Fréttabréf Leikaskólans Undralands

Hin síendurtekna en þó óvinsæla heimsókn er staðreynd, njálgurinn er mættur í Undraland. Og því þurfum við að bregðast við. Óþarfi er þó að missa sig alveg þó vissulega mörgum þyki þessi leiðinda gestur með þeim allra verstu. En svona skulum við bregðast við:

Foreldrar geta skoðað svæðið umhverfis endaþarminn 2–3 klst. eftir að barnið er sofnað t.d. með því að lýsa á svæðið með vasaljósi eða skoða endaþarmsopið snemma að morgni áður en barnið vaknar. Oft er þá hægt að sjá orma við endaþarmsopið. Aðrar leiðir fela í sér að smásjá sé við hödina, svo við látum þær liggja á milli hluta.

Rannsóknir sýna að 90% allra njálseggja eru dauð eftir tvo daga í stofuhita.

Meðferð
Til að ráða niðurlögum njálgs þarf lyfjameðferð og eru tvö lyf skráð hér á landi, Vanquin og Vermox og er hvort tveggja til sem töflur og mixtúra. Vanquin er selt í lausasölu í apótekum en til að fá Vermox þarf lyfseðil frá lækni. Lyfin eru yfirleitt tekin tvisvar þ.e. fyrst einn skammtur og síðan annar skammtur 2 vikum síðar (ekki gleyma þessum mikilvæga punkti).

Mjög mikilvægt er að ALLIR á heimilinu taki lyfin og þeir sem mikið hafa umgengist barnið.

Þið munið Covid er það ekki? Þuluna um handþvott og þurrka með hreinu handklæði í hvert sinn eftir salernisferðir, bleyjuskipti og matvæli eru handleikin? - Hún á svaka vel við núna!

• Sturta að morgni dags er góð - betri en bað, eða skola vel bossann að morgni.
• Hrein nærföt daglega og skipt ört um náttföt og sængurföt.
• Þvo allan þvott við 40 gráður eða meira.
• Best er að setja fötin í þurrkara - við eins mikinn hita og hægt er
• Gæta þess að barnið sé ekki með hendur við endaþarmsopið (klóri sér innan klæða)
• Gott er að sofa í þröngum buxum, leggings eða sokkabuxum - muna að þvo bossa að morgni.
• Klippa neglur hafa þær hreinar - alls ekki naga neglur.
• Gott almennt hreinlæti er gulls í gildi.
• Eftir hverja lyfjagjöf þarf að skiptum um nærföt, náttföt og sængurfatnað.

Fundur um betri vinnutíma og skóladagatal leikskólans verður 27.06. klukkan 20:30 í leikskólanum.