Útskriftarferð hjá 10. bekk 22. - 24. maí

10. bekkur er lagður af stað í útskriftarferð og kemur til baka á miðvikudag. Spennandi ferð sem bíður þeirra og við óskum þeim góðrar ferðar.

Annar í hvítasunnu 29. maí

Næsti frídagur er mánudagurinn 29. maí.

Foreldrafundur vegna húsnæðismála 30. maí klukkan 17:00

Foreldrum í skólanum er boðið að koma til upplýsingafundar vegna húsnæðismála 30. maí klukkan 17:00 á sal skólans. Á fundinum verður sagt frá yfirstandandi og væntanlegum framkvæmdum á skólahúsnæðinu, mótvægisaðgerðum sem verið er að vinna í og verðandi flutningum í Korpuskóla. Áætlað er að fundi ljúki eigi síðar en 18:00.

Sumargleði 1. júní

Hin árlega sumargleði verður 1. júní kl. 16:00 - 18:00. Þá verður fjölbreytt og skemmtileg dagskrá á lóð skólans. Foreldrar eru hjartanlega velkomnir. Nánari upplýsingar koma síðar.

Vikan 5. - 9. júní

• 5. júní er útivistardagur og er hann skertur nemendadagur. Nemendur eru í skólanum til klukkan 12:00 og nemendur í frístund fá gæslu þar til hefðbundin frístund hefst.
• 6. júní er útivistardagur og er hann skertur nemendadagur. Skólinn klárast klukkan 12:00 hjá öllum nemendum skólans. Ekki er boðið upp á gæslu eða frístund fyrir nemendur í 1. - 4. bekk þennan dag.
• 6. júní er útskrift hjá nemendum í 10. bekk klukkan 15:00 á sal skólans. Foreldrum er boðið að koma með nemendum á útskriftina.
• 7. júní eru skólaslit hjá nemendum í 1. - 9. bekk. Nemendur eru í skólanum frá 08:30 - 10:00. Ekki er boðið upp á gæslu eða frístund fyrir nemendur í 1. - 4. bekk þennan dag.
• 8. júní er fyrsti dagur í sumarleyfi.