Fréttabréf VA
Febrúar 2020. 1. tölublað.
Skólastarfið siglir sinn vanagang þrátt fyrir válynt veðurfar
Í febrúar hefur veðrið verið að stríða okkur og þurfti m.a. að blása skóla af einn föstudaginn. Þrátt fyrir það hefur skólastarfið gengið sinn vanagang. Nú eru námsmatsdagar og á þriðjudaginn er önnin hálfnuð sem þýðir að nemendur fá miðannarmat. Einnig hafa nemendur nú tækifæri til að lýsa skoðunum sínum á kennslu í áföngunum í gegnum áfangamat.
Undir lok mánaðarins var jafnlaunakerfi skólans tekið út og innan skamms mun það hljóta vottun sem helst í hendur við áframhaldandi innleiðingu á ISO 9001 staðlinum.
Í febrúar hófust kynningar skólans fyrir grunnskólanemendur. Þau Karen og Birgir fóru um allt Austurland á dögunum með nemendur sé til fulltingis og kynntu skólann. Voru móttökurnar afar góðar og við hlökkum til að taka á móti hluta þeirra nemenda sem við hittum í haust.
Auk þess heldur félagslífið áfram að vaxa og eflast. Í febrúar var haldið spilakvöld og FIFAmót ásamt því sem árshátíðin, kærleiksdagarnir og forvarnamálþing er handan við hornið.
Við tókum á móti ýmsum gestum eins og venjan er, m.a. ráðherra. Meira um þetta allt neðar.
Það er því alltaf nóg um að vera í VA, skólanum okkar!
Áfangamat
Afar mikilvægt er að við náum góðri svörun, þannig eru niðurstöðurnar marktækar. Einnig er rétt að benda á að ef nemendur svara þá geta þeir fengið miða á árshátíðina. Meira um það hér fyrir ofan.
Skólakynningar
Skólakynningar
Skólakynningar
Skólakynningar
Móttökurnar voru alls staðar frábærar og þökkum við innilega fyrir þær. Nemendurnir á stöðunum spurðu mikið og voru á allan hátt til fyrirmyndar. Við hlökkum gríðarlega til að taka á móti sem flestum þeirra næsta haust.
Næst á dagskrá er að 10. bekkingar eru boðnir í heimsókn í VA þegar forvarnamálþingið verður, þann 27. mars. Síðan koma 9. bekkingar í Fjarðabyggð dagana 11.-15. maí og taka þátt í Verknámsviku. Kynningarstarf skólans er því í fullum gangi.
Nemendur keppa í FIFA
Spilakvöld
Nemendur máta nýja aðstöðu í stýringum
Kærleiksdagar 4.-5. mars
Molar úr félagslífinu
Á öskudaginn stóð nemendafélagið fyrir búningakeppni og kötturinn var sleginn úr tunnunni. Fjöldi nemenda mætti í búningum og úr varð mjög skemmtileg stund. Meira um þetta má lesa hér fyrir neðan.
Framundan eru kærleiksdagar og í kjölfar þeirra árshátíð. Kærleiksdagarnir eru 4. og 5. mars og síðan er árshátíðin um kvöldið. Þremur vikum síðar verður síðan forvarnamálþing. Það er því nóg um að vera í félagslífi og uppbroti hjá nemendum.
Umhverfis- og loftslagsstund
Þann 19. febrúar tóku Rótarýklúbbur Neskaupstaðar og Verkmenntaskóli Austurlands höndum saman og héldu umhverfis- og loftslagsstund í húsnæði skólans en umhverfis- og loftslagsmál eru mörgum hugleikin. Meðal framsögumanna voru Guðmundur H. Sigfússon, forseti Rótarýklúbbsins, Gerður Guðmundsdóttir og Ingibjörg Þórðardóttir kennarar við VA og Anna Karen Marinósdóttir nemandi.
Óhætt er að segja að Anna Karen hafi stolið senunni. Hún fjallaði um kolefnisfótspor, veganisma og fleira tengt umhverfismálum. Hún bað ekki um nokkur þúsund jarðarbúa sem væru fullkomnir gagnvart umhverfinu heldur 7 milljarða sem gerðu sitt besta!
Myndband af framsögu hennar má sjá hér fyrir neðan. Sjón er sögu ríkari!
Próftafla
Ef einhverjar spurningar vakna eruð þið hvött til að hafa samband við Karen aðstoðarskólameistara í karen@va.is
Adamsfjölskyldan
Við hvetjum alla til að láta sjá sig á sýningum. Fylgist með auglýsingum framundan!
Ráðherra í heimsókn
Fengu þau kynningu á skólanum og eins og sjá má á myndinni hér fyrir ofan var forsætisráðherra mjög hrifin af fataskiptaslánni okkar.
Meira um heimsókn Katrínar má finna hér fyrir neðan.
Erasmus+ fréttir
Nú fer að styttast í næsta hluta verkefnisins Will to MotivatE(U). Við munum taka á móti 20 kennurum frá samstarfslöndum okkar 20.-24. apríl og er skipulagning heimsóknarinnar komin í fullan gang. Verkefnishlutinn mun einkennast af fræðslu um forvarnir og Fab-lab.
Það verður gaman að sýna þeim skólann og austfirskt samfélag í leiðinni og ljóst er að áhuginn er mikill hjá þeim að koma.
Umsóknir um fleiri Erasmus verkefni hafa verið sendar inn auk þess að umsókn um áframhaldandi samstarfsverkefni er í burðarliðnum.
Hér fyrir neðan má sjá frekari upplýsingar um erlent samstarf innan skólans.
Tæknihornið: Screencastomatic
Við hvetjum ykkur til að prófa. Það er hægt að sækja gjaldfrjálsa útgáfu.
Við erum virk á samfélagsmiðlum, kíktu á okkur þar!
Á döfinni
Kærleiksdagar 4.-6. mars
Árshátíð NIVA 5. mars
Forvarnamálþing 27.-28. mars
Páskafrí: 4.-14. apríl
Verknámsvika 9. bekkjar í Fjarðabyggð: 11.-15. maí