Pānui o te wiki

Wiki 9 - Wāhanga 3, 2021

Kura Whānui

Purapura whetū ki te rangi, he mārama ki te ao, takahia te whenua, takahia te tangata, taku kuru tangiwai ka ngaro. Karangatia te tangi a te manu ki te whaiao ki te ao marama, tihei mauri ora!


Ka rere te aroha ki tō tātou whaea a Whaea Chris Pani rātou ko tōna whānau e noho ana ki raro i te kapua pōuri. E te pāpā, e te koroua, haere ki ō mātua tīpuna, haere, haere, haere atu rā.


Ki a koutou ngā kaihoe o tēnei waka Te Aho Matua, he mihi nui ki a koutou me ā koutou mahi i tēnei wiki. Harikoa ana ngā tamariki, hīkaka ana rātou i ngā mahi hou, i ngā wheako hou hoki, tēnā koutou.


Kei ngā rangatahi, kei a koutou ngā raepoto kia rite, kia mataara, kia kaha ki ngā whakamātautau, karawhiua!


Tamariki Mīharo

E mihi ana ki a Te Hau, Joseph, Alex, Pōtiki, Te Kaea rātou ko Zion i tēnei wiki!

Akomanga Hou

Ānō nei he tūmatarau! I tae mai e rua ngā akomanga hou. Two temporary roll growth classrooms were moved onsite last week. These are currently being refurbished so that we can use them as temporary classrooms and teaching spaces while our new buildings are constructed.
Big picture

Okea Ururoatia

Tē taea e te noho mohoao te aukati i te tokorua nei hei kanohi mō te kapa rīki o Waitaha ki te Tai Poutini. Auē te kaha ua i te rā tuatahi, i toa tonutia te tira 34-10. I te rā tuarua i toa ānō a Waitaha 48-4. He mihi ki a Kadene, ko ia te Toa o Te Rā i te rā tuatahi.

Kura Tuatahi

Kauhoe

Kauhoe ai ngā Tau 5 - Tau 8 ia rā i te Wiki 9 - 10.

Pūmanawa Te Tipuranga

Tunu Tohi Wīwī

Whakapakari Te Reo Māori

I tērā wiki i noho tahi mātou ki tō Takitimu taha ki te wānanga i ētahi hapa reo.
Big picture

Pouākai (Tau 7-8) Poitūkohu

I tākaro a Pouākai i ā rātou kēmu whakamutunga i tēnei wiki. Ko Medbury Thunder ō rātou hoariri, ā, he kēmu kia tau ko wai ka tae tuatoru, tuawhā. He kaha ake a Pouākai mai i te tīmatanga tae noa atu ki te mutunga, ā, i toa 14-3. Hei tā te kaiwhakahaere o te kapa (ko Cambell Codyre) ko ngā kaitākaro mīharo i te katoa o tēnei whakataetae:



Ngā kaiwawao kaha:

  • Kahutia Kahukiwa

  • Houkura Tamati-Paratene


Ngā kaitākaro kaha whiwhi piro:

  • Hemiata Togia

  • Kadene Codyre

Big picture

Tēnehi

Ia Paraire haere mai ai tētahi kaiako tēnehi ki te whakaako i te kēmu ki ngā ākonga Tau 5-8. Ahakoa he ihu hupe te nuinga, kei te tere pakari haere!
Big picture

He kāmura au!

Anei ētahi whakaahua nō Te Heru o Kahukura. I hangaia ngā pouaka whakatipu e ngā tamariki i tēnei wiki. He mahi mīharo ki a rātou katoa.

Big picture
Big picture

Rapanui - E Tipu E Rea!

Te Aho Matua - Te Ao

4.6 kia tupu ngā tamariki hei kaitiaki i ngā painga huhua whenua, o te moana, o ngā ngahere. Kia mau hoki ki ngā ture tuku iho a ngā matua tupuna, e pā ana ki te moana, ki te whenua, ki ngā ngahere


E whai tonu ana ngā tamariki o Rapanui i te kaupapa ‘Maramataka Māori’. I tēnei wiki kua hangaia e rātou ngā pouaka whakatipu, i whakarākei hoki. Kua tīmata te whakatō kākano ki roto i ā rātou pouaka, he tōmato, he rētihi, he pīni, he kūkama, he pī hoki. I ako hoki rātou ngā wāhanga e 4 o te tipu ake o rātou kākano.

Big picture

Kura Tuarua

Ngā Manu Kōrero ā Motu

He tau rerekē rawa! I whakarongo kē mātou ki ngā kauhau mā te Pukamata. Kei te mokopuna a Tahu Pōtiki e mihi ana! Kei te poho kererū mātou i a koe, me te tūranga tuawaru. Wananei!
Big picture

Te Tohu Mātauranga ā Motu - NCEA

Te Aho Matua - Te Tino Uaratanga

6.1 Kia mau, kia noho whakaaraara, noho koi te hinengaro o te tamaiti ki ngā mātau katoa hei ārahi i a ia i roto i te ao hou.


Kua timata ngā aromatawai whakaharatau i tēnei rā. He mihi ki ngā tauira katoa i whakapeto ngoi! He taumahatanga anō ēnei momo mahi! Kua tae mai hoki ngā pepa ōkawa o Te Whare Tū Tauā, he nui ngā hua kua puta hei whao te kete!

Big picture

Pūmanawa K2

Te Aho Matua - Te Tino Uaratanga

6.8 Kia tupu tōna mana me tōna rangatiratanga

Big picture
Big picture
Big picture

Pānui ā Hāpori - Community Notices

Māori Mobile Vaccination Clinic - Wednesday 6 October!

Either book by phone or email mahaanui@whanau-tahi.school.nz

Include:

  • Contact number and email details

  • Name/s of person being booked in

  • Date of birth

  • NHI number (if you know it)

  • If you want dose 1 or 2

Big picture

Kura App

Download the Kura App onto your phone to access the Kura pānui, Sports draws, Classroom alerts & the Parent portal.