Bundið áfangaval og valáfangar
Vor 2019
Munið að huga að undanförum!
AFREKSÍÞRÓTTASVIÐ - BLAK (BLAK1AÞ05)
Undanfari: BLAK1NÆ05
Afreksíþróttasviðsáfangi í blaki. Áhersla á afreksþjálfun.
AFREKSÍÞRÓTTASVIÐ - GÖNGUSKÍÐI (GÖSK1AÞ05)
Undanfari: GSKÍ1NÆ05
Afreksíþróttasviðsáfangi á gönguskíðum. Áhersla á afreksþjálfun.
AFREKSÍÞRÓTTASVIÐ - HANDBOLTI (HAND1AÞ05)
Undanfari: HAND1NÆ05
Afreksíþróttasviðsáfangi í handbolta. Áhersla á afreksþjálfun.
AFREKSÍÞRÓTTASVIÐ - KNATTSPYRNA (KNAT1AÞ05)
Undanfari: KNAT1NÆ05
Afreksíþróttasviðsáfangi í knattspyrnu. Áhersla á afreksþjálfun.
AFREKSÍÞRÓTTASVIÐ - KÖRFUBOLTI (KÖRF1AÞ05)
Undanfari: KÖRF1NÆ05
Afreksíþróttasviðsáfangi í körfubolta. Áhersla á afreksþjálfun.
Akademísk enska (ENSK3AE05)
Undanfari: ENSK3HO05
Áfanginn gengur út á að nemendur lesi enskan texta sér til ánægju og yndisauka. Í stað tímasóknar er lögð áhersla á sjálfstæð vinnubrögð nemenda þar sem þeir nýta tímann til lesturs og verkefnavinnu sem tengist textanum. Nemendur velja sér sex bækur af lista sem gefinn verður út, lesa þær og skila inn skýrslum. Nemendur bera sjálfir ábyrgð á að útvega sér lesefnið.
ÁTÖK Á 20. ÖLDINNI (SAGA3ÁS05)
Undanfari: SAGA2MÍ05
Í áfanganum verða tekin fyrir helstu átök 20.aldar. Sérstök áhersla verður lögð á heimsstyrjaldirnar tvær, kalda stríðið og átökin í Mið-Austurlöndum. Einnig verður uppgangur stórvelda í Asíu á 20.öld skoðaður. Áhersla verður á hugmyndafræðilegan bakgrunn átakanna og afleiðingar þeirra fyrir samskipti þjóða.
DIY - endurnýting (UMFE1NÝ03)
VALÁFANGI
Undanfari: Enginn
Nemendur læra að endurnýta dót, föt, breyta og bæta það sem þau eiga. Finna sér ódýrar lausnir og leiðir til þess að gera ljótt fallegt. Í lok annar yrði svo sýning á því sem farið hefði fram, hvað var gert, hvernig var það gert. Allt ferlið myndað og sagt frá því með orðum með mynd á sýningunni.EÐLISFRÆÐI - RAFSEGULFRÆÐI (EÐLI3RS05)
Undanfari: EÐLI3SB05
Farið er yfir grunnatriði í tengslum við rafsegulfræði. Efnisatriðin eru rafhleðsla og rafsvið, rafspenna, þéttar og geymsla raforku, rafstraumur og lögmál Ohms, rakstraumrásir og lögmál Kirchhoffs, segulmagn, span og lögmál Faradays og rafsegulbylgjur.
FAGORÐAFORÐI OG FERÐAMÁL (ENSK3FO05)
Undanfari: 15 einingar í ensku
Nemendur þjálfist í að tileinka sér aukinn orðaforða vísinda og fræða, verði læsir á flóknari textan en áður, tjái hugsun sína skýrt í ræðu og riti og rökstyðji skoðanir sínar. Nemendur vinna með fjölbreytt efni þar með talið fréttabréf um nærumhverfi sniðið að þörfum ferðamanna. Áhersla er lögð á vandlegan lestur texta með það fyrir augum að byggju upp virkan og hagnýtan orðaforða. Nemendur vinna einstaklingsverkefni þar sem áherslan er á að nemendur auki við sig sérstaklegan orðaforða sem tengist þeirra braut. Þar að auki munu nemendur skoða valin bókmenntaverk út frá sjónarhóli félagsvísinda og náttúruvísinda. Nemendur vinna sjálfstætt að viðameiri verkefnum svo sem kynningum og stærri ritunarverkefnum, sem fela í sér öflun upplýsinga á bókasafni, á Netinu og margmiðlunarefni.
FORRITUN - ARDUINO OG RASPERRY PI (TÖLF2RF02)
Undanfari: Enginn
Kennd eru nokkur grunnatriði forritunar og rafeindatækni í gegnum forritanlega tölvueiningu sem getur unnið með margvíslega nema og skynjara og stjórnað búnaði (Arduino). Einnig er farið í uppsetningu á Raspberry Pi smátölvum, þ.e. uppsetning stýrikerfis og einföld verkefni í forritun af ýmsu tagi, t.d. á tónlist eða fyrir Minecraft.
FRANSKT SAMFÉLAG (FRAN2FS05)
Undanfari: Enginn
Franska tungumálið veitir aðgang að marglituðum menningarheimi. Þessi áfangi býður upp á að kynnast þessum heim í gegnum kvíkmyndir, bókmenntir og tónlist. Farið verður í ýmsum þætti menningar og samfélaga í frönskumælandi löndum.
FÖLL, MARKGILDI OG DEILDUN (STÆR3DF05)
Undanfari: STÆR2VH05
Meginefni áfangans eru föll, markgildi, deildareikningur og kynning á deildun. Efnisþættir sem teknir verða fyrir í áfanganum eru: Föll: Veldisföll, vísisföll, lograföll, andhverf föll og samskeytt föll. Markgildi og deildun: Markgildishugtakið. Skilgreining á afleiðu falls. Deildun veldisfalla, vísisfalla, lografalla og hornafalla. Reiknireglur fyrir deildun margfeldis, ræðra falla og samskeyttra falla. Samfeldni og deildanleiki falla. Aðfellur. Hagnýting deildunar við könnun falla, s.s. að finna staðbundin hágildi og lággildi, einhallabil, beygjuskil og jöfnu snertils. Gröf falla. Noktun deildareiknings við hagnýt viðfangsefni.
GALDRAR - FRÁ ÖRÓFI ALDA TIL HARRY POTTER (SAGA3GA05)
VALÁFANGI
uNDANFARI: SAGA2FR05
Markmiðið er að skoða hugmyndir um galdur og galdra fá upphafi tímans og fram til nútímans. Hugtakið galdur verður krufið, hvernig hann birtist á ólíkum tímum í ólíkum samfélögum. Galdrar verður skoðaðir m.a. út frá trúarhugmyndum, þjóðtrú, lækningum, hversdagslífi og afþreyingu. Galdraofsóknir fyrri tíma verða skoðaðar , ástæður þeirra og rýnt í mögulegar skýringar. Ýmis viðhorf til galdra í nútímanum verður könnað og hvernig hugmyndin um galdra hefur breyst, þ.e. frá því að galdrar voru álitnir hættulegt og eyðandi fyrirbæri yfir í að verða hluti af afþreyingar- og skemmtanaiðnaði dagsins í dag. Rannsóknir í mannfræði, sagnfræði, þjóðfræði og félagsfræði verða lagðar til grundvallar. Einnig bókmenntir, sjónvarpsþættir og kvikmyndir.
Íslenskar smásögur (ÍSLE3SM05)
Undanfari: ÍSLE2MG05
Í áfanganum er fjallað um smásögur í íslenskum bókmenntum og bókmenntasögu frá 19. öld til 21. aldar með sérstaka áherslu tengsl við evrópskar bókmenntir. Farið verður yfir þróun smásögunnar og tengsl við aðrar bókmenntagreinar og bókmenntasögu tímabilsins, nýja strauma og stefnur og ólíkar birtingarmyndir smásagna. Unnin verða ýmis konar valverkefni þar sem lögð verður rík áhersla á fjölbreyttar vinnuaðferðir, sjálfstæð vinnubrögð, skilvirka þekkingarleit, kunnáttu í meðferð og frágangi heimilda og skapandi hugsun og frumkvæði við úrvinnslu og skilaform verkefna.
ÍÞRÓTTA- OG TÓMSTUNDAUPPELDISFRÆÐI (UPPE2ÍT05)
Undanfari: UPPE2UM05/AFREKSÍÞRÓTTASVIÐSÁFANGI
Í áfanganum er fjallað almennt um íþrótta- og tómstundaiðkun barna og unglinga. Þá aðila sem sjá um og skipuleggja íþróttir og tómstundir, mikilvægi uppbyggingar félagsstarfs, íþróttastarfs og íþróttafélags. Farið er í uppeldis-, sálfræði- og kennslufræðilega þætti og kenningar sem tengjast íþróttum. Fjallað er um aga og forvarnir, t.d. hvað varðar áfengis- og tóbaksneyslu og einelti, til að koma í veg fyrir brottfall barna og unglinga úr íþróttum. Nemendur kynna sér rannsóknir á kynjamun í tengslum við íþróttaiðkun og eiga að geta rætt fordómalaust um þær sem og keppnis- og áhugamannaíþróttir, hóp- og einstaklingsíþróttir. Lögð er áhersla á mikilvægi foreldrastarfs en jafnframt fjallað um kosti þess og galla.
Kvikmyndagerð II (KVMG2KV05)
Undanfari: KVMG1IK05
Áfanginn byggist annars vegar á kvikmyndasögu þar sem fjallar er um strauma og stefnur á 20. öld og skoðun og greiningu kvikmynda. Hins vegar byggist áfanginn á þjálfun í verklegum þáttum, svo sem klippingum og framleiðslu stuttmyndar sem getur verið allt að 15 mín. Námið er verklegt og bóklegt en nemendur vinna oft saman í teymisvinnu og skipta með sér hlutverkum.
Kvikmyndagerð III (KVMG3KV05)
Undanfari: KVMG2KV05
Í áfanganum framleiða nemendur eina mynd - leikna eða heimildarmynd - sem þeir annað hvort framleiða eða leikstýra, eða bæði, en lögð er áhersla á vinnu nemenda sem snýr að því að finni og velji hugmynd, velja og raða samnemendum í áfanganum í stöður fyrir hvert verkefni, og velja leikara með ígrundun. Nemendur byggja ofan á þekkingu úr fyrri kvikmyndaáföngum og þróa og þjálfa leikni sína og hæfni við að framleiða og undirbúa slík verkefni. Í áfanganum er líka skoðað hvernig senur er krufnar listrænt fyrir tökur, og skoðaðar verða sérstaklega 5 kvikmyndir í fullri lengd á önninni mtt verkefna annarinnar.
LISTIR OG MENNING (LIME2LM05)
BUNDIÐ ÁFANGAVAL/VALÁFANGI
Undanfari: HUGN1HN05
Markmið áfangans er að nemandinn geri sér grein fyrir eðli þeirra þátta sem mótað hafa listsköpun mannsins í gegnum tíðina. Áfanganum er skipt upp í sex lotur þar sem nemendur kynnast og vinna heildrænt með menningarsamhengið á ákveðnum stað á ákveðnum tíma. Þeir skoða alla þætti listalífsins, myndlist, handverk, hönnun, tónlist, dans og leiklist, hvern í samhengi við annan og við félagslegt og heimspekilegt umhverfi.
LÍFFRÆÐILEGUR FJÖLBREYTILEIKI OG VERNDUÐ SVÆÐI (LÍFF3ÚT05)
Undanfari: Að hafa skráð sig í verkefnið og mætt á fundi haustið 2018
Í áfanganum er farið í grunnatriði örverufræði og staða örverufræðinnar innan náttúrufræðinnar skoðuð. Farið verður yfir flokkun örvera og einkenni í lífsstarfsemi þeirra s.s. æxlun og dreifingu. Helstu flokkar dreifkjörnunga eru kynntir. Frumatriði í veirufræði, s.s. staða veira í lífheiminum, gerð, fjölgun, áhrif veira á hýsla. Flokkun sveppa og dæmi um frumdýr og lífsferlar beggja hópa. Nemendur læra um mikilvægi örvera í náttúrulegum vistkerfum og notkun þeirra í iðnaði, rannsóknum og til lækninga. Gerð verður grein fyrri tjóni sem örverur valda mönnum (sjúkdómar) og umhverfi þeirra og mögulegum vörnum. Nemandinn kynnist vinnubrögðum á rannsóknarstofu eins og að vinna sterilt (dauðhreinsað), rækta og lita örverur og greina þær í smásjá. Sérstök áhersla er lögð á að tengja daglegt líf og umhverfi nemenda við námsefni örverufræðinnar ásamt nýjustu þekkingu á stofnum samkvæmt erfðaefni örveranna.
LÍFRÆN EFNAFRÆÐI (EFNA3LÍ05)
Undanfari: EFNA2AE05
Undirbúningur fyrir framhaldsnám í lífrænni efnafræði, lífefnafræði og nám á heilbrigðisvísindasviði. Áhersla er lögð á þekkingu á einkennum lífrænna efna og tengihæfni kolefnisfrumeindarinnar. Fjallað verður um helstu flokka lífrænna efna og veitt innsýn í nafnakerfi þeirra ásamt megingerðum lífrænna efnahvarfa.
MANNFRÆÐI (FÉLA3MA05)
Undanfari: FÉLA2KS05
Fjallað er um frumkvöðla félagsfræðinnar og kynntar helstu kenningar greinarinnar. Samfélagið er skoðað í ljósi mismunandi kenninga og nokkrar þekktar rannsóknir innan félagsfræði skoðaðar. Farið er yfir vítt svið félagsfræðinnar og nemendur þjálfaðir í að beita félagsfræðilegu innsæi við túlkun á samfélagslegum málefnum. Áhersla er lögð á að nemendur öðlist dýpri skilning á hugtökum sem kynnt eru í inngangi að félagsfræði og setji þau í fræðilegt samhengi. Meginmarkmið áfangans er að nemendur öðlist dýpri skilning á hugtökum, kenningum og vinnubrögðum félagsfræðinnar og geti beitt þeim við túlkun og greiningu á samfélaginu, bæði almennt og á tiltekin viðfangsefni.
MARGMIÐLUN-LJÓSMYNDUN, STARFRÆN VINNSLA, VÍDEÓ OG HLJÓÐ (MARG2MT05)
Undanfari: UPPT1UV05
Í áfanganum geta nemendur valið að vinna með þann miðil (videó, hljóð, stafrænar ljósmyndir, verk fyrir vef) sem þeir helst kjósa að kynnast betur. Ætlast er til að nemendur séu á þessu stigi tilbúnir til að móta sín verkefni sjálfir en fái leiðbeiningar kennara varðandi tæknileg atriði eftir þörfum til að ná fram þeirri tilfinningu eða sýn sem nemendur leita eftir.
NÝSKÖPUN - FAB LAB (NÝSK1FA05)
VALÁFANGI
Undanfari: Enginn
Farið er almennt yfir búnað í Fab lab smiðjunni og þá möguleika sem felast í notkun hennar. Kennt hvernig teikna á upp hluti, breyta og flytja á mismunandi skráarsnið. Kennt hvernig á að breyta raster myndum í vektor myndir. Farið er yfir grunnatriði í notkun á teikniforritinu Inkscape, þrívíddarforritinu Google Sketchup og Blender og hvernig hægt er að nýta sér þau til ýmissa verkefna. Farið er yfir grunnatriði í notkun á laser-skurðartæki, vínylskera og tölvustýrðum fræsara. Unnið er með sköpunarkraft nemenda og samvinnu.
NÆRINGAFRÆÐI (NÆRI2GR05)
Undanfari: Enginn
Nemendur kynnast áhrifum næringar og mataræðis á líðan og heilsu einstaklinga og þekki samspil næringar og hreyfingar. Kynntar eru ráðleggingar Lýðheilsustöðvar um mataræði og næringarefni. Skoðað er hvað liggur til grundvallar þeim ráðleggingum og hvaða ávinning hægt er að ná með því að fylgja þeim. Í áfanganum er farið í orkuþörf og næringarefnaþörf líkamans og ráðlagða dagskammta. Einnig er fjallað er um hreyfingu, holdafar og meltingu. Farið er í mataræði og fjallað um máltíðaskipan, skammtastærðir, fjölbreytni, fæðuflokka og mikilvægi hvers fæðuflokks. Næring er skoðuð m.a. orkuefnin, vítamín, steinefni og önnur efni.
SJÁLFSÞEKKING OG SAMSKIPTI (SJÁL1SS05)
VALÁFANGI
Undanfari: Enginn
Við erum þátttakendur í verkefninu heilsueflandi menntaskólar. Einn partur af því er geðrækt. Ég hef lesið mikið af bókum sem tengjast sjálfsrækt, það er alltaf ein sem stendur uppúr og ég gef öllum í kringum mig til gjafa. Þetta er bókin En með þessum markmiðum erum við að skila af okkur einstaklingum með betra sjálfsálit, betri líðan , aem bera virðingu fyrir náunganum. Sem dregur úr einelti og nemendur þjálfast í samskiptum við og í samfélagið.
UPPLÝSINGATÆKNI OG VEFSÍÐUGERÐ (UPPT1UV05)
Undanfari: Enginn
Í áfanganum þjálfast nemendur í notkun töflureiknis og hugbúnaðar til ritvinnslu, glærugerðar og tölvupóstssamskipta. Þá verður farið í leit á Netinu og hvernig meta á gögn sem leitað er eftir. Einnig kynnast nemendur einfaldri vefsíðugerð.
ÚTIVIST OG GÖNGUR (ÚTIV1ÚG03)
Undanfari: Enginn
Útivist og kynning á henni.Í gegnum fyrirlestra eru gönguferðir kynntar auk undirbúnings fyrir slíkar ferðir, fyrsta hjálp í óbyggðum, kortalestur, rötun o.fl. Farið verður í gönguferðir.
VERKEFNALÍFFRÆÐI (LÍFF3VÍ05)
Undanfari: LÍFF2LE05
Í þessum valáfanga í líffræði fyrir náttúruvísindabraut nýtir nemandinn þá þekkingu og færni sem hann hefur aflað sér í fyrri líffræðiáföngum og öðrum námsgreinum við vinnu að fjölþættum úrlausnarefnum og verkefnum. Meginmarkmið áfangans er að nemandinn geti einn, eða í teymi, aflað sér viðhlítandi þekkingar úr viðurkenndum heimildum og með eigin rannsóknum. Að nemandinn geti mótað eigin afstöðu studda rökum leiddum af þekkingaröfluninni sem áfanga til sköpunar nýrra hugmynda, við úrlausn flóknari verkefna eða til að afla nýrrar þekkingar.
ÞOLÞJÁLFUN (ÍÞRÓ1ÞÞ01)
VALÁFANGI/ÍÞRÓTTAEINING
Undanfari: Enginn
Hrein og bein þolfjálfun einu sinni í viku.ÞRÍVÍDDARFORRITUN (TÖLF2ÞF02)
Undanfari: Enginn
Farið verður í þrívíddarforritun í Unity3D forritinu. Hægt er að kynnast því hvernig leikjahönnun er almennt uppbyggð, prófa þrívíddarforritun og hanna / forrita einfaldan leik í þrívídd.
ÞROSKASÁLFRÆÐI (SÁLF3ÞR05)
Undanfari: SÁLF2IS05
Teknar verða fyrir helstu kenningar, viðfangsefni og rannsóknaraðferðir þroskasálfræðinnar. Nemendur læra um þroska mannsins frá frjóvgun og fram á fullorðinsár, einkum líkamsþroska, vitsmunaþroska, persónuleikaþroska og tilfinningaþroska. Byggt er á því sem nemendur hafa áður lært um sögu og sjónarmið sálfræðinnar, rannsóknaraðferðir og nám. Rætt verður um helstu álitamál þroskasálfræðinnar, svo sem erfðir og umhverfi, og stigskiptan og samfelldan þroska. Skoðuð verða mótunaráhrif fjölskyldunnar, auk frávikshegðunar og ýmsan vanda barna og unglinga. Nemendur fá þjálfun í að lesa rannsóknarskýrslu í þroskasálfræði.
Menntaskólinn á Ísafirði
Email: misa@misa.is
Website: www.misa.is
Location: Torfnes, Ísafjörður, Iceland
Phone: 450 4400
Facebook: https://www.facebook.com/menntaisa/