Spjaldtölvur í námi
- af fagfundi vegna innleiðingar á spjaldtölvum í skólanum.
Spjöldin.
Sameiginlegur fagfundur kennara var á dögunum helgaður því hvernig nemendur nýta spjöldin í námi sínu, með áherslu á yngsta og miðstig. Þetta var engan vegin tæmandi listi, heldur fengum við að heyra dæmi frá nokkrum kennurum á þessum stutta tíma sem við höfðum.
Staðan núna er sú að nemendur í 9. og 10. árgangi hafa iPad spjaldtölvur til afnota bæði í skólanum og heima. Vegna tafa sem urðu á umsýslukerfi spjaldanna tókum við á endanum þá ákvörðun að setja spjöldin fyrir 5. til 8. árgang upp eins og bekkjarsett og geyma í læstum skápum í umsjónarstofum, til afnota í tímum. Nemendur á yngsta stigi hafa bekkjarsett af spjöldum til afnota, sem kennari pantar þegar á að nota þau.
Bekkjarsettin af spjöldum.
Nemendur í 3. árgangi hafa í vetur æft sig í umgengni um spjöldin, en það er grundvallaratriði að vel sé um þau gengið til að það gangi að vera með eitt bekkjarsett fyrir alla bekki á yngsta stigi. María og Ragnhildur sýndu okkur hvernig þeir styðjast við bjargir sem eru í öllum stofum á yngsta stigi.
Börnin hafa kynnst ýmsum smáforritum í þessu ferli sem þjálfa íslensku, lestur og reikning. Himingeimurinn var skoðaður á myrkum morgni þar sem spjaldið sýnir himininn eins og hann er í þeirri átt sem því er beint. Þá fóru þau í að setja saman tónlist, en þar prófa þau sig áfram með ,,kall” sem býr til takt eða tón, næsta ,,kall” sem kemur með eitthvað annað inn, og það passar við það fyrsta, og svo koll af kolli. Með þessu sjá þau hvernig mismunandi taktur og tónar mynda lag.
Í framhaldinu hafa börnin kynnst því að vinna að ritunarverkefnum í Google skólaumhverfinu, skrifuðu um jólasveinana og jólaleyfið. Þau hafa lært að stofna skjal á drifinu (e. Drive) í réttri möppu, og vinna bæði eitt og eitt með sitt skjal, en líka tvö í sama skjali, eins og þegar þau skrifuðu um himingeiminn, með sitt hvort spjaldið.
Gagnvirkar námssíður.
List- og verkgreinar, myndmennt.
Forritun fyrir alla.
Hugarkort hjálpar nemendum að öðlast yfirsýn.
Ritunarverkefni í þrepum.
Hugarkortið nýta börnin í næsta verkefni sem inngang að ritunarverkefni í Google skjöl (e. Docs). Hugarkortið sem þau höfðu raðað upp er því nokkurs konar efnisyfirlit efst í skjalinu. Fyrirmælin í verkefninu eru að skrifa eina efnisgrein um hvert atriði. Síðar munu þau svo fá það verkefni að skrifa inngang og lokaorð.
Skil í töluðu máli - með mynd.
Rafbækur sem vinnubækur, verkmöppur eða ferilmöppur.
Rafræn tímalína.
Nám við hæfi hvers og eins.
Osmo námsleikir eru góðir til þjálfunar, en þeim fylgja aukahlutir þar sem nemendur handleika tölustafi, form, bókstafi o.fl sem leikjunum fylgja.
Í unglingadeildinni.
Unglingarnir hafa undanfarið unnið að stuttmyndum, bæði í dönsku og ensku, og koma ,,grænu veggirnir" sér þá vel ef möguleikinn á að skreppa út fyrir landsteinana til myndatöku er ekki fyrir hendi.
Setbergsskóli - virðing, víðsýni, vinsemd.
Email: setbergsskoli@setbergsskoli.is
Website: setbergsskoli.is
Location: Hlíðarberg 2, Hafnarfjordur, Iceland
Phone: 5855500