Tíðindi frá Hólabrekkuskóla

Á döfinni

Umhverfisdagur 25. apríl

Umhverfisdagur verður haldinn 25. apríl í Hólabrekkuskóla. Þá ætlum við út með alla nemendur skólans og plokka í hverfinu okkar.

Verkalýðsdagurinn 1. maí

1. maí nk. er verkalýðsdagurinn og er það frídagur.

Samstarfsdagur 10. maí

10. maí nk. er samstarfsdagur í skólanum og fellur kennsla niður þann daginn.

Pangea stærðfræðikeppnin í 8. og 9. bekk

Töluverður hópur nemenda í 8. og 9. bekk komst í undankeppni Pangea stærðfræðikeppninnar fyrr í vor. Um síðustu helgi kepptu svo Magnús í 8. bekk og Dunja í 9. bekk í úrslitakeppninni og stóðu þau sig bæði með mikilli prýði. Við erum einstaklega stolt af fulltrúum okkar í keppninni.

Bókabrölt í Breiðholti

Við minnum á Bókabrölt í Breiðholti, gamalt og gott verkefni sem er ennþá í gangi. Bókabröltið er vettvangur þar sem hægt er að skiptast á bókum á þann einfalda hátt að viðkomandi setur bók í bókahillu og tekur aðra bók sem áhugi er fyrir að lesa. Bókahillurnar hafa verið á eftirfarandi stöðum:

Mjóddinni
Hólagarði
Iceland á Seljabraut
ÍR heimilinu
Breiðholtslauginni

Facebook síða bókabröltsins er https://www.facebook.com/bokabrolt/

Barnamenningahátíð í vikunni

Í vikunni hefur barnamenningahátíð verið haldið hátíðleg í Reykjavík og hátíðin því litað starfsemina í nokkrum árgöngum skólans. Á miðvikudaginn hélt sameinaður kór Fellaskóla og Hólabrekkuskóla tónleika fyrir fullu húsi í Fella- og Hólakirkju. Einstaklega ánægjuleg stund.