PĀNUI Ā-KURA

Mānawatia mai i ngā kanohi hou ki Te Atawhai o Te Aoturoa!

Nō mātou te whiwhi kia pōwhiritia te hunga hou ki te poho o te kura.

Rau piki, rau kake ki Te Aho Matua!

Ū mai rā e ruranga ki te tāhū o Te Aoturoa!

Te Hinepīware Pomare - Tau 1

Raukawa Carter - Tau 4

Taimānia Salmon - Tau 5

Brik Harding - Tau 6

Whero Harding - Tau 7

Tamatea Thoms - Tau 7

Te Mana o Te Toa Thoms - Tau 8

Bailee Anderson - Tau 9

Ahurei Salmon - Tau 9

Pani Kahukiwa - Tau 12

Whaea Te Arani Huia - (Te Heru o Kahukura)

Whaea Crystal Pomare - Wharekura (Te Ao Haka)

Whaea Gina Coatsworth - Wharekura (Te Reo Pākehā)

Ka mutu he mea nui kia kite ngā tamariki ko te whānau tonu e whakahaere ana i te kura, ko te whānau hoki e mahi ngātahi ana me ngā pouako! Nau mai ēnei kanohi rongonui o te whānau hei kaimahi i te kura!

Matua Kahu Roberts - Tumu Tuarua, Kaiārahi i te Reo

Sophie Kamariera - Pouāwhina Matua, Pou Waihanga Kura Hou

Pēpuere

15 Feb: Haerenga ā-Kura - Puhoi ki Halswell Pool, 12.00pm-2.30pm

Māehe

02 Mar: Kura closes 12pm - Half Day

03 Mar: Rangi Kaiako/Teacher Only Day

12 - 16 Mar: Te Huinga Reo - Tau 12 + 13 ki Heretaunga

17 Mar: Pōwhiri - Te Huritau o Te Kōhanga Reo o Te Whānau Tahi, 5.00pm

23 - 25 Mar: Wānanga Te Aho Matua

Āpereira

24 Apr: Rangi Tuatahi o te Wāhanga 2 (first day of Term 2)

25 Apr: Rangi Maumahara Hoia - ANZAC Day

28 - 30 Apr: Wānanga Reo ā Whānau

Mei

02 - 05 May: Wharekura Hui Tōpū ki Tuia Te Mātangi

16 May: Whakaahua ā-Kura

29 May: Rangi Kaiako/Teacher Only Day

Hune

05 Jun: Kings Birthday Holiday

30 Jun: Rangi mutunga o te wāhanga 2

Wenerei 15 o Pepuere ki te Puna Kaukau o Te Hāpua!

He kaupapa ā kura te ‘Pūhoi’ kia kōtuitui i te Kura Tuatahi ki te Wharekura. Ka tū tētahi kaupapa ia rua Wenerei. Hei tērā wiki ka haere te katoa ki te kaukau.

Wehe mā runga Pahi - 12pm

Hoki mā runga Pahi - 2.30pm

Nāia te hunga whakatinana i ngā uara.

He waimārie ēnei ākonga i whai wāhi ai ki te taha o tō tātou māreikura a Whaea Rhonda Te Wheoro; te Tumuaki tuatahi o te kura.

Ngāti Haua Brooks, Te Ariki Kuka-Sweet, Xikyron Roberts, Akuhata Gilles-Dann, Mākuini Hapi.

Kei aku niho tipua, kei aku mata tipua, tātou e pīkoko nei ki ngā hua nui o tō tātou whare, o Te Whare Tū Taua o Aotearoa, tēnei ia te reo rāhiri e rere nei ki a koutou katoa.

Ko whakatūwherahia te tāwaha o Tū, o Kahukura, o te riri anō hoki, kia whai wāhi mai rā tō tātou whānau o te kura, me te hapori whānui tonu ki kā hua nunui o tō tātou whare. Hai whakamahuki kau ake, hei ia rā Tāite 3.15pm-5pm tū ai ngā whakangūngū mau rākau ki tō tātou whare o Te Atawhai o Te Aotūroa ki TKKM o Te Whānau Tahi.

Nō reira e te whānau, nau piki mai, nau kake mai, tōtōia mai rā ō koutou haumi katoa kia ikapahi mai rā ki ngā pūkaikura niwhaniwha a Tūmatauenga! Tomokia te whare!

Pou Tuakana of Te Whare Tū Tauā ki Te Whānau Tahi would like to invite all tamariki who attend our kura, and their whānau to attend mau rākau sessions weekly here at kura. These sessions are suitable for all levels and all ages. Tamariki under the age of 12yrs MUST be accompanied by an adult. Pakeke mā, come learn alongside your tamariki! Great for reo development, hauora and pikinga waiora!

THURSDAYS 3.15pm-4.30pm COMMENCING 16 FEBRUARY

I timata te kaupeka Poitūkohu mā ngā Tau 1-4 i te wiki nei!

He tino hikaka ēnei tamariki ki te hoki atu ki te kōti. I whakaharatau te tira Mōhua (pikitia tuatahi), ka mutu i tākaro te tira Amokura (pikitia tuarua) i tā rātou kēmu tuatahi.

Ko Pikitawhaki Tauwhare te ‘Toa o te Rā’ PĀIA!!!!

Koia nei ngā kaiako o Te Pihinga i tēnei tau.

He tīmatanga pai, he tīmatanga hari ki a mātou o Rapanui. I hoki maumahara mātou ki ngā āhuatanga o te akomanga me te kura. Hīkaka ana ngā tamariki ki te mahi i ngā mahi.

Inā te pai a te noho tuakana me te teina ki te ako, ki te kōrero, ki te wānanga anō hoki.

Kua tau pai ngā tamariki katoa ki te kura i tēnei wiki. E waia haere ana ki ngā āhuatanga a te kura.

Koia nei a Hine Wairere e whakahau ana i ngā tamariki me āna hokinga mahara ki tāna whakatipu ki te kura nei.

Koia nei te tira Kaiako o Te Tipuranga i tēnei tau

Mā te tuakana ka tōtika te teina, mā te teina ka tōtika te tuakana.

He wiki miharo ki te taha o Te Koroī. I tākaro rātou ki te taha o Takitimu rāua ko Kiliona.

Poho kererū ana mātou ki nga Raukura i ngā hua NCEA, Taumata 3 i hua mai ai i te otinga tau 2022. I riro i a rātou katoa ngā whiwhinga i whakawhiwhia ai te Taumata 3 NCEA me te tohu whakauru ki te whare wānanga. E ao ngā hua o waewae tukituki, o ūpoko pakaru.

I tēnei wiki, i puta mai ngā kōrero mō ngā Karahipi Niu Tīreni 2022, me te aha, nō mātou anō te honore nui ki whakamōhio atu:

I riro i a Matariki Tarena te Karahipi Niu Tīreni i Te Reo Māori. O te 958 ākonga i whakamātauria ai tēnei karahipi, 29 anahe ngā ākonga i toa, ā, ko Matariki tētahi o taua tokoiti rā.

I riro i a Arirangi Stevens rāua ko Wai Tākoha Kamariera te Karahipi Niu Tīreni i Te Reo Rangatira. O te 183 ākonga i whakamātauria ai tēnei karahipi, tokoono anahe i whiwhi, ā, ko rāua ētahi o te tokoiti i eke ki taua taumata.

Tēnei te hau o mihi ka rere ki te tokotoru i ēnei haumāuiui koromatua e.

He kaupapa e whakahaerehia ana e Te Ataarangi me Te Rūnanga Nui o Ngā Kura Kaupapa Māori o Aotearoa.

E tuwhera ana ki ngā whānau, ngā kaimahi me ngā kōhanga hoki o ngā kura Aho Matua o te motu.

This course is aimed at kaimahi and whānau of Kura Kaupapa Māori and Kōhanga Reo affiliated to Te Rūnanga Nui o Ngā Kura Kaupapa Māori o Aotearoa. It is a joint initiative between Te Ataarangi Trust and Te Rūnanga Nui o Ngā Kura Kaupapa Māori o Aotearoa. The Ministry of Education provides the funding for this course as part of a nationwide initiative. This course is 20-weeks.

Intake 1 - 13 Feb 2023 - 30 Jun 2023

Intake 2 - 17 Jul 2023 - 1 Dec 2023

This course consists of: Weekly 2-hour classes with a Kaiako. (Either online or in person) Two 10-hour wānanga Two 6-hour hui.

Learning resources will be provided as well.

To find out more, you can download the course booklet below.

You can register by clicking on the links below

Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: +64 3 337 4360