Fréttabréf Grænna skrefa
Fræðsla, nýjustu fréttir, viðbætur á heimasíðuna og fleira.
Raftæki á að flokka sérstaklega - ekki með málmum
Maíspokar fyrir lífræna ruslið
Allur textíll flokkast sér
Hvatning til allra starfsstöðva um að skrá sig
Áherslur borgarinnar á umhverfistengd málefni hafa verið efldar og nú er endurskoðuð loftslagsáætlun tilbúin. Þar hafa Grænu skrefin ákveðið hlutverk, sem og í Græna planinu. Grænu skrefin eiga að styðja við áætlanir borgarinnar í umhverfismálum og eru hugsuð sem einn hluti aðgerðaráætlana til þess að ná þeim markmiðum sem stefnt er að. Þannig er stefnt að því að allar starfsstöðvar Reykjavíkurborgar verði búnar að skrá sig í Grænu skrefin og klára skref 1 fyrir lok þessa árs. Skráðu þinn vinnustað hér.
Frá því að síðasta fréttabréf kom út um miðjan janúar hafa eftirfarandi þátttakendur bæst við:
- Innri endurskoðun; Ársel frístundamiðstöð; Leikskólinn Kvistaborg; Leikskólinn Brákarborg og Frístundaheimilið Kastali.
- Vesturbæjarlaug og Gufunesbær hafa nú fengið úttekt og bíða eftir því að geta tekið á móti viðurkenningu fyrir fyrsta skrefið. Þau eru reyndar langt komin með skref 2 líka.
Ný loftslagsáætlun Reykjavíkurborgar 2021 - 2025
Reykjavíkurborg lýsti yfir því markmiði, árið 2016, að ná kolefnishlutleysi árið 2040. Þá var sett fram loftslagsstefna sem gilti til 2020 og hefur hún nú verið endurskoðuð og fleiri aðgerðum bætt við. Helsta áskorun við að ná takmarkinu um kolefnishlutleysi 2040 er að draga þarf hratt úr losun. Aðgerðaráætlun nýrrar loftslagsstefnu 2021 - 2025 endurspeglar þá víðtæku nálgun og breidd verkefna sem þarf til að umbreyting eigi sér stað í átt að kolefnishlutlausu samfélagi.
Viðtækt samráð var haft við gerð aðgerðaáætlunarinnar og margar hugmyndir komu fram. Þær voru teknar saman og starfshópur vann síðan að endurskoðun loftslagsstefnunnar frá 2016 með tilliti til þróunar samfélagsins og nýrra hugmynda. Nú eru markmiðin í 6 meginflokkum og að auki eru þrjú stuðningsmarkmið sem ganga þvert á meginmarkmiðin. Grænu skrefin tilheyra stuðningsmarkmiðunum sem lúta að rekstri borgarinnar.
Heilræði um vistvænan lífsstíl
Grænu skrefin eru tæki til þess að gera rekstur borgarinnar umhverfisvænni en auðvitað nýtist margt úr Grænu skrefunum okkur í okkar daglega lífi. Ef þú vilt gera meira í þínu hversdagslega lífi og kannski gera Grænu skreifin eða umhverfismál almennt að lífsstíl kíktu þá endilega á Heilræðin á vefsíðu Grænna skrefa.
Áhugavert efni til að fylgjast með
Hvað getum við gert? - Stuttir sjónvarpsþættir á mánudagskvöldum á Rúv sem sýna okkur hvað er verið að gera og hvað hægt er að gera til að vinna á loftslagsvandanum.
Hvað getum við gert? - Útvarpsþættir frá 2019 sem komu í kjölfarið á Hvað höfum við gert sjónvarpsþáttunum. Hér er fjallað um lausnir og hægt er að hlusta í Spilaranum.
Loftslagsdæmið - Mjög áhugaverðir útvarpsþættir þar sem fylgst er með 4 fjölskyldum sem vilja minnka sitt kolefnisspor. Verkefnið fór fram í okt./nóv. 2020. Samhliða þáttunum var sett upp vefsíða með öllum upplýsingunum sem koma fram í þáttunum. Sjá hér.
Matsjokket - Erum við að kasta of miklum mat? Hvernig getum við spornað gegn matarsóun? Skemmtilegir norskir sjónvarpsþættir þar sem frægir Norðmenn taka á þessum málum með einskærum hressleika.
Rafhlaupahjól er gott samgöngutæki
FRÆÐSLA Í BOÐI
Fræðslufundur um flokkun og úrgangsmál.
Hvar: Fjarfundur á Webex. Tengill verður sendur á þá sem skrá sig hjá Grænum skrefum.
Hvenær: Fimmtudaginn 18. febrúar kl. 09:00 - 10:00
Leiðtogaþjálfun og Grænu skrefin
Hvar: Rafrænt námskeið. Tengill verður sendur á þá sem skrá sig. Skráningarform í Facebook viðburðinum sjálfum. Sjá nánar hér.
Hvenær: Fimmtudaginn 4. mars kl. 13:00 - 16:00
Fundur fyrir tengiliði Grænna skrefa
Hvar: Fjarfundur á Webex. Tengill verður sendur á þá sem skrá sig hjá Grænum skrefum.
Hvenær: Þriðjudaginn 10. mars kl. 10:00 - 11:00
Hvernig fræðslu vilt þú fá á þinn vinnustað?
Viltu fræðslu á þinn vinnustað um Grænu skrefin eða eitthvað því tengt?
- Almenna kynningu á Grænu skrefunum (styttri eða lengri)?
- Fræðslu um vistvæn innkaup?
- Fræðslu um grænt bókhald?
- Fræðslu um flokkun og úrgangsmál?
- Eða eitthvað annað umhverfistengt sem þér dettur í hug?
Hugsaðu málið og sendu okkur línu á graenskref@reykjavik.is til að spyrja um fræðslumál.
Um okkur
Email: graenskref@reykjavik.is
Website: graenskref.reykjavik.is
Phone: 4118604
Facebook: facebook.com/graenskref