Friðbergur forseti
Árni Árnason rithöfundur las upp úr nýrri bók sinni 31.október fyrir nemendur í 4.-7.bekk. Nemendur hlustuðu vel á Árna og spurðu hann ótal spurninga um bókina og hann sjálfan.
Ævar vísindamaður
Á þessum árstímum koma margir rithöfundar í heimsókn og lesa fyrir nemendur. Krökkunum finnst mjög gaman að heyra í þeim lesa upp úr sínum eigin bókum. Ævar mun lesa upp úr sinni bók ,,Þinn eigin tölvuleikur" 6. nóvember fyrir 1.-7.bekk.
Heimsókn frá Teresu Lasala
Við fengum skemmtilega heimsókn Teresu Lasala frá Bandaríkjunum sem er oft talin vera ,,móðir" jákvæðs aga í heiminum. Kennslustíll hennar er grípandi og færir hún hlýju, kímni og eldmóð í kennslu sinni um jákvæðan aga. Hún fylgdi Anítu Jónsdóttur kennara um skólann og fylgdist með í 2-3 daga bæði kennsluháttum og hvernig við notuðum jákvæðan aga í okkar skólastarfi. Hún spjallaði síðan við stjórnendur skólans og ræddi um skólann og margt fleira. Henni fannst margt mjög spennandi að gerast í skólanum og sá svo sannarlega mikinn mun frá árinu 2011 þegar hún kom síðast í heimsókn í Naustaskóla. Vonandi fáum við hana í heimsókn fljótlega aftur.
Öryggi í umferðinni
Kæru foreldrar og forráðamenn, nú þegar það er farið að dimma er MJÖG mikilvægt að börnin og reyndar við öll notum endurskinsmerki eða endurskinsvesti þegar við erum í umferðinni. Í myrkri sjást gangandi og hjólandi vegfarendur illa þrátt fyrir götulýsingu. Útsýni ökumanna er allt annað en þeirra sem eru gangandi eða hjólandi. Gangandi eða hjólandi vegfarendur ættu því ætíð að nota viðeigandi öryggisbúnað s.s. endurskin, ljósabúnað og hjálm. Við beinum því til ykkar að yfirfara hjólabúnað og yfirhafnir barnanna og ganga úr skugga um að endurskinsmerki séu á yfirhöfnum og glitaugum og ljós á reiðhjólum. Verum vel upplýst og örugg í umferðinni! Hér má sjá gott myndband um endurskinsmerkjatilraun
Afmælisþemadagar og afmæli
Nóvember mánuður verður aldeilis spennandi fyrir nemendur og starfsfólk Naustaskóla. Við hefjum afmælisundirbúning með þremur skemmtilegum þemadögum 13.-15.nóv. Meðal annars verða handverksstöðvar, þrautastöðvar, jákvæðs aga stöð, bakstursstöðvar, útistöðvar, íslenskustöðvar og margt fleira. Einnig munum við skreyta skólann fyrir afmælishátíðina sem verður föstudaginn 22. nóvember. Foreldrar eru velkomnir í heimsókn þessa daga að kíkja á krakkana sína. Nánari útskýringar koma í vikupóstum í vikunni fyrir þemadagana.
 |  |  |
 |  |  |
Tískubolir Greinilega framtíðar fatahönnuðir hér í skólanum :) | Goðafræði Það eru ýmis flott Goðafræði verkefni í 4.-5.bekk. | Jákvæður agi Við erum alltaf að minna krakkana á jákvæðan aga. |
Tískubolir
Greinilega framtíðar fatahönnuðir hér í skólanum :)
Goðafræði
Það eru ýmis flott Goðafræði verkefni í 4.-5.bekk.
Jákvæður agi
Við erum alltaf að minna krakkana á jákvæðan aga.
 |  |  |
Lestur er mikilvægur! Leshornið í 6.-7.bekk er eins og á flottu bókasafni. | Afmælisdagatal Þau eru mörg glæsileg afmælisdagatöl hér í skólanum ! | Stærðfræðiveggur Fullt af hagnýtum upplýsingum um stærðfræði. |
Lestur er mikilvægur!
Leshornið í 6.-7.bekk er eins og á flottu bókasafni.
Afmælisdagatal
Þau eru mörg glæsileg afmælisdagatöl hér í skólanum !
Stærðfræðiveggur
Fullt af hagnýtum upplýsingum um stærðfræði.
 |  |  |
Unglingasmiðja Aldeilis flott verkefni úr unglingasmiðju. | 6.-7.bekkur í textílmennt Það verður mikið bakað í desember í glæsilegum svuntum :) | 4.-5. bekkur í textílmennt Framúrskarandi prjónaverkefni! |
Unglingasmiðja
Aldeilis flott verkefni úr unglingasmiðju.
6.-7.bekkur í textílmennt
Það verður mikið bakað í desember í glæsilegum svuntum :)
4.-5. bekkur í textílmennt
Framúrskarandi prjónaverkefni!
