Pānui o te wiki
Pānui Whakamutunga 2022!
Te Aho Matua - Te Ira Tangata
1.1 Nō ngā Rangi Tūhāhā te wairua o te tangata. I tōna whakairatanga ka hono te wairua me te tinana o te tangata.
Te Arawa e!
Ko te whakaariki, ko te whakaariki,
Tukua mai kia piri,
Tukua mai kia tata,
Kia eke mai, ki runga ki te paepae
Poto a Houmaitawhiti!
Mōkiri anō tātou o Te Whānau Tahi i te piri roa mai o tēneki māreikura mā ngā tau 13 kua hipa. Ko whai rawa te kura Whaea Shar, nā tō aroha, nā tō manaakitanga ki te tangata. Kua whārikihia ngā mihi i tō ngarenga, kua hekea ngā roimata. Aroha mutunga kore ki a koe.
Hoki atu ki tō maunga kia purea ai koe e ngā hau a Tāwhiri-mātea.
Ko Te Aho Matua ki Runga!
Atarua te kaupapa, mate ā-moa e whai ana
Puta te ihu oneone o te kaupapa, tūruapō e koke ana
Ko whai tūranga a Te Whānau Tahi i ngā whiringa whāiti katoa - ko te Poitūkohu, te Pā Whutupōro, te Kī-ō-rahi me te Pā Ariki anō hoki. I whiwhi hoki te kura i tētahi o ngā taonga matua - Titia Te Raukura. Kua tukuna tēnei taonga ki te kura kua whakatinana ngā uara o Te Aho Matua. E ai ki te hau kāinga, ko te whakaute o ngā tauira ki ngā kaiwawao, ahakoa te hē, te tika rānei o ngā whakatau.
Tamaiti ākona i te Kura Kaupapa tū ana ki te ao!
Kī-o-rahi v Hoani Waititi Marae
Pā Ariki v Ruamata
Kī-o-rahi v Te Uamairangi
Kura Tuatahi
Rangi Whakamutunga!
Tau 1-4 Poitūkohu
Tau 1-4 Pā
Kua tae ēnei tamariki ki te kēmu whakamutunga i te whakataetae Pā ki Centennial. He rawe te mahi ngātahi kei runga i te whīra. I ētahi wā kua puta mai te ihi me te wehi, i kite ētahi o ngā tamariki i pukana ana ki ngā hoariri, ētahi atu i tiki ngā rau mai i te whīra, ā, i pupuritia hei poi-kei runga i te whīra hokii! He mea rawe ka ora Te Aho Matua kei roto i ēnei tamariki ahakoa te kaupapa. Me mihi ka tika ki ngā kaiwhakaako ko Matua Taurean (Māui) rātou ko Tāiki Ngapara, Kupuora Tarena, Tāwera Hema, i tēnei wā hoki ko Cambell Codyre (Aoraki). Ko koutou ā runga!
Tuawera
Pihikete Kirihimete
Kua pā mai te wairua Kirihimete ki Tuawera i te wiki nei. Kua whakarākei ēnei tauira i ngā pihikete Kirihimete i ngā huka tio, ngā tiakareti me ngā pīataata kai. Mmm namunamua!
Te Rangaihi
Haerenga ki Te Puna Kaukau
I whakanui i ngā kaihaka o Te Rangaihi i tēnei wiki. Ko te arotahinga ināianei ko te Mana Kuratahi ki Whakatū hei a 2023!
Te Puāwaitanga ki Wiki Hā
Rātaka 2023
Important Dates for Return to Kura
- Tari open from 16 Jan
- Swap a Uniform 25 and 26 Jan
- Wharekura - Tau 13 ki Wainui 30 Jan - 3 Feb
- Wharekura - Tau 9-12 ki Wainui 31 Jan - 3 Feb
- Kura Tuatahi - Tau 1-8 FIRST DAY BACK AT KURA - 7 Feb
- Pōwhiri - All new tamariki and kaimahi 7 Feb 10am
- Wharekura - Rangi Whāinga Goal Setting Days 7-8 Feb
- Kura Tuatahi - Hui ā-Akomanga/Whāinga 8 Feb 3.30-5pm
Contact Us
Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: 64 03 3374360