Pānui o te wiki
Wiki 6, Wāhanga 2
Te Aho Matua - Āhuatanga Ako
5.10 He mea tino nui te wāhi ako hei whakaohooho i te wairua o te tamaiti ki āna mahi whakaako. Nō reira, kia kikī tonu te kura i ngā mea whakaihihi i a ia, i ngā mea pūpuri hoki i te hā o te ao Māori. Me whakawhanui hoki tona wahi ako ki ngā marae, ki ngā ngāhere, ki waenga parae, ki te taha moana, ki ngā wharepukapuka, whare taonga me era atu whare whāngai i te puna o te mōhio.
Tamariki Mīharo Wiki 6
E mihi ana ki te hunga nei!
Tamariki ora - he taonga te hauora
Nō tō tātou hāpori Māori te whiwhi ki te mahi i te huhua o ngā kaupapa rangatira pēnei te āhua. I hoki mai anō ngā tākuta (Tau tua 5) ki te mātai i te hauora o tēnā o tēnā o ngā tamariki.
Rātaka - For Your Diaries
17 June - Pō Manu Kōrero ā-Kura 5pm-7pm Cashmere High School Performing Arts Centre
22 June - Mākete Matariki, 4-6pm
27 June - Kaimahi Hauora Day - Kura closed
28 June - Lion King - Kiriata ā-Kura at Silky Otter Cinema Wigram
30 June/1 July - Manu Kōrero ā-Rohe ki UC
Kaimahi Hauora Day - 27 June
As our hāpori is still experiencing a number of illnesses in addition to COVID, the board has been looking at a wellbeing plan to support the hauora of our kaimahi. The board has directed Whaea Sharlene to close the kura on 27 June to all ākonga to allow for a hauora day for all kaimahi. We are acutely aware of the impact of illness, and the lack of relieving kaiako on the workload of all kaimahi. We ask that whānau support us in this decision and work with each other to help care for any tamariki that may need supervision that day in their own homes.
- Te Poari Matua o Te Whānau Tahi
17 June 2022 - 5.00pm - 7.30pm
Nau mai, tauti mai e te whānau ki te Pō Manu Kōrero!
Ka tū tēnei kaupapa ki te Kura Tuarua o Te Iringa o Kahukura, ki tō rātou whare rēhia.
Hei ākuanei ka puta te wātaka kaikōrero, heoi kia mōhio mai, ko te tokorua i whakaihuwaka ki ngā akomanga ka tū hei te pō hirahira nei. Waihoki ka tū rangatira ngā māngai o Te Puāwaitanga, kia rite pai ai rātou mō ngā whakataetae ā-rohe o Waitaha.
He kaupapa ōkawa tēnei, me mau kākahu ōkawa ngā tauira. Namatahi mai! Whakapiri mai e te whānau ki tēnei kaupapa motuhake o tātou. Kua roa te wā tā tātou noho wehewehe, nā reira, whakanuia te kaupapa!
Ko ngā Manu Kōrero ā Akomanga!
Kei ngā manu korohi, kei ngā manu korokī, koia kei a koutou katoa me a koutou tū rangatira i te wiki nei.
Te Pāmu Noke
TAM 4.5
Kia tupu te miharo o nga tamariki ki nga mea ora, ki nga mea tupu katoa. Kia kaua e tukinotia.
Anō te pai o te ako ki te paruparu, ki te oneone hoki, he oranga wairua, he oranga hinengaro he oranga taiao!
I haere ngā pīpī o te kura ki te Pūtahinga Para o Ōtautahi. Te harikoa hoki o ngā tamariki ki te rawekeweke me te hanga pāmu noke. I ako ngā ākonga i ngā āhuatanga o ngā noke taika me ngā hua kia whakatipu i te māra kai. He mātanga ēnei tamariki ināianei. Ko te tumanako ia ka kōrerohia ngā akoranga ki te kāinga, ka mahi hoki ngā mahi ki tō rātou ake kāinga.
E rere kau ana ngā mihi ki ngā whānau tautoko. Mei kore ko koutou! Kia kaha tātou ki te tiaki i a Papatūānuku.
Wānanga Kapa Haka #2
Kei ngā ringa tōhau nui o te Wharekura, e mihi ana! Kua ea tā tātou wānanga Kapa Haka tuarua. Ko te wairua hari, ko te wairua koa! Ko te arotahinga tonu te tū ā-motu hei te Hepetema! E koke tonu!
Pūmanawa
E whai hua tonu ana ngā tuākana o te kura i roto i tēnā pūmanawa i tēna pūmanawa!
Tū whitia te hopo, mairangatia te angitū!
Kei whea mai te ihiihi! I mahi ngā Tau 13 Koiri i te Waka Kōpana me te Kōneke Hau i tēnei wiki. He mātau-ā-wheako tēnei, ka mutu, ko ā rātou mahi, ko te wewete i ngā tūraru tērā pea ka puta, me te tautuhi i ngā rautaki e pare ai i ēnei raruraru. Ko te rangi tuatahi hoki tēnei mā Matua Paora Konia (Hoaka Pounamu). Tōna waimārie hoki!
Te Pihinga Mākete Matariki
Nau mai, tautoko mai ngā tamariki o Te Pihinga (Rapanui, Ūkura)
Kura App
Download the Kura App onto your phone to access the Kura pānui, Sports draws, Classroom alerts & the Parent portal.
