Kæru foreldrar og forráðamenn.

Gleðilegt nýtt ár og takk fyrir gott samstarf á liðnu ári.

Hér koma fyrstu vikufréttir ársins 2023

Bestu kveðjur,

Starfsfólk Djúpavogsskóla.

17. janúar - Skipulagsdagur - nemendur eiga frí.

18. janúar - Samskiptadagur - nemendur og foreldrar hitta umsjónarkennara og setja sér markmið fyrir vorönnina.

Mánudagur 9. janúar

• Mætum hress og kát eftir gott helgarfrí.

Þriðjudagur 10. janúar

• Starfsmannafundur 14:20 - 15:50.

Miðvikudagur 11. janúar

• Góður dagur fyrir heimalestur.

Fimmtudagur 12. janúar

• 14:20 - 15:50 Teymisfundir.

Föstudagur 13. janúar

• Förum í gott helgarfrí.

Meðfylgjandi eru m.a. myndir frá litlu jólunum, álfakóngum og myndband af álfasöng.

Í Samveru sungu nemendur vísur Ríkarðs Jónssonar, Álfasöngur, en akkúrat 100 ár eru síðan vísurnar voru fyrst sungnar á þrettándakvöldi á Djúpavogi.

Meðfylgjandi má sjá myndband af nemendum syngja þessar skemmtilegu vísur á 100 ára afmæli þeirra við íslenska þjóðlagið ,,Álfadans“ / ,,Máninn hátt á himni skín“.

Þar má sjá forsöngvara nemenda taka lagið og svo þegar fjöldinn svarar.

https://www.youtube.com/watch?v=u-et9MbMg_Q

Fyrir áhugasama þá má finna fróðleik um Ríkharð á gömlu heimasíðu Djúpavogshrepps.

Nemendur í 1.- 2.bekk unnu skuggamyndir í náttúrufræði hjá Bellu.

Nemendur voru að læra um ljós og skugga í okkar náttúrulega umhverfi, hvernig þeir myndast og hvað er náttúrulegt ljós eða tilbúið ljós í umhverfinu okkar.

Bella hengdi myndirnar upp á vegg og nú er hægt að giska á hver á hvaða vangasvip og skrifa það hjá hverri mynd, frábært verkefni hjá þeim og gott verkefni inn í helgina, þekkjum við vangasvipinn :)

Egill og félagar nýta alla veðurglugga til að skipa gömlu gluggunum út fyrir þá nýju.

Í dag var gott veður og nokkrir nýir gluggar komnir í.

Þeir félagar eiga hrós skilið fyrir lausnarmiðaða hugsun og hafa útbúið skilrúm sem hægt er að hafa inni í stofunum þannig að ekki verði mikið rask.

Unglingarnir létu þetta ekkert á sig fá :)

Á þrettándanum má maður eiga von á því að rekast á jólasveina og gott ef Gluggagægir var ekki þarna með þeim.