Pānui o te wiki
Wiki 5, Wāhanga 4
Te Aho Matua
Te Ira Tangata
1.4 Ko te ngākau te mata me te kuaha o te wairua. Otirā, ko te whiu o te kupu, ko te wero, ko te riri, ko te aroha, ko te hūmarire, me ēnei āhuatanga katoa he mea kuhu ki te ngākau titi tonu ki te wairua. Koia nei te timatanga o te kōrero ‘kia ngākau māhaki’. Mā tēnei hoki ka tika te kōrero ‘he oranga ngākau he pikinga waiora'.
Tākiri mai rā te ata kurakura o Tūmatauenga,
Ka rarapa, ka rarapa.
He tuhi rangi pīpipiwherowhero, ka mura tāepa rangi e!
He kura ki runga, he toa ka ara mai rā e!
Taiahahā! Taiahahā!
Nō te mutunga wiki kātahi anō ka hori, i tīparetia ai ngā pia totohu o Te Whare Tū Tauā o Aotearoa, o Waitaha, o Te Whānau Tahi e. Ko Ngāi Tai ki runga, ko te uri o Tōrerenuiarua tērā i eke ki te ātea o Tū, o Kahukura, me te aha ka hua mai ko te tauira, ko te kaiako, ko te pouako, he tama whakaara, ko te hine whakaara e! Koia rā te whānau Flannagan i eke ki taumata kē atu, i whai pou anō hoki!
Ko Āwhiowhio rāua ko Hikairo Te Hae (te hoa a Hinehou) i eke ki te Poutahi
Ko Haehae i eke ki te Pourua
Ko Matau i eke ki te Poutoru
Otirā, ko Hinehou rāua ko Matua Tairoa i eke ki te Pouwhā!
E tika ana kia mihia, kia whakanuia hoki ēnei toa reiā nā rātou i hāpai ake i te poto o Poutini, i te roa o Akerautangi, i tū ki te riri, i whakamaua ai ngā rongo! Tuuuuku!!!
Kura Tuatahi
Te Kākano
Te Whare Pekepeke ki Papanui!
Te Aho Matua 6.11
Kia puāwai tōnā waiora me tōnā hauora i roto i te hono tāngaengae o tōnā wairua me tōnā tinana.
Tirohia ēnei hunga pīwari e hīkaka ana ki te peke, ki te takahuri me te rere ki Launch Pad Papanui. Me he poraka pekepeke!
Poitūkohu Tau 1-4
Pā Tau 1 - 4
Hākinakina Tau 7-8
Poiuka
Kātahi rā hoki te kēmu poiuka! I tākaro ngā Tau 7, 8 e whitu ngā kēmu i te whakataetae. Nā te painga o ā rātou pūkenga, i eke rātou ki te whiringa toa. Ko tō rātou hoariri ko Marshlands. E rua, e rua ngā kapa, engari i te mutunga iho ko Te Whānau Tahi te tīma toa! He mihi ki ngā kaitākaro o te kapa me tautoko o Pāpā Grant Hakaria.
Kiwi Tag
He tauhou tō mātou kapa ki tēnei tūmomo hākinakina, he tuatahitanga mō te nuinga. I hinga rawa atu mātou i te kēmu tuatahi ki Te Waka Unua (nā rātou i toa i te whakataetae). Heoi, i waia haere, i tino whanake te kapa Pouākai ki ngā ture me ngā āhuatanga o te kēmu. I tino kitea te aroha ki te whakataeatae. I toa mātou i te nuinga o ngā kēmu e ono. Me mihi ka tika ki te manawa piharau o ngā kaitākaro, me te manawaroa o ā mātou kaiāwhina Ariana rāua ko Caesar.
Wharekura
Tau 10
Toki Hākinakina
Poirewa ā Motu (NZ Junior Mens Squad)
Kaipo Ngai Tokowaru
Tāiki Pou
Kaipara Kura Tuarua ā-Rohe (Canterbury Secondary School Athletics)
Amaleila Tiatia - U/15 Discus 1st, Shotput 1st
Amasio Tiatia - U/14 Discus 1st, 100m 5th
Te Huinga Reo 2023
Rāngi Whakahirahira
28 November - 9 December - Whanake Mai - Tau 8 Transition to Wharekura
29 November - PPTA Paid Union Meeting LATE START 11.30am Te Tipuranga + Wharekura
1 December - Pō Whakamana Tamariki
7 December - Whānau Day at Jelly Park
8 December - Ngarenga a Whaea Shar
8 December - End of Year Pūrongo sent
11-16 December - Wiki Hā ki Taranaki (Tau 11-13)
Pānui ā-Hāpori
Pō Whakamana Tamariki
Nau mai, rarau mai e ngā whānau ki te Pō Whakamana 2022. He kaupapa whakahirahira tēnei kia whakanui i ngā tauira me ngā angitū maha o te tau. Ka rua, he wā kia tuku i ngā Amorangi o te kura kia rere ki te ao.
He mea nui kia tae atu ngā tauira katoa ki te tautoko i tēnei kaupapa rangatira o tātou. Ka tū hoki ngā kāhui katoa ki te mahi kapa haka. He kaupapa ōkawa tēnei nā reira me ōkawa ngā weruweru, namatahi mai, waiho ngā poraka ōpaki ki te kāinga.
Pō Whakamana 2022, an evening to celebrate the successes of our tauira and to acknowledge the hard work of our year 13s. Due to the expansion of kura tauira and whānau, we are holding this event at the Cashmere High School PAC (Performing Arts Centre). All tauira of our kura should attend this event and be wearing formal kura uniform, no hoodies. Throughout the evening our tauira will perform kapa haka items that they have been practicing for this event.
Ngarenga a Whaea Shar
Hei te 8 o Tīhema ka whakanui ngātahi tātou i te mareikura nei!
Nau mai, haere mai e te whānau!
We will be farewelling Whaea Shar together at kura on Thursday the 8 of December, from 10am. Please let us know if you are able to attend. You do not need to include your tamariki that attend kura in your RSVP.
Tūranga Mahi
Ringa Raupā Mā!
A part-time job for a Wharekura tauira is available. Kitchen hand – unpacking dishes that have been brought back from school lunches, rinsing, washing putting away.
Starts from 28 November
3.30pm to 6.00pm Mon - Fri
The work will be at 5 Kent Street, Sydenham, and will pay $24 per hour. Send enquiries or a brief letter of application to: phil.jones@freshforlunch.co.nz
Contact Us
Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: 64 03 3374360