Pānui o te wiki

Wiki 2, Wāhanga 4

Te Aho Matua - Te Tino Uaratanga

6.3 Kia tupu ngā āhuatanga tuku iho o tōna pūmanawa ki ngā tihi teitei o te taumata.

Hei whakatinana i tēnei kōrero o Te Aho Matua, kua hoki tātou ki te mahi Pūhoi - Tuakana/Teina i tēnei wiki. I whiriwhiri ngā teina i tētahi pūmanawa kia ako ai i te taha o tētahi tuakana. Te ataahua hoki o ngā kanohi e te whānau! He koanga ngakau he pikinga waiora! E ao!
Big picture
Big picture
Big picture

Tamariki Mīharo - Wiki 2

E mihi ana ki a koutou ko whakatinana ngā uara o te kura i tēnei wiki!


Te Ariki Kuka-Sweet (Te Reo Māori)

Rongomaiwhiti Roberts (Kaitiakitanga)

Tānerore McLean-Taylor (Te Reo Māori)

Matty Wilson-Smart (Tino Rangatiratanga)

Reyne Taurua-Crombie (Aroha)

Meremere Tuu-Ahiahi Hapuku (Aroha)

Te Whānau Tahi ki Frozen

Nō mātou te whiwhi i tēnei wheako whakamīharo. Te rerehua hoki kia whakarongo ki te mita o Kai Tahu! Aoraki Matatū!

Big picture

Kura Tuatahi

Tau 1-4 Pā Whutupōro

I tākaro ngā tira Māui (Tau 1-2) me Aoraki (Tau 3-4) i ngā kēmu tuatahi o te kaupeka. Inā te ātaahua o te rangi hoki! He rawe te kite i ngā whānau e akiaki ana i ngā tamariki! He mihi nui ki a Matua Taurean, nāna te tira Māui i ārahi. He mihi hoki ki ngā tuākana ko Tāiki rātou ko Kupuora ko Tāwera i ārahi te tira Aoraki. Wetiweti ana!

Big picture
Big picture
Big picture
Big picture

Tau 1-4 Poitūkohu

I timata ngā kēmu Poitūkohu i tēnei wiki. E toru ō mātou tira i uru ki te whakataetae nei ko Kōkākō, rātou ko Mōhua, ko Amokura. Kua kite te hīkaka, te mataku, te māia me te harikoa o ngā tamariki i runga i te kōti. He tuatahitanga mā te tokomaha ngā tamariki. Me mihi ka tika ki a rātou, me ngā whānau i kaha tautoko. Mei kore ake ko ngā kaiwhakaako ko Waikahutia rātou ko Sophie, ko Whaea Amber. Tau ana te wehi koutou mā!


Big picture

Karapu Wīra

Ka tū anō te Karapu Wīra mō te Kura Tuatahi. Ka whai ngā mate ururoa i tēnei kaupapa i te wā kai nui i ia Paraire. He tino kaupapa tēnei hei whakawhanake i te kakamatanga, te māiatanga, te manawaroatanga anō hoki. He ture haumarutanga; me mau i te kaieke i ōna hū (kaua ko te hanara). Me mau hoki te pōtae mārō. Mauria mai ngā momo tū eke me te pōtae māro ia Paraire. He papawīra, he pūtu wīra, he paihikara, he panunu kakakau ka taea! Kua hokona e te kura ngā papawīra hou, heoi kei te kimi tonu mātou i ngā pōtae māro. Mēnā he pōtae māro e kohi puehu ana ki te kāenga, tēnā tuku mai ki a Tāniora.


The Wheels Club has started up again for the Kura Tuatahi. We are doing this every Friday afternoon during lunch time. This is a great kaupapa to promote coordination, bravery and resilience. All riders must wear proper shoes (no sandals) and a helmet. Ākonga can bring along there equipment and helmets on Fridays. Skateboards, bikes, scooters, roller-blades/skates and scooters are all welcome. Kura has purchased some new skateboards, but we are short on helmets at this time. If there are any spare ones lying around at home, send them into Tāniora (Te Māpara).
Big picture

Tuawera ki te Whare Pukapuka

Kua whai wheako anō ngā ākonga o Tuawera ki te Whare Pukapuka o Ōpāwāho i tēnei wiki. He tino tata tēnei rauemi mīharo ki tō mātou kura, 1km noa iho te tawhiti nā reira i hīkoi mātou ki reira. Ko tēnei te wā tuatahi o te tau i haere tō mātou akomanga ki tētahi Whare Pukapuka, ā, he maha ngā hua i puta mai. Kua akona ngā ākonga i ngā kawatau ki korā, i ngā momo kaupapa pukapuka. I tākaro rātou i tētahi kēmu ‘kimihia te pukapuka’, ā, i tīpakohia rātou i tā rātou ake pukapuka kia pānui. E rere ana ngā mihi ki tō mātou kaiāwhina ko Takitimu me tō mātou matua awhi ko Whaea Helen i tautoko mai.

Big picture

Te Puāwaitanga

Tau 10 - Tikanga ā-Iwi

Te Aho Matua - Āhuatanga Ako

5.6 Ko ngā kaumātua ngā kaipupuri o ngā tikanga Māori, ko rātou hoki ngā pūkōrero. He mea nui tērā kia piri mai rātou ki te kura, ki ngā tamariki hoki hei kaiako, hei kaiārahi.


Tērā te mātanga o Te Reo Māori, o ngā pūrākau, o te hītori. I tērā wiki, nō mātou te whiwhi, ko piri mai a Koko Rangihau ki te taha o ngā Tau 10, kia whāngai i ētahi mātauranga, hītori o ngā waka hourua, ā, ngā pūrākau anō hoki o Ngāi Tuhoe. Ko ngā Waka o Aotearoa te kaupapa matua.


Nā Ti Amo rāua ko Rangimārie ngā kōrero.

Big picture

Poirewa - Whakataetae ā-Rohe TUĀKANA

I tēra mutunga wiki, i tū pakari ai ngā tāne o te Wharekura ki ngā whakataetae Poirewa ā-Rohe. Eke ana te kapa ki te taumata tahi, i whai wheako hou ki ngā kapa rerekē. I tae tuawhitu te kapa, koia noa te timatanga o tēnei ara Poirewa. Kaha rangona te whare hākinakina o Pioneer i te reo Māori e rere ana, me te mana o Te Whānau Tahi.


Nā Kaipo Ngai Tokowaru ngā kōrero.

Big picture

Aromatawai Whakaharatau

NCEA Practice Exams

Ko tū ngā aromatawai whakaharatau i terā wiki. Ko te mea nui ināianei ko te aroturuki! Ka tū ngā aromatawai tūturu hei te Wiki 4 - Wiki 7.

Big picture

Rāngi Whakahirahira


28th October - Te Rangaihi - Whakataetae Kapa Haka

1 November - Wharekura Pō Tuwhera - CANCELLED TAU 8 WHĀNAU CHECK EMAILS

4 November - Last Day Kura Tau 11-13

7 November - NCEA Exams Start

1 December - Pō Whakamana Tamariki

11-16 December - Wiki Hā ki Taranaki

Pānui ā-Hāpori

Poipoiā Pūmanawa Inc. Society - Annual General Meeting 2022

Poipoiā Pūmanawa is a community incorporated society that aims to not only build connections with whānau members of our hāpori but also to connect our whānau to their Reo Māori. We have a range for kaupapa coming up in this AGM.


We have had a quiet but busy year securing funding for our 2023 Wānanga Reo, and we are hoping to have new whānau come on board with us. Nau mai haere mai ki te hui.


As we prepare for our Wānanga Reo in 2023 we would love it if whānau could complete this survey for Te Mātāwai. This will help us gauge where we can help your whānau on your reo journey, for all levels of fluency.


ANNUAL GENERAL MEETING

Wednesday 9th November

5:30pm - 6:30 pm

Te Atawhai o Te Aoturoa


New members welcome

Big picture
Big picture