DJÚPAVOGSSKÓLI

Fréttir úr skólastarfi

NÓVEMBER OG FARIÐ AÐ HUGA AÐ DESEMBER


Í dag er Dagur mannréttinda barna


26.nóvember Skipulagsdagur í Múlaþingi

29. nóvember - Heimsmarkmiða Bootcamp smiðjur með breyttum hætti.


Vegna C-19 má búast við breytingum á skipulagi.


Desember

01.desember - Fullveldisdagurinn

17.desember - Stofujól

...og ýmiskonar jólastúss...

NÆSTA VIKA

Mánudagur 22.nóvember

  • Góður dagur í auka-lestur

Þriðjudagur 23.nóvember

  • 14:40 Teymisfundur

Miðvikudagur 24.nóvember

  • (athugið, Bootcamp smiðjur unglinga færðar til 29.nóv)

Fimmtudagur 25.nóvember

  • 14:40 Fagfundur

Föstudagur 26.nóvember - frídagur nemenda

  • Sameiginlegur skipulagsdagur í Múlaþingi - nemendur mæta ekki í skólann

MATARTÍMI

Big picture

KOSIÐ Í NEMENDARÁÐ

Nemendur mættu prúðbúnir og kusu sér fulltrúa í nemendaráð.

Í NÝJU NEMENDARÁÐI SITA

Ríkharður 8.bekk – formaður (sjá mynd)
Ríkey 10.bekk – ritari (sjá mynd)
Heiðdís Lóa 8.bekk – meðstjórnandi (sjá mynd)

Hilmir Dagur 10.bekk – varaformaður (sjá mynd)
Fabian 8.bekk – vararitari (sjá mynd)
Sigurður Atli 9.bekk – varameðstjórnandi (vantar mynd)


Nemendaráð og skólastjóri funduðu óformlega í gær. Þar var farið yfir helstu verkefni sem framundan eru. Í dag, laugardag er dagur mannréttinda barna og mikilvægt að nemendur séu meðvitaðir um að rödd þeirra þarf að heyrast.


https://www.barnaheill.is/is/starfid-okkar/samstarfsverkefni/dagur-mannrettinda-barna


Horfum á þetta saman:

https://www.youtube.com/watch?v=ecCQUJennXE



Nemendur þurfa að kjósa fulltrúa í skólaráð, við ræddum um vinnu umhverfi nemenda, allir voru sammála um að reyna að finna leiðir til að gera það besta úr þessari Covid-stöðu og halda viðburði í samræmi við gildandi reglur hverju sinni.


Flottir fulltrúar nemenda hér á ferð, ég hlakka til að vinna með þeim í vetur.

MASTERCHEF KEPPNI

Nemendur á mið- og unglingastigi hafa undanfarið tekið þátt í skemmtilegu verkefni í heimilisfræði. Það er svokölluð masterchef keppni en þar er nemendum skipt í tvö lið sem elduðu mexíkóska kjúklingasúpu.

Dæmt var eftir samvinnu, hreinlæti, frágangi og að sjálfsögðu var lokaafurðin tekin út.


Nemendur unnu sjálfstætt og leystu þetta verkefni það vel að dómarinn átti mjög erfitt með að velja á milli.

FJÖLBREYTT SKÓLASTARF SÍÐUSTU DAGA

Verkefnin hafa verið fjölbreytt síðustu daga, við vorum hins vegar ekki dugleg að taka myndir.



  • Skólahjúkrunarfræðingurinn er þessa dagana að fræða nemendur um endurlífgun.
  • Það var dagur íslenskrar tungu í vikunni og nemendur sungum í tilefni þess og spilað var undir á bjöllur. Þessi dagur markar upphaf í upplestrarkeppni. Við höfum ákveðið að halda áfram að vinna það verkefni með Grunnskólanum á Hornafirði. Það eru nemendur í 7.bekk sem taka þátt í Stóru upplestrarkeppninni og nemendur í 4.bekk eru skráðir í Litlu upplestrarkeppnina. Nú er lag fyrir þessa nemendur að æfa sig vel heima.
  • Gestadögum var frestað vegna C-19. Við þrufum aðeins að sjá hvering þessi bylgja fer en foreldrar eru velkomnir til okkar. Við þurfum bara að passa upp á fjölda, grímu og persónulegar sóttvarnir.
  • Á teymis- og fagfundum er verið að ræða úrbætur í lestri og með hvaða hætti við högum jólaundirbúningi þetta árið.


Eins og alltaf er nóg að gera, mikið fjör :)

SKIPULAGSDAGUR 26.NÓVEMBER

Á föstudaginn í næstu viku er skipulagsdagur í Múlaþingi. Hugmyndin var starfsfólk skólans færi í Egilsstaði og hitti annað starfsfólk en vegna Covid er búið að aflýsa því. Starfsfólki verður hins vegar boðið upp á rafræna fræðslu auk þess sem við þurfum að fara að huga að námsmati og skipulagi fyrir næstu önn.

BOOTCAMP HEIMSMARKMIÐA SMIÐJUR

Eins og kannski margir muna þá fékk Djúpavogsskóli styrk til að vinna verkefni með unglingum í skólum í Múlaþingi. Það hefur gengið illa að klára þetta verkefni þar sem Covid setur okkur ramma.


Nú hefur verið tekin sú ákvörðun um að klára þetta verkefni. Því miður getum við ekki klárað það með því að stefna öllum unglingum í Múlaþingi saman. Hins vegar verða smiðjurnar í hverjum skóla fyrir sig. Signý Óskarsdóttir er verkefnastjóri með þessu verkefni og hún er væntanleg til okkar 29.nóvember og stýrir þessum smiðjum. Nánar skipulag verður sent á foreldra barna í unglingadeild.

GÓÐA HELGI

Með þessari flottu mynd af nemendum að dansa saman á búningadegi...þá dönsum við okkur inn í helgina.

Bestu kveðjur og góða helgi.

Starfsfólk Djúpavogsskóla

Big picture