Vonandi eru þið brakandi hress og tilbúin til að takast á við þau spennandi og skemmtilegu Samspils-verkefni sem haustið ber með sér. Framundan eru 9 vefmálstofur, 2 Útspil á höfuðborgarsvæðinu og 3 Menntabúðir í samvinnu við RANNUM, Rannsóknarstofa í upplýsingatækni og miðlun, haldnar í Reykjavík

Enn er að bætast í hópinn okkar og tala þátttakenda er komin í rúmlega 330. Ennþá er opið fyrir skráningu og við hvetjum fólk til að skrá sig og taka þátt með okku

Samspil 2015 sem 10 eininga námskeið

Þeir þátttakendur sem ætla að taka Samspil 2015 til eininga þurfa að skrá sig á þessari slóð: http://menntavisindastofnun.hi.is/samspil2015. Námskeiðið hefst um miðjan september, nánari lýsingu er að finna á fyrrgreindri slóð.

Haustdagskrá Samspils hófst í byrjun ágúst á eTwinning þema og vinnustofu með Bart Verswijvel, kennslufræðingi hjá The European Schoolnet og eTwinning í Brussel. Vinnustofan var mjög vel sótt og hún mæltist vel fyrir hjá þátttakendum. Á eftirfarandi slóð er að finna samantekt yfir aðaláherslur vinnustofunnar: http://bit.ly/reykjashop

Haldnar voru tvennar vefmálstofur tengdar eTwinning fyrri málstofan með Guðlaugu Ósk Gunnarsdóttur og Kolbrúnu Hjaltadóttur, hefur verið birt á vef Samspils. Þú getur einnig horft á hana á eftirfarandi slóð: http://bit.ly/samsetw. Seinni málstofan er væntanleg bráðlega.

Við erum að vinna í sjálfsnámsmyndböndum og miðlum örugglega fréttum af þeim í næsta fréttabréfi.

Þemu haustsins eru:

• Ágúst: eTwinning - Vefmálstofur dagsetningar: 12.08.2015 og 26.08.15

• September: námsumsjón og námsmat - Vefmálstofur dagsetningar: 16.09.15 og 30.09.15
  

• Október: forritun og leikjafræði - Vefmálstofur dagsetningar: 07.10.15 og 21.10.15
• Nóvember: Sköpun, tjáning, miðlun og læsi í námsgreinum - Vefmálstofur dagsetningar: 04.11.15 og 18.11.15
• Desember: Námsefnisgerð, opið menntaefni og höfundaleyfi - Vefmálstofur dagsetningar: 02.12.15 og 16.12.15
• Janúar: Næstu skref og framtíðin - Vefmálstofa dagsetning: 06.01.15

Vefmálstofurnar eru alltaf á miðvikudögum, "stofan" opnar kl. 16:15 og við byrjum kl. 16:30-17:30.

Þessi námskeið eru sérstaklega ætluð nýjum þátttakendum sem og þeim sem misstu af Útspili á sínum svæðum.

Dagsetningar:

• Laugardagurinn 26. september kl. 11:00-16:00
  
• Fimmtudagurinn 8. október kl. 13:00-18:00

Skráning er nauðsynleg og fer fram á slóðinni: http://bit.ly/utspil-haust

Menntabúðir er samkoma þar sem þátttakendum gefst tækifæri til að miðla af eigin reynslu og afla sér þekkingar og fróðleiks. Þær eru ætlaðar starfandi kennurum á öllum skólastigum og kennaranemum. Þær eru opnar öllum og ekki bundnar þátttöku í SAMspili 2015.

Skráning er nauðsynleg til að auðvelda allt utanumhald. Smelltu á slóðina fyrir aftan dagsetninguna.

Dagsetningar:

• Föstudagur 18. september kl. 15:30 Skráning: http://bit.ly/Menntabudir-18-Sept
  
• Miðvikudagur 28. október kl. 16:15 Skráning hér: http://bit.ly/Menntabudir-28-okt
• Miðvikudagur 25. nóvember kl. 16:15 Skráning hér: http://bit.ly/Menntabudir-25-nov

Ath. fyrstu menntabúðirnar eru á Föstudegi og þær síðari eru á miðvikudögum.

Fyrirhugað er að svæðistengiliðir haldi menntabúðir á sínum landsvæðum. Svæðistengiliður á norðurlandi hefur þegar skipulagt nokkrar í vetur. Við munum auglýsa það nánar síðar.

Nokkrir minni hópar kennara hafa verið að hittast til að vinna saman og hjálpast að. M.a. hafa leikskólakennarar hist og hópar á landsbyggðinni hafa verið duglegir að hittast og vinna saman. Við hvetjum eindregið til slíks samstarfs því við lærum betur í hópum þar sem við deilum reynslu og þekkingu. Það væri gaman fyrir okkur hin ef þið munið eftir að taka myndir á Instagram og setja færslur á twitter frá þessum hittingum. Munið eftir umræðumerkjunum #samspil2015 og #menntaspjall.

Svo er aldrei að vita nema að við tökum upp á einhverju fleira í vetur. Hver veit nema að við grípum tækifærið til frekari starfsemi ef þekktir erlendir tækni-bloggarar koma til landsins í hjólatúr.