvær ólíkar jólasögur: Sagan af jólasveinunum og litla barninu í Betlehem.
Hér er á ferðinni fjörug og fræðandi bók fyrir börn á leikskólaaldri og í yngri bekkjum grunnskólans.
Höfundar bókarinnar eru mæðgur; Elín Elísabet Jóhannsdóttir, fræðslufulltrúi á Biskupsstofu og ritstjóri fræðsluefnisveitu fyrir starfsfólk kirkjunnar skrifaði söguna en myndlistarkonan Sigrún Hanna myndskreytir.
13 skrýtnir jólasveinar
Þrettán fallegar og skemmtilegar sögur um skrýtna jólasveina og skemmtilega aðstoðarmenn og -konur sem lenda í ýmsum hremmingum en ná með hugkvæmni, dugnaði og smá heppni að sjá til þess að börnin fái þrátt fyrir allt eitthvað í skóinn.
Ómar R. Valdimarsson færir okkur glæný nútímaævintýri um Lunda, Svölu, Nammiló og alla hina hjálparkokkana sem draga fram það besta í gömlu, góðu jólasveinunim okkar og Dagmar Agnarsdóttir skreytir með fallegum myndum.
Sögurnar eru einkum ætlaðar börnum á aldrinum þriggja til hundrað og þriggja ára.
Rusladrekinn
Bergljót Arnalds er einn af okkar vinsælustu barnabókahöfundum og hefur skrifað fjölda metsölubóka, þar á meðal Talnapúkann, sögurnar um Gralla gorm og Stafakarlana. Bergljót er leikkona og hefur kennt börnum bæði leiklist og íslensku. Hún hefur hlotið ýmis verðlaun og viðurkenningar fyrir bækur sínar, þar á meðal AUÐAR-verðlaunin fyrir frumkvöðlastarf og nýsköpun.
Rusladrekinn fjallar um agnarponsu pínulítið skrímsli sem lifnar við í lítilli tjörn og langar til að gleypa allan heiminn.
Söguna samdi Bergljót fyrir dóttur sína sem vildi ólm fá að heyra hana aftur og aftur. Jón H. Marinósson skreytir söguna litríkum teikningum þar sem smáatriði fá að njóta sín.
Í Rusladrekanum tvinnast spenna, ímyndunarafl og mikilvægur boðskapur saman í kitlandi skemmtilega sögu.
Skósveinarnir 2
Skósveinarnir snúa aftur í nýrri bók. Eftir langan vinnudag biður Gru einn skósveininn um að taka til í rannsóknastofunni. En sá fiktar því miður við brúsa merktan PX-41 sem inniheldur eiturgas og breytir gulu góðu fyndnu skósveinunum í fjólubláa, vonda og fúla skósveina. Allt fer til fjandans á heimili Gru. En húmorinn flæðir í gengum bókina og skilur eftir löngun hjá lesandanum til að ganga í skósveinaherinn hjá Gru.Meiri Banana!
30 dýr í útrýmingarhættu
Hinir glæsulegu hvítabirnir á norðurslóðum, snjóhvítar dularfullar salamöndrur í hellum Mexíkó og vinalegur vambi í Ástralíu. Þessi dýr og mörg fleiri eru í útrýmingarhættu. Það yrði mikill sjónarsviptir af þeim – eins og fjallagórillunni, fiskikettinum og indverska villihundinum, sem líka eru í hættu.
Þessi bók segir frá 30 dýrategundum sem eru í útrýmingarhættu. Hver eru þau, hvar búa þau og hvaða hættur steðja að þeim? Hversu mörg eru enn á lífi?
15 svakalegir sjóræningjar
Þeir birtust á sjónum eins og hendi væri veifað. Sumir með hauskúpufána að húni, aðrir létu byssur og sverð duga. Sögufrægar konur og karlar sem réðust til uppgöngu á skip þitt þegar minnst varði.
Bókin segir frá nokkrum svakalegustu sjóræningjum sögunnar. Hverjir voru þeir – eða þær? Hverjir voru grimmastir, hverjir rændu mest?
Stelpurnar okkar
Íslenska kvennalandsliðið í fótbolta hefur náð frábærum árangri. Þátttakan í lokakeppnum EM 2009 og 2013 eru hápunktar í fótboltasögu Íslands.
Í þessari bók er farið yfir sögu landsliðsins í máli og myndum. Margrét Lára, Guðbjörg, Dagný, Sara Björk, Katrín og allar hinar. Úrslit í öllum leikjum Íslands í undankeppnum EM og HM. Íslands- og bikarmeistarar, bestar, efnilegastar og markahæstar frá upphafi.
Lifandi vísindi nr. 13
Svörin getur þú fundið í nýjasta tölublaði Lifandi vísinda, sem er nýkomið út.