Pānui o te wiki
Wiki 5 - Wāhanga 4, 2021
Mauri ora ki a tātou,
He wiki anō e kī ana i ngā wheako me ngā mahi parekareka, heoi he nui tonu ngā mahi kei mua i a tātou.
For the remainder of the year Te Atawhai o Te Aoturoa, and Te Tai o Mahaanui will no longer be accessible as refurbishments are taking place. Raekura will act as our interim tari. Whānau can enter through the Raekura rear door closest to the turning bay.
We will also have a large number of service vehicles on site till the end of year. Kaimahi are going to be using the front carpark for their vehicles. The roundabout is for drop offs ONLY, no parking. If you need to park please use the Pioneer side, and enter on foot via the tennis courts.
Pūhoi - ĀHUATANGA AKO
5.1 Ko ngā āhuatanga ako katoa he mea mahi i roto i te koanga ngākau, me te whakaihiihi hinengaro.
I pārekareka tō mātou wā Pūhoi i tēnei wiki. Ko te wā tuatahi i noho tahi ai mātou i tēnei wāhanga kia tākaro i te kēmu ‘Pā Whare Herehere’. Kua whiti mai a Tama-nui-te-rā, ā, kua whiti mai ngā tuākana me tā rātou tautoko i ngā tēina. He ātaahua te kite i te manaakitanga me te aroha o tētahi ki tētahi i ngā kēmu.
Kaiako ki ngā Tauira - ĀHUATANGA AKO
5.3 He mea whakaihihi i te tamaiti te noho o te pakeke ki tōna taha hei toko mōna i roto i ana mahi.
Kua takoto te mānuka i tēnei wiki i te kēmu Poitarawhiti. Kei ngā kaiako tētahi tuahangata o te kōti poitarawhiti, heoi kua whara tōna tuarā i mua i tēnei rā. Ahakoa tōna whara, i tākaro tonu ia, ā, kua kite i ōna pūkenga whai piro. Heoi anō, i te mutunga o te kēmu, he kaha ake ngā whiu, ngā peke, ngā omanga tere, me te āheitanga a ngā ākonga. I toa ngā ākonga 11-7. He mihi ki a Whaea Amber i tōna whakaritenga i tēnei kēmu mīharo!
Tamariki Mīharo o te Wiki
E mihi ana ki ēnei tamariki, ko Wiremu rātou ko Joseph, ko Phoenix, ko Temetiu, ko Malia, ko Alex.
Rangi Whakamana Tamariki
Paraire 3 o Tīhema
Tau 1 - 6: 11:30am - 12:30pm
Tau 7 - 13: 1:30pm - 3:00pm
E ngā māreikura, e ngā whatukura o Te Whānau Tahi, kua roa te tau nei, ā, e tika ana kia whakanui i ā tātou nei tamariki! Ka aroha hoki, nā ngā āhuatanga Kowheori, kua panoni i ngā āhuatanga o te rangi whakamana tauira. Tuatahi mai, ka tū tēnei kaupapa ā te wā o te kura; tirohia ngā wā hirahira ki runga ake nei. Ka rua, ka pāpāhotia ā-kiriata ngā whakahaerenga e mātou i te korenga o ngā whānau i te kura.
Unfortunately due to Level 2 restrictions our end of year prize giving will be held during kura hours and streamed live for whānau to view online.
Rātaka - For Your Diaries
Monday 22 November - K2 NCEA Exams Commence
Thursday 25 November - Teacher Only Day (Wharekura Only)
Friday 26 November - Teacher Only Day (kura katoa)
Monday 31 November - Tau 8 start in Wharekura
Friday 3 December - Ahiahi Whakamana Tamariki
Tāite 9 December - K2 Hui ā-Whānau - Kapa Haka 2022, 5pm
Kura Tuatahi
Te Pihinga - Haerenga ki Ōtukaikino (Groynes)
I haere mātou o Te Pihinga ki Ōtukaikino mō tā mātou nei kaupapa o tēnei wāhanga. I ako mātou i ngā kōrero mō tipu taketake e karapoti ana i te taiao. Ko te mea tino whakahirahira o tō mātou rā ko te wā i noho mātou hei kaipūtaiao ki ngā huarahi o te wai, me ngā mea ora i roto i te wai.
Tuawera - Haerenga ki Tākaro ā-Poi, Ōtākaroro, Waipapa
E mihi kau ana ki a Ngāi Hōkaka, arā, ki ngā ākonga o Tuawera. He manu rātou, e kai ana i te mātauranga mō ngā wai o Ōtautahi. Ka mutu pea tēnei rā. I tīmata mātou ki Tākaro ā Poi. I kite mātou i ngā manu me ngā rākau i whakairohia i te papa e whakaatu ana i ngā tipuranga me ngā kararehe i ora i taua wāhi i ngā wā o mua. I hīkoi mātou ki te taha o te awa o Ōtākaroro ki te wāhi hokohoko arā, ki ‘Market Square’.
He rongonui tēnei wāhi ki a Ngāi Tahu me Waitaha, i ngā hokohokonga i waenga i a rātou ko te Pākehā. I whakawhiti mātou ki Waipapa (Hagley Park). Ko Waipapa tētahi ingoa o tētahi puna wai ki tēnei wāhi. Kātahi, ka oti mātou ki Waipapa Iti (Little Hagley Park). He wāhi whakahirahira tēnei ki a Ngāi Tahu me Waitaha. I hiahia rātou ki tēnei wāhi i ngā wā o mua mō rātou anō, ki te noho i te wā i haere mai ki te tāone, hokohoko ai i ngā kai me ngā taputapu. Kei te mihi au ki ōku tōtara whakahī, ki a Whaea Te Paea rāua ko Whaea Stephanie, me i kore ake ko kōrua mō te tautoko i a mātou.
Pā Whutupōro
Toa o te Kēmu
Kura Tuarua
Ehara taku toa i te toa takitahi, engari he toa takitini!
Kātahi te tīma ringa rehe ko tēnei. Ia Wenerei, kua tākaro mātou i te pā whutu[ōro, me te aha anō, kua puta te ihu i ngā kemu katoa. Ōrite ana ki te whiringa toa kua tū i tērā wiki. Ko Te Whānau Tahi te toa whakaihuwaka! Ko Papanui te hoariri, heoi e kore e taea te aha nā te parahutihuti o Te Whānau Tahi, nā te oma wheta a ngā waewae, nā te māminga o ngā whiu! Ko te kaute mutunga 17-2 ki a mātou. Nei te mihi uruhau ki tēnei kapa pārekareka.
Poipoia ō tātou nei Pūmanawa!
Kua ea te kaupapa Pūmanawa i tēnei wiki. He rawe kia kite i ngā hua kua puta i tēnā i tēnā o ngā kaupapa. He mihi mutunga kore ki te whānau i koha mai ō rātou mātauranga, kia tutuki ai ngā kōwhiringa katoa. Reo Hāmoa - Jason Tiatia rāua ko Maseiga Taufua, Tū Toa - Korey Gibson, Whakarākei Tinana - Amanda Wells, Tunu Kai - Anton Matthews, Ripi Rere - Te Hohota, Pēne - Taurapa, Toi Ataata - Hineao McLean, Whakairo - Tairoa Flanagan.
Mātakitaki mai!
Pānui ā-Hāpori
$5 PARENT OFFER
Speed up the summer reading action with this $5 Book Offer exclusive to Duffy school
Tēnā koutou. Whānau have an amazing opportunity to buy brand new books for $5, courtesy of Duffy Books. Books are for ages 5 - 16+. If you are interested, please email me at temarino@whanau-tahi.school.nz. All orders need to be in and paid by 5th of December. Books will be sent out by 15th of December.Kura App
Contact Us
Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: 64 03 3374360