Flataskólafréttir
Skólaárið 2022-2023 - 3. október 2022
Kæra skólasamfélag!
Þá erum við komin vel inn í skólaárið og september liðinn hjá eins og hendi væri veifað. Eftir smá byrjunarerfiðleika í mötuneytismálum og árlegt streð við að fullmanna frístundina eru hlutirnir farnir að rúlla bærilega og við heilsum október glöð í bragði.
Rétt er að minna á að í október verður langt helgarfrí hjá nemendum en dagana 26.-30. október mun meirihluti starfsfólks skólans bregða sér í námsferð til London. Í ferðinni munum við fá fræðslu um leiðsagnarnám, skoða skóla þar sem sú hugmyndafræði er höfð í hávegum og fá að sjá dæmi um hvernig hún er hagnýtt í skólastarfinu. Er þetta í samræmi við þá áherslu sem við leggjum á innleiðingu leiðsagnarnáms í Flataskóla þessi misserin. Við gerð skóladagatals vetrarins færðum við til skipulagsdag sem vera átti í september til að skapa svigrúm fyrir ferðina, en einnig breytum við fyrirkomulagi samtalsdagsins 26. okt til að ná tíma til ferðarinnar (sjá hér aftar í fréttabréfinu). Við vonum að sjálfsögðu að þetta hálfgerða haustfrí geti nýst fjölskyldum vel til samveru.
Að öðru leyti verður október með hefðbundnu sniði og við dundum okkur við að læra og þroskast í sameiningu. Dagana 5.-12. október er forvarnarvika í Garðabæ og þá munum við m.a. skoða skólareglurnar okkar með tilliti til Barnasáttmálans, fræðast um hugarfar vaxtar, vinna með sjálfsstjórn og virkni heilans, hugleiðslu o.fl.
Bestu kveðjur úr skólanum!
Ágúst skólastjóri
Helstu viðburðir framundan
- 4. okt kl. 8:30 - Haustkynning fyrir foreldra 4. bekkjar
- 6. okt kl. 20:00 - Haustkynning fyrir foreldra 5. bekkjar
- 11. okt. kl. 17:00 - Haustkynning fyrir foreldra 1. bekkjar
- 26. október - Samtalsdagur - Frístund og leikskóladeild opin
- 27. október - Skipulagsdagur - Leikskóladeild lokuð - frístund opin
- 28. október - Skipulagsdagur - Lokað í leikskóladeild og frístund
Starfsáætlun og árganganámskrár
Árganganámskrárnar eru yfirlit yfir nám og kennslu hvers skólaárs í viðkomandi árgangi. Þar koma fram upplýsingar um markmið yfirstandandi skólaárs og að hvaða hæfni er stefnt.
Árganganámskrár Flataskóla eru settar upp í samræmi við hæfniviðmið aðalnámskrár grunnskóla. Kennarar völdu hæfniviðmið sem þeir ætla að vinna með úr aðalnámskránni og skilgreindu viðfangsefni sem ýta undir þá hæfni sem stefnt er að og síðan völdu þeir þær leiðir sem farnar verða til að þjálfa/stuðla að og/eða ná hæfninni.
Árganganámskrárnar má nálgast með því að smella hér.
Í starfsáætlun er m.a. gerð grein fyrir skóladagatali, þ.m.t. lengd jólaleyfis, páskaleyfis og annarra vetrarleyfa, starfsáætlun nemenda, skólareglum, stoðþjónustu, félagslífi og öðru því sem varðar starfsemi skólans ár hvert. Þar eru birtar upplýsingar um starfslið skólans, stjórnkerfi, mögulegan stuðning fyrir nemendur af ýmsu tagi og almennar hagnýtar upplýsingar um skólahald hvers skólaárs.
Starfsáætlun skólaársins 2022-2023 má nálgast með því að smella hér.
Kór Flataskóla
Við minnum á kór Flataskóla en þar er pláss fyrir fleiri nemendur. Æfingar eru einu sinni í viku, á miðvikudögum kl. 14:15-15:15 og kórstjóri er Sólveig Unnur Ragnarsdóttir.
Forráðamenn geta skráð börn sín með því að senda tölvupóst á Sólveigu á vocalist@vocalist.is með upplýsingum um nafn barns og bekk.
Ný stjórn Foreldrafélags Flataskóla
Hér má finna fundargerð aðalfundarins.
Aðalmenn í stjórn Foreldrafélags Flataskóla 2022-2023:
- Fríða Bogadóttir
- Guðrún Yrsa Richter
- H. Hanna Friðriksdóttir
- Harpa Þorsteinsdóttir
- Lydía Þrastardóttir
- Sólveig Auður Bergmann
- Unnur Tómasdóttir
Varamenn í stjórn:
- Erla Þuríður Pétursdóttir
- Katrín Björgvinsdóttir
- Margrét Rán Kjærnested
- Ómar Gunnar Ómarsson
Upplýsingar um bekkjafulltrúa má nálgast hér: http://flataskoli.is/foreldrar/foreldrafelag/bekkjarfulltruar/
Vegna upplýsinga í mentor - mikilvægt!
Því er afar mikilvægt að forráðamenn yfirfari stillingar sínar í kerfinu og hægt er að fylgja eftirfarandi leiðbeiningum:
Ef þú ert skráð/ur inn í gegnum vefinn smellir þú á nafnið þitt í hægra horninu og velur Stillingar en ef þú ert skráð/ur inn með appinu smellir þú á punktana þrjá í hægra horninu. Aðstandendur geta hvenær sem er farið yfir stillingarnar og gert breytingar. Undir flipanum Persónuvernd getur þú stillt hvaða upplýsingar þú vilt að séu sýnilegar öðrum aðstandendum á tengiliðalistanum. Það er gert með því að smella á reitina með tölunni 0 og þá breytist dálkurinn, verður fjólublár og sýnir töluna 1. Þegar breytingarnar hafa verið vistaðar verða upplýsingarnar sýnilegar öðrum.
Ath! Ef nafn aðstandanda er ekki haft sýnilegt á bekkjarlistanum er EKKI hægt að senda viðkomandi póst í gegnum tengiliðalistann í Minn Mentor t.d. ef foreldrar senda út afmælisboð.
Netföng aðstandenda eru aldrei sýnileg öðrum, aðeins möguleikinn senda póst er til staðar.
Mentor - handbók fyrir aðstandendur
Samtalsdagur í október
Þroski heilans og hvað ber að varast
Búa sig!
Íslenska æskulýðsrannsóknin
Ferðamáti til skóla
Opnunartími skrifstofu
Hægt er að senda skólanum tölvupóst á netfangið flataskoli@flataskoli.is
Mælst er til að foreldrar/aðstandendur skrái veikindi nemenda á Fjölskylduvef Mentor.is eða með Mentor appinu.
Auk þess er hægt að tilkynna forföll á skrifstofu skólans með tölvupósti eða í síma 513 3500. Vakin er athygli á að ef veikindi vara lengur en einn dag skal tilkynna daglega.
Flataskóli Garðabæ
Email: flataskoli@flataskoli.is
Website: flataskoli.is
Location: Flataskóli, Gardabaer, Iceland
Phone: 513 3500