Réttindaráð Vesturbæjarskóla
Skýrsla Réttindaráðs 2018-2019
Vesturbæjarskóli verður Réttindaskóli
Vorið 2018 ákváðu starfsmenn Vesturbæjarskóla að skólinn skyldi gerast Réttindaskóli. Ákvörðunin var tekin á starfsmannafundi með lýðræðislegri kosningu og voru allir sammála um að skólinn ætti að verða Réttindaskóli. Þriðjudaginn 20. nóvember undirritaði Margrét skólastjóri samning um að Vesturbæjarskóli yrði Réttindaskóli UNICEF ásamt öðrum stjórnendum grunnskóla og frístundar í Vesturbænum.
Fyrsti fundur Réttindaráðs
Á fyrsta fundi Réttindaráðs kom Pétur Hjörvar frá UNICEF, stýrði fundinum og fræddi okkur um Réttindaskóla UNICEF. Við fórum í leiki til að hugsa um réttinda barna.
Réttindaráð kynnir sig
30. janúar fórum við í Réttindaráði upp á svið í samsöng og kynntum okkur fyrir skólanum. Allir sögðu hvað þeir heita og kynntu eina grein Barnasáttmálans.
Kannanir
Lagðar voru kannanir fyrir börn í 1. - 7. bekk um þeirra þekkingu á Barnasáttmálanum, hvað þau halda að réttindi þeirra eru og hvort þau eru örugg. Réttindaráð fór yfir niðurstöður og kom með tillögur um hvað væri hægt að gera betur.
Aðgerðaráætlun
Réttindaráð bjó til aðgerðaráætlun um innleiðingu verkefnisins næstu tvö árin. Í henni er fjallað um kortlagningu, sýnileika, fræðslu, lýðræði, samstarf og að Barnasáttmálinn verði hluti af daglegu starfi í Vesturbæjarskóla.
Þemadagar
Réttindaráð fékk að hafa áhrif á það hvað yrði þema á þemadögum. Ákveðið var að þema yrði loftlagsmál og réttindi barna í samráði við ráðið.
Öskudagur
Á Öskudag kom Réttindaráð með hugmyndina að hafa pizzu í hádegismat. Allir voru kátir með það.
Leikir
Við fórum í marga leiki sem fræða okkur um Barnasáttmálann og réttindi barna og hvöttum kennara til að gera það sama með börnunum í skólanum. Meðal annars var farið í Kahoot sem við í Réttindaráði bjuggum til.
Myndband um Vesturbæjarskóla
Réttindaráð fékk að hafa áhrif á og komu með hugmyndir að því sem kom fram í myndbandi sem gert var um Vesturbæjarskóla. Til dæmis var hugmynd um að börn skyldu lesa inn á myndbandið.
Vesturbæjarskóli
Sýnileiki
Réttindaráð ræddi um staðsetningar á Barnasáttmálanum um skólann. Niðurstaða var að hafa Barnasáttmálann sýnilegan í öllum skólastofum, göngum og matsal.