Delta, Kappa, Gamma á Íslandi
Fréttabréf forseta í júní 2018
Vorþing
Stjórnarskipti í deildum
Framkvæmdaráðsfundur í september
Austin í Texas
Evrópuráðstefnan 2019
Þekkingarforðinn
Hugleiðing
Sumarið er loksins komið og lóan farin að syngja á túnum í önnum sínum við ungauppeldið. Þessi söngur gleður mig alltaf og fær mig til að hugsa um það sem Páll Ólafsson lætur hana segja við okkur í ljóðinu sínu ,,Lóan er komin að kveða burt snjóinn". Ég er búin að lesa þetta fallega ljóð aftur og aftur núna í maí og finna sífellt meiri boðskap í því. Segja má að lóan gefi okkur góð ráð út í lífið með orðunum ,,hún hefur sagt mér að vaka og vinna og vonglaður taka nú sumrinu mót. Þessa setningu má lesa sem hvatningu til að vera vakandi fyrir þeim tækifærum sem lífið býður, horfa bjartsýnn fram á veginn og nota þau verkfæri sem maður hefur til að gera það besta sem maður getur úr því sem mætir manni.
Með þessu óska ég ykkur gleðilegs sumars og hlakka til að vera í sambandi við ykkur þegar fer að líða að hausti.