Fréttabréf Vesturbæjarskóla
Fréttir og upplýsingar um skólastarfið í Vesturbæjarskóla
Nýtt skólaár
Gildi vikunnar
Óskilamunir
Kennsluáætlanir
Litla lausnateymið
Einelti er ekki liðið í Vesturbæjarskóla og er litið á það sem alvarlegt brot á skólareglum og réttindum barna. Samkvæmt reglugerð um ábyrgð og skyldur aðila skólasamfélagsins í grunnskólum (1040/2011) eiga viðbrögð við brotum á skólareglum að vera markviss og til þess fallin að stuðla að jákvæðum skólabrag, bættri hegðun nemenda, aukinni ábyrgð og miða að því að styrkja sjálfsmynd nemenda. Hér má lesa áætlun skólans gegn einelti.
Tilkynningar um einelti eiga að berast umsjónarkennurum barns en einnig er hægt að senda póst á skólastjórnendur. Allar slíkar tilkynningar eru teknar fyrir hjá lausnateymi skólans.
Upplýsingatækni
Notkun síma á skólatíma ekki leyfileg
Nemendur eiga ekki að nota síma á skólatíma. Nemendur hafa aðgang að tækjum frá skólanum til að nota í sínu námi undir umsjón kennara. Ef nemendur þurfa að hafa samband heim fá þeir leyfi hjá kennara til að hringja hjá skrifstofustjóra. Kennarar geta gefið nemendum leyfi til að nota síma í skólanum tengdu náminu ef það þykir henta.
Samsöngur
Samráðsfundir 30. - 31. janúar
Samráðsfundir verða 30. og 31. janúar en þá mæta börnin með foreldrum sínum á fund með kennurum. Markmið samráðsfunda er að foreldrar, kennarar og börnin meti stöðuna og komi sér saman um markmið sem allir vinna að og taka ábyrgð á. Við höldum áfram að þróa nemendastýrða samráðsfundi þar sem tilgangurinn er að valdefla nemendur og auka námsvitund þeirra. Einnig viljum við með þessu virkja börnin til þátttöku á fundunum.
Þriðjudaginn 17. janúar opnar fyrir skráningu í samráðsviðtöl og er hægt að bóka tíma til föstudagins 20. janúar. Hér er hægt að sjá hvernig þú bókar viðtal í gegnum aðgang foreldra https://www.youtube.com/watch?v=mEFYnJhJAsM
Fyrir viðtölin gera börnin sjálfsmat með foreldrum sínum og er mjög mikilvægt að búið sé að svara sjálfsmati fyrir samráðsfundina. Með sjálfsmati leggja nemendur mat á eigin frammistöðu og getu sem virkjar nemendur til þátttöku og ábyrgðar á námi sínu. Börnin koma með sjálfsmatið heim vikuna 9. - 13. janúar.