Pānui o te wiki

Wiki 1, Wāhanga 3

Te Aho Matua - Te Reo

2.6 E tika ana, mā te hunga tino mōhio ki te reo Māori, ki te ao Māori hoki, e ārahi ngā tamariki i roto i a rātou mahi. Engari kia tika anō te ngākau me te wairua o tēnei hunga, me whakapono hoki ki te kaupapa whānui o ngā Kura Kaupapa Māori.

Big picture

Karanga mai, mihi mai i ā tātou mate hūhua o te wā, rātou kua hinga mai, kua hinga atu rā i ngā rangi, i ngā wiki i ngā marama kua mahue atu. He kura tangihia, he maimai aroha. Kei te tihi o ngā whakaaro rātou o Te Kura Kaupapa Māori o Ōtepoti. Ko te taonga rā o te Wharekura kua whetūrangitia, kei tua o te ārai. E tama, Te Kāhui o te Rangi Karetai, haere, haere, okioki mai. Rātou ki a rātou, tātou te hunga ora ki a tātou, tīhei mauri ora!


Nau mai hoki mai e te whānau ki te wāhanga 3!


Ahakoa ngā roimata e heke ana i a Ranginui i tēnei wiki, me te waipuke o te whenua rā, ko hoki harikoa mai ngā tamariki. He wāhanga pukumahi anō e haere ake nei, kia kaha tātou!


Kia pai te mutunga wiki!

Big picture

Tamariki Mīharo - Wiki 1

E mihi ana ki a Sharntaey-Lee, Waitohi, Tua, Phoenix, Katerina, me Manaia!

Te Reo Māori Classes @ Kura

Ko te kai a te rangatira he kōrero!


Te reo classes are starting again at kura, these classes are for whānau who are early in their reo journey and keen to continue to grow. It is important that tamariki hear and speak reo Māori at home. Nau mai e te whānau!


Classes will be held at kura weekly on Thursday evenings from 5pm - 7pm starting on the 4th of August. We are fortunate to have Pāpā Matiu Rau delivering this hōtaka.


Tamariki are welcome, there will be kaitiaki at kura to supervise them.

Please register here: Reo Māori Class Registration

Big picture

Kura Tuatahi

Kaukoe

Kua hoki anō i a tātou tamariki ki te puna wai o Pioneer kia pakari i a rātou pūkenga kauhoe. He pai hoki te kite i ngā tuākana a Belle rāua ko Beaudene e toha ana ki tō rāua mātauranga ki ngā teina!

Te Pihinga

Ūkura

Kua hoki mai a Ūkura ki tō rātou ana. Ko te whāinga nui o te wiki ko te mahi ngātahi kia kahukura te tū. Kua hikina ngā mānuka o te wiki, kua puta ngā hua. Ko te wero o te Wenerei: Hangaia tētahi ara māpere. Inā te roa o tō Te Kora rāua ko Nephi ara, kāore e teitei ake i tō Wiremu rāua ko Phoenix ara māpere.


Te Tipuranga

Tuawera

Whare Pukapuka ki te Kura!


I timata tō mātou wheako Whare Pukapuka ki te kura i te wiki nei. I aro ngā ākonga ki tō mātou kaupapa hou ‘Te Ikaroa’ mō te wā tuatahi. I tākaro rātou i tētahi patapātai Tuarangi, i rapu rātou i ngā kāhui whetū kei runga i tētahi taupānga ki ngā Ipapa. I tīpako rātou i ā rātou ake pukapuka mai i te Waka Whare Pukapuka. I pānui tāhi mātou, kātahi ka hanga i tā rātou ake pūrākau mai i ngā kāri pikitia. I te mutunga iho, kua whakatō te kākano kia tipu, kia puawai he aroha ki te pānui, ki te Whare Pukapuka hoki me ngā rauemi maha ki roto!


Big picture

Hangarau Tau 7 + Tau 8

Kua timata i ngā kaupapa hou o te wāhanga 3. He rawe te whai wheako mahi tui, tunu kai, me te whakairo anō hoki.

Te Koroī

Haerenga ki te Te Kete Wānanga o Wai Mōkihi (South Library)


I hoki anō mātou o Te Koroī ki te whare pukapuka! Kōtahi tau kāore mātou i haere ki tēnei whare pukapuka nā te mate urutā. Harikoa katoa mātou. I uru hoki mātou i te rūma auaha. I hanga mātou ngā hangarewa kōaro (mould) mā ngā tiakarete. Tā mātou waimārie i tūwhera tēnei ruma ia Taite i te wā i reira hoki mātou. Ka rere ngā mihi ki a Whaea Stephanie, tō mātou matua awhi, kaitaraiwa, kai whakaahua hoki!


Big picture

Te Puāwaitanga

Te Ao Tūroa

Ko tutuki tā tātou tono putea ki Ruia! Ka whai wheako te Wharekura katoa i te taiao i ngā marama e haere ake nei. Ko te arotahinga kia tipu ai te aroha ki tō tātou nei taiao, hei whakatinana i te uara 'kaitiakitanga'. Ka ako anō hoki te hītori Kai Tahu ki Horomaka, me ngā kōrero o te Pā o Onawe. Ka tautoko hoki i te whakarauora i ngā ngahere taketake, me te whakatō rākau. Ko te nuinga o te putea e utu ana i te haerenga tuatahi o 2023 ki Wainui.
Big picture

Whanake!

Ko tutuki hoki te tono putea ki Tama Ora! He putea tēnei kia tautoko i te whanake haere o tā tātou hōtaka Poirewa ki rō Wharekura. Ko te pae tawhiti o te kapa tuākana kia kuhu i te whakataetae ā-motu hei a 2023. Mā te putea nei e taea ana te utu i ngā papa tākaro Poirewa ki Pioneer, ngā taputapu, me te utu hoki i te pouako.


Nau mai, e te pouako hou ko Stacey Niao (Ngāti Awa, Ngāti Tūwharetoa)! Nō Kawerau a Stacey, he kaitākaro i te kapa Poirewa o Aotearoa. I tākaro hoki ia ki Amerika i ngā tau kua hipa, nā te karahīpi ki Illinois State University ki Missouri. Ko whiwhia tana tohu paerua i te Human Performance Science. Kei te kapa whutupōro o Waitaha hoki tēnei mana wahine, e whai tūranga ana hoki ia i te kapa Matatū. Māringanui katoa ngā tama o te kura kia ako i tana taha! Nau mai ngā hua o te wāhanga hou!

Big picture

Toki Hākinakina

Whakataetae Riki ā Te Waka

I ngā hararei i kuhu a Kadene Codyre, rātou ko Hemiata Togia ko Dejah Tuilau hei kanohi mō Waitaha i te Whakataetae Rīki ki Ngā Puna Wai. I tae tuarua te tira Tama U13 (Kadene rāua ko Hemiata). I tae tuatahi te tira Kōtiro U16 (Dejah).


He mihi nui ki a Dejah, kua kōwhiriha ia i te tira Kōtiro U16 Scorpions hei kanohi mō Te Waka. Kei te tākaro rātou ki Tāmaki ki te papa tākaro o Mt Smart i mua i te kēmu Storm me Warriors hei te Paraire nei. E autaia ana ēnei kaitākaro!


Big picture

Pānui ā-Hāpori

SchooI Board Parent Election 2022

NOMINATION ROUND


Our kura will be undertaking a parent election for six School Board vacancies. Nomination papers have now been sent to our whānau.


We have employed Canterbury Education Services (CES) to undertake the election process on our behalf. This year with legislative change, nomination forms and full instructions on how to place your nomination into our own kura election website have been emailed.


Nomination papers are also be available at the tari. Kura will send those on to CES for processing upon receipt from candidates.


Nominations close on Wednesday 3rd August at 12pm. Election day is Wednesday 7th September.


We look forward to your participation in this process.

Kura App

Download the Kura App onto your phone to access the Kura pānui, Sports draws, Classroom alerts & the Parent portal.