Skólastarfið framundan

Upplýsingar til nemenda

Nú hefur tekið gildi ný reglugerð um takmörkun á skólastarfi vegna farsóttar. Hertar aðgerðir tóku gildi á miðnætti og gilda um land allt. Ráðgert að þær muni gilda næstu tvær vikurnar, til og með 19. október 2020. Líkt og aðrar sóttvarnarráðstafanir eru þær þó háðar stöðugu endurmati.

Nú reynir á okkur öll að halda áfram náminu. Við búum mörg að ýmiss konar reynslu frá skólalokuninni í vor sem mun nýtast okkur.

Kennsla nýnema

Kennsla nýnema í bóknámi fer að mestu fram á Teams og Moodle. Kennarar í hverjum áfanga láta vita í upphafi viku hvernig kennslunni verður háttað.

Kennsla í NÁSS (náms- og starfsfræðslu) fer fram í skólahúsnæðinu skv. stundatöflu. Í tengslum við þá tíma verður boðið upp á vinnustofur í bóklegum tímum. Í vinnustofurnar mæta nýnemakennarar og aðstoða nýnema við námið.

Kennsla nýnema í verknámi fer þannig fram að verklegir áfangar verða kenndir skv. stundatöflu sem og NÁSS-áfanginn. Bóklegir áfangar verða að mestu á Teams og Moodle en nemendur í verknámi eru hvattir til að mæta í þær vinnustofur sem þeir geta.

Kennsla eldri nemenda í bóknámi

Kennsla eldri nemenda fer að langmestu leyti fram í fjarnámi, á Teams og Moodle. Kennarar í hverjum áfanga láta vita í upphafi viku hvernig kennslunni verður háttað.

Einstaka nemendur þurfa að mæta skv. stundatöflu nema annað komi fram frá kennurum á Moodle. Eru það nemendur í eftirtöldum áföngum:

EFNA3EJ05 stofa 7, kennari: Jónas Þór Birgisson
KVMG1IK05 stofa 10-12, kennari Einar Þór Gunnlaugsson
SJÓN1LF05 stofa 10-12, kennari Bryndís G. Björgvinsdóttir
TEIK1VB05 stofa 10-12, kennari Bryndís G. Björgvinsdóttir
TÓNL1HS05 stofa 8, kennari Andri Pétur Þrastarson

Frá og með 6. október þurfa allir nemendur og kennarar að nota maska. Skólinn útvegar nemendum og starfsfólki maska og verða þeir staðsettir við inngang í skólann. Mikilvægt er að nemendur kynni sér vel rétta notkun á möskum.

Fyrir þá nemendur sem eiga að mæta í kennslu í skólahúsnæðið gildir áfram að huga að almennum sóttvörnum, spritta sig við innkomu og kennslustofur verða sótthreinsaðar eftir kennslustundir.