Pānui o te wiki
Wiki 10 - Wāhanga 3, 2021
Kura Whānui
Tihei mauri ora ki te whai ao, ki te ao mārama.
Ka rere ō tātou aroha ki te whānau Biddle e whakamau nei i te pare kawakawa, e whakahokia ana tā tātou tama, tā tātou taonga, tā tātou raukura o Te Whānau Tahi ki tōna tūrangawaewae, takoto ai. Nō reira, Jordan, haere, haere, haere atu rā.
Kāti. Tēnā koutou e noho mai nei i te ao tūroa nei. Ko te rāngi whakamutunga, yeeeha!
E mihi ana ki tā tātou Poari, ō tātou kaiako, ō tātou kāiāwhina, ō tātou taua, ō tātou whānau i tautoko i ngā kaupapa i tēnei wāhanga. He pārekareka ngā hua.
Ā tērā wāhanga ka tīmata tātou hei ā Mane 18 Oketopa, he pōwhiri ā te 10 karaka.
He wāhanga mau pōtae whero hoki kia tiaki i ā tātou taonga, whakamaua!
Kia hauramu ā koutou hararei.
Mauri ora
Whaea Shar
Nāhi hou mo te Kura
Kia ora,
Ko Amanda Savage taku ingoa. I am the new Kura Nurse who will be based at Te Whānau Tahi every Tuesday afternoon.
I’m from Christchurch and studied at ARA. I’ve been nursing for 5 years and before working in the community I was working in Starship and Christchurch Hospital with tamariki and their whānau.
I’m very much looking forward to meeting kaiako & akonga.
Ngā mihi maioha,
Tamariki Mīharo
Kei runga ēnei tamariki i te wiki nei!
E mihi ana ki a Hoani rātou ko Te Ao Mārama, ko Alex, ko Nephi, ko Hazel, ko Reyne.
I takoha a Matua Mark i tētahi taonga pounamu ki te kura, e whakamana ana i te tamaiti i whiwhi ngā kāri mīharo maha rawa hei te otinga o te tau. Anei te tokoono ki runga rawa i tēnei wā: Alex (29), Matthew (41), Nephi (38), Houkura (26), Ohomairangi (39), Wakatoiere (33). Karawhiua koutou!
Pūhoi
Te Aho Matua - Te Tino Uaratanga
6.10 kia puāwai tōna waiora me tōna hauora i roto i te hono tāngaengae o tōna wairua me tōna tinana.
Kura Tuatahi
Pukapuka Duffy
Aorakitaka
Aoraki karamata, matapopore, mata areare,
Aoraki matatū nei taku tū, tū, taiahaahā! Taiahaahā!
Koia nei te tino ia o tēnei kaupapa ako, he eke ki ngā taumata o Aoraki mauka. He mea whakawhanake i te pitomata kei te tauira, kia hinātore, kia puāwai, ei kia eke ki ngā whakatiketike o te reo e rangatira nei tātou.
Ko ngā mahi ā ngā tauira o Te Kākano me Te Pihinga he hoki atu ki ngā pepeha, kia kounga anō ai te tuku, kia kounga anō te tū. Ka aromia nuitia te reo whakamiha, te reo mihi i te tangata mā ētahi kupu whakarite, ā, mā te āta whakairo i te kupu.
Ko te take ka hoki ki ngā kōrero nō tuauriuri, whāioio, kei kō katoa te ahunga mai ō tō tāua reo Māori. Kei tawhito katoa ngā kupu, ngā whakataukī, ngā kīwaha, ngā kaupapa hei kōrero mā tātou o nāia!
Ā, koia rā ko te aronga whai atu. Ko te hahū ake ko ngā whakataukī, ko ngā kupu whakarite nō ngā pūrākau kātahi anō ka wānangahia. Otirā, he toro atu ki ngā kōrero a tāngata kē mō tēnei mea te moko, tōna hononga ki te reo. Ko tētahi o ngā whakatauāki i puea ake i roto i ngā akomanga ko tā Hemi Henare; “ko te reo te kākahu o te whakaaro, te huarahi ki te ao tūroa o te hinengaro Māori.”
Nā Kiliona Tamati-Tupa'i (kaiwhakahaere Aorakitaka).
Mā te Wheako!
I tēnei wāhanga kua whanake ngā tamariki o Te Kākano i roto i ngā wheako maha. Mai i te mahi kāmura ki te tunu kai, kua tipu te aka mātauranga kua tipu hoki te māiatanga o tēnā o tēnā. Me mihi ka tika ki ngā ringa āwhina i tēnei wāhanga. Ko Taua Addi rātou ko Whaea Jess, ko Whaea Terrie Leigh ngā ringa tautoko i ngā rangi maha i tēnei wāhanga. Ki ngā whānau o Te Kākano, kia kaha ki te kōrero Māori ki te kainga, kia pai ngā rā whakatā.
Kauhoe
Anei ngā tamariki o Tangaroa! Mīharo katoa ngā akoranga kauhoe i tēnei wiki! I ako ngā tamariki i ngā pūkenga mōrehu mō te tūpono ka hurirapa te waka i te wai!
Kura Tuarua
NCEA - Aromatawai Whakaharatau
NCEA National Mathematics Algebra Exam (Tau 11)
This week as part of practise exams, Tau 11 sat the national MCAT exam. They put many hours into preparing for this, including extra tutorials. We wish them well with their results which will come out at the end of the holidays!
Te Whare Tū Tauā
Pūmanawa - Toi Ataata
Te Reo Rangatira - Tuhinga Auaha
Kei roto anō i te pōuriuri i puritia tōna kikopuku e ētahi matimati whakakōpaka.
I tētahi ata pō i te hīkoi a Uira i te tiriti, i te rua karaka i te ata kātahi anō ka mutu ia tōna mahi ki Makitanara. 17 noa tōna pakeke. He roa, he pango, he koromikomiko hoki te makawe anō nei ko Moana. He whakawhero katoa ngā karu anō nei ko ōnā karu e rite ana ki a Matawhiro nā te hiamoe. I waho ia i waenganui pō me tōna kotahi…
Kātahi ka whakaweto ngā rama katoa i te tiriti, ka tau ia me te tiro whakakōraparapa. I tīmata a Uira ki te āta hīkoi me te karanga atu “Kia Ora?, he tangata i waho nei?”. I tere mataku ia nā reira i tīmata ia ki te hīkoi tere ake, kātahi ka oma atu, ka taka ia ki te papa i te mea i tuki ia ki tētahi mea mārō tē kitea iho ai.
I āta tū a Uira me te mirimiri i tōna ūpoko, kātahi ka kōhimuhimu tētahi tangata i tōna ingoa “Uira” te kī a te tangata nei. Ka hīkoi ngū atu a Uira me te ngana te huna. I te whakatata te tangata ki a Uira. I kaha ake te kōrero o tēnei tangata “Uira”. I te mataku haere te kōtiro nei anō nei kua kite e ia i tētahi kēhua, kei roto anō i te pōuriuri i puritia tōna kikopuku e ētahi matimati whakakōpaka i ūmere te tangata “UIRA!!!”. I ūmere ia “Aiiiiii! HAERE ATUUUU! KO WAI KOE!!!” Ko tōna whakaaro tuatahi i taua wā ko te ‘ka mate au i tēnei pō’. I te karanga tonu a Uira “AIIIII TAUTOKO MAI I AU!!!” I whakatau te tangata i a Uira, i te wā i te noho tau a Uira i āta tiro ia ki te kanohi o te tangata, i kōhimu ia me te reo kutekute “ pāpā?” i whakahoki kōrero te tangata “Āe e taku tamāhine”. I te wā i kite a Uira i te kanohi o tōna pāpā i tere tau tōna mauri, kua roa te wā kāore a Uira kua kite i tōna pāpā, tērā pea 5 tau ki muri i te wā 12 ōnā pakeke. I hoatu a Uira i tētahi awhi nui rawa atu ki tōna pāpā, kātahi… ka rongo rāua i tētahi tangi whakatūpato.
Ko te kī a te reo irirangi “Kei te tīmata te wāhanga o te tau kāore ngā tangata i te tino rata, kōnei te rangi kia whakaae kia puta ngā tangata kaikōhuru i te whare herehere kia whakamate i ngā tangata, noho haumaru e hoa mā, ā, ngana kia kaua e mate Mauri Ora!”
Pānui ā Hāpori - Community Notices
Māori Mobile Vaccination Clinic - Wednesday 6 October!
Either book by phone or email mahaanui@whanau-tahi.school.nz
Include:
Contact number and email details
Name/s of person being booked in
Date of birth
NHI number (if you know it)
If you want dose 1 or 2
Whakapakari te reo i te kāinga!
Kura App
Contact Us
Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: 64 03 3374360