Pānui o te wiki

Wiki 8, Wāhanga 1

Te Aho Matua - Te Ao

4.1 Ko tōna ake kāinga te ao tuatahi me te kura timatanga o te tamaiti. Tua atu o tēnei ko te ao Māori. Mā te Kura Kaupapa Māori ia e ārahi i roto i ēnei nekeneke tae noa ki tōna kura whakamutunga, arā, ki te ao whānui me ōna āhuatanga katoa.

Big picture

Nau mai hoki mai ki tō tātou āhuru mōwai!

Kua hoki harikoa mai ngā tamariki i tēnei wiki. Koia rā te tohu pai o te waiora. Ko te wairua o te tangata te kuaha me te matapihi o te ngākau. Te manako ia kei te piki te ora ki tēna kāinga, ki tēna whānau. Kei te noho taratahi tonu ana ētahi, kei te tihi o whakaaro koutou.


He maioha ki tā tātou nei māmā, he kaiako anō hoki, ko whakakī te tūranga kaiako ki Ūkura. Māmā Gaynor, Ngāti Porou, Ngāi Tūāhuriri, nau mai kaki mai ki ngā ringa atawhai o Te Aotūroa.

E kore e mutu ngā mihi ki a koe. Ka whakakī a Māmā Gaynor rāua ko Whaea Terri-Leigh i te tūranga kaiako o Ūkura i tēnei wā. Ki te kore te niao o te waka nei, kei totohu.


Ka whakangā i tā tātou raukura a Hinehou kia rite mā te taenga mai o tā tātou mokopuna hou, ka hoki mai i te Hepetema. E Hine, kawea te aroha o Te Whānau Tahi kia korowaitia i tā tātou mokopuna.

Big picture

Nau mai tauti mai e te kurupounamu o Te Arawa, o Ngāti Porou anō hoki. Ka noho tēnei taonga ki te haumarutanga o Te Heru o Kahukura. E mihi ana ki a koe Amaia, otirā ki te whānau Draper, nau mai ki Te Whānau Tahi.

Kura Whānui

KOWHEORI-19 Update

On Wednesday 23rd March Prime Minister, Jacinda Ardern, announced changes to the COVID-19 settings and Protection Framework.


For teaching and learning at Te Whānau Tahi there are no current changes, we will continue to follow our Covid Response Plan, and review this again at the end of the term. This means we continue to need your support to keep our kura safe:


  • Keep your tamaiti at home if they are unwell, let kura know.

  • Remain in your car when dropping off or picking up your tamariki.

  • Do not go into akomanga, the tari or the Pūtahitanga.

  • Pick up your tamaiti at 3pm, even if they are participating in after kura activities, no waiting on-site till their game.


We also still have RATs available for any whānau that need them, please let us know by contacting the tari.


COVID VACCINATION CLINIC @KURA FRIDAY 8 APRIL, 3-5PM

0800MIHI4U (0800 644448)

TAMARIKI MAI, PAKEKE MAI

Rātaka - For Your Diaries

29-31 March - SI Satellite Volleyball Tournament (tuākana)

7 April - NCEA Hui ā-Whānau ONLINE 5pm-6pm

8 April - MIHI Māori COVID Clinic @kura

14 April - Last day Term 1

Whare Tū Tauā

Ko taku taiaha tēnei,

He rākau atua, he rākau tipua,

He rākau kai rangi, he rākau kai papa

He rākau kai matakaka e


Mokori ana ngā mihi ki te toki kua aupiki ki ngā rangi tūhāhā o te kaupapa nei. I a tātou i noho taratahi ana i te kāinga, he ope taua kua emiemi ki Whakatū. I reira te aromatawai tuākana, ko angitu a Kiliona Tamati-Tupa'i ki te Pou 7, te ao o Māui. E mihi ana ki te hunga tautoko, otirā ki a koe e te raukura. Tō tohaina mai hoki o te mātauranga nei ki ngā mokopuna o Te Whānau Tahi.

Big picture

Tamariki Mīharo Wiki 8

He mihi nui ki ēnei tamariki ko whakatinana ngā uara o te kura i tēnei wiki. Ko Kahutia Kahukiwa, koutou ko Kuikui Hutana, ko Aniya Spark, ko Sadie Campbell, ko Tānerore McLean-Taylor, ko Mihirangi Leys.

Kura Tuatahi

Ka Tiritiri o te Moana

Ahakoa kua hiamo katoa ngā tamariki ki te hoki mai ki Te Kākano i tēnei wiki me mihi ahau ka tika ki ngā tamariki i ū ki ngā mahi kura@kainga. Ngā mihi nui ki a koutou i hono mai ki ngā hui kūkura. I ngā rangi ki te kāinga i whakaritea e mātou i ētahi kaupapa rerekē. Ko te 'Mane Makawe Miharo', ko te 'Tūrei Taputapu me te Taonga', ko te 'Waiata Wenerei', te 'Tae pai Taite' me te 'Paraire mau Pōtae'. Ia te rangi i kōrero tahi, i pānui tahi, i tuhi ngātahi me te tākaro tahi hoki mā te ipurangi. Kua whai pūkenga anō ngā tamariki ki te hono mai ki ngā akoranga ā ipurangi mō te kura@kainga. Ka mau te wehi!

Big picture

Te Heru o Kahukura

E hīkaka ana rātou kia hoki mai! Hei tā ētahi e whawhai ana a Godzilla i a te KOWHEORI! Kua tino mokemoke ngā tamariki o Te Kākano ki a rātou anō, ahakoa ngā āhuatanga o te wā ka kaha kite i ngā uara o te Aroha, me te Kaitiakitanga. Īna te pukamahi o ēnei tamariki i tēnei wiki, ka mau te wehi. Nau mai, tautī mai Amaia, kua mauri tau tō noho ki tō mātou taha.
Big picture

Rapanui

Te mutunga kore kē mai ki ngā whānau i tiaki i ā tātou nei taonga i te wā noho mohao, mei kore ake koutou hei manaaki i a rātou. I hoki ora pai mai ngā tamariki o Rapanui.


Big picture

Ūkura

E rere ana te hao o mihi ki ngā pākeke e tiaki pai ana i ngā tamariki. Kua hoki koakoa mai ki Ūkura e rite ana ki te ako. Nō māua ngā kaiako te whiwhi.


Big picture

Tuawera

Kua tutuki pai ngā tamariki i ngā wero Koiri i ngā wiki e rua kua pahure. Ko te tāera whiu tētahi o ngā wero, ā, ko te whakapakari peke. He mihi nui ki ngā kaitautoko ki te kāinga, kua puawaitia ēnei ākonga!


Te Koroī

Me mihi ka tika ki ngā whānau. Mei kore ake koutou hei tiaki i ngā tamariki i te wā i kati te kura. Kua hoki mai ngā ngākau manahau ki te kura me te tūmanako ki te aro ki ngā mahi. Harikoa katoa rātou ki te kite anō i tō rātou hoa!

Tau 1-4 Poitūkohu

Hīkaka katoa ngā tamariki ki te hoki atu ki te Poitūkohu mai i te noho ki te kāinga. He waimarie i hoki mai mātou i te wā i tū ngā kēmu whakamutunga. Kua whakaae kē ngā tamariki kia tākaro anō i te whakataetae hei te Wāhanga 4 hoki! Ngā whakawhetai ki ngā kaiwhakaako ko Whaea Amber (Te Whānau Tahi Whero), ko Whaea Jasmine rātou ko Whaea Terri-Leigh (Te Whānau Tahi Pango). Nō mātou te whiwhi!


Ngā Toa o te Rā


Te Whānau Tahi Pango - Kāhu Dunn

Te Whānau Tahi Whero - Te Amiri Taylor-McLean

Big picture

Kura Tuarua

Koiri - Tau 12

Ka pū te rūha, ka hao te rangatahi

Kua whakatinanatia tēnei o ngā whakataukī e ngā Tau 12 Koiri i te wiki nei. Ko tā rātou mahi, ko te tū hei kaihautū ki mua i ngā ākonga o Te Tipuranga. Ko te Kī o Rahi te taonga tākaro; ko te mahi tuakana/teina tētahi o ngā hua kua puta.


Pūmanawa - Whakamāori

E mōhio pai ana mātou ki te pai o ngā hua o te akoranga pena kāhore he aromatawai, koia tērā i whakatūria ai ngā akoranga Pūmanawa e Te Kura Kaupapa Māori o Te Whānau Tahi. He akoranga ēnei ka kōwhiria e te tauira, kei te āhua o tōna ake pūmanawa. Nō te tau tonu nei, i whakatūria te kaupapa Whakamāori e whakanake ai ngā pūkenga reo Māori o tērā, o tērā tauira mō te tūpono ka mahanua ai hei te tau tītoki. Me te manako hoki o Taurapa, ka puta ana ēnei tauira o Te Aho Matua i te kura, ka whai ai i te ara o Toi Reo Māori kia whakamana hei kaiwhakamāori. Anei rā te reo whakamiha e tau ana ki Te Taura Whiri i te Reo Māori mō rātou i takoha mai i ēnei poraka - mokori mātou i te arohanui o rātou.


Big picture

Kapa Haka ā-Motu

E rere ana te hā o Tānerore ki a koutou e te whānau,


This panui is to inform all whānau that wānanga this weekend is cancelled. In addition a new online format has been confirmed for Nationals 2022 with new performance dates of 19th - 23rd September.


Due to this change we have also decided to reschedule our planned wānanga and cancel all weekend practices in Term 1. New wānanga dates for the campaign will be provided to whānau next week.

Big picture

Te Tohu Mātauranga ā-Motu - NCEA

Whānau of rangatahi in Tau 11-13, please find a link below with details on each marau being offered in NCEA in 2022. There is also a link here to our calendar so you can see when your taiohi have due dates. Please help them to be organised. For whānau who are new to NCEA there will be an online info session on Thursday 7 of April at 5pm.


Course Outlines 2022

Assessment Calendar 2022

Kura App

Download the Kura App onto your phone to access the Kura pānui, Sports draws, Classroom alerts & the Parent portal.