Fréttabréf Kópavogsskóla
október 2019
Okkar Kópavogur
Verkefnastjóri íbúatengsla hjá Kópavogsbæ hefur sent út upplýsingabréf vegna verkefnisins ,,Okkar Kópavogur". Þar er kallað eftir hugmyndum að verkefnum sem fara hugsanlega í frekari vinnslu og komast jafnvel til framkvæmda. Hugmyndafundur fyrir íbúa í Kópavogsskóla- og Smáraskólahverfunum verður í Kópavogsskóla fimmtudaginn 10. október kl. 17:00-18:30 og þar er hægt að koma hugmyndum á framfæri og ræða við starfsmenn Kópavogsbæjar. Nánari upplýsingar má finna á vef Kópavogsbæjar og íbúar eru hvattir til að fara þar inn og taka þátt í verkefniu.
Því er komið á framfæri hér að margir nemendur í Kópavogsskóla hafa óskað eftir að fá ,,flottan" körfuboltavöll á skólalóðina og það er náttúrulega frábær hugmynd:-)
Umferðarmæling á Digranesvegi
Heildarfjöldi bíla sem ók fram hjá mælistöðinni á meðan á mælingunni stóð hélst nokkuð stöðugur eða rúmlega 4.000 ökutæki á sólarhring um helgi og 6.200 ökutæki á virkum dögum.
Mest er umferðin um á milli 15:00 og 17:00 eða um tæplega 600 ökutæki á klst.
58% ökutækja aka á hraðanum 30-40 km/klst.
- 24% ökutækja aka á hraðanum 40-50 km/klst.
- 1,7 % ökutækja ók hraðar en 50 km/klst.
- Restin ók hægar en 30 km/klst.
Gera má ráð fyrir að fjöldi farartækja hafi aukist eftir að skólar byrjuðu og búið að óska eftir annarri mæling til að sjá muninn.
Þann 28. ágúst frá klukkan 13:00 til 14:00 vaktaði lögregla umferðina austur Digranesveg við Kópavogsskóla með hraðamyndavél.
- Á tímabilinu vaktaði vélin 231 ökutæki og var meðalhraði þeirra 35 km.
- Af vöktuðum ökutækjum voru ljósmynduð 68 brot eða um 29%.
- Meðalhraði brotlegu ökutækjanna var 44 km.
- Sjö ökutækjum var ekið á 50 km hraða
- Hraðast var ekið á 64 km hraða.
Flokkun og endurnýting
Í Kópavogsskóla höfum við verið að flokka og endurvinna undanfarin ár en betur má ef duga skal. Þessa dagana er verið að taka í notkun nýjar flokkunartunnur í skólastofurnar og um leið fá nemendur fræðslu um flokkunarferlið. Eitt af markmiðum okkar er að vera laus við einnota umbúðir frá og með haustinu 2022. Við hvetjum nemendur til að koma með vatnsbrúsa með sér í skólann (enga drykki í fernum) og ef eitthvað kemur í fernu (eða skyrdós) fara þær umbúðir aftur heim í skólatöskunni því við erum ekki með aðstöðu til að skola plastumbúðir. Hér í skólanum geta nemendur hent lífrænum úrgangi eins og bananahýði, eplakjarna og fl. en hálf klárað nesti fer aftur heim sem hjálpar foreldrum að sjá hve mikið af nestinu nemendur borða í skólanum. Í framhaldi af þessari vinnu er í skoðun hvernig við getum minnkað matarsóun í matsal skólans. Einnig er unnið að því að fá flokkunartunnur á skólalóðina.
Rafrettur
Hádegismatur
Reiðhjól og hlaupahjól
- ræða í fullri alvöru við börnin um hættuna sem þetta skapar
- kenna þeim að athuga alltaf bremsur hjólanna áður en þau hjóla af stað
Forvarnir eru alltaf sterkasta vopnið í baráttunni við fikt og því mikilvægt í öllu uppeldi að ræða atriði eins og þetta ekki síst ef umfjöllun verðu í fjölmiðlum.
Vegna þrengsla í skólanum getum við ekki lengur verið með hlaupahjól innanhúss og mikil slysahætta af notkun þeirra á skólalóðinni. Því verðum við að banna notkun þeirra í skólanum. Biðjum foreldra að ræða það við börnin og sjái til þess að hlaupahjólin komi ekki í skólann.
Leyfi nemenda á skólatíma
Þegar foreldrar sækja um formlegt leyfi í gegnum heimasíðu skólans birtist eftirfarandi klausa úr 15. gr. laga nr. 91/2008 um grunnskóla:
“Sæki foreldrar skólaskylds barns um tímabundna undanþágu þess frá skólasókn í einstökum námsgreinum eða að öllu leyti er skólastjóra heimilt að veita slíka undanþágu telji hann til þess gildar ásæður. Foreldrar skulu þá sjá til þess að nemandinn vinnu upp það sem hann kann að missa úr námi meðan á undanþágu stendur”.
Mikilvægt er að taka þetta alvarlega og sem betur fer gera flestir foreldrar það. Hjá öðrum verður misbrestur og sum börn eiga í erfiðleikum með að ná upp því sem ekki var unnið í leyfinu. Foreldrar eru hvattir til að sjá til þess að börnin sinni náminu meðan fríið varir svo ekki komi upp vandi þegar þau koma til baka.