SERBISYONG TOTOO
Cotabato Province e-Newsletter
Cotabato PDRRMC personal na maghahatid ng tulong sa mga biktima ni “Yolanda” sa Ormoc City
by: JIMMY STA. CRUZ
TUTUNGUHIN ng isang composite team ng Cotabato Provincial Disaster Risk
Reduction and Management Council (PDRRMC) ang Ormoc City sa lalawigan ng
Leyte sa Nov.18, 2013, Linggo, isa mga lugar na matinding hinagupit ng super typhoon
Yolanda na nanalasa sa bansa noong Nov.8.
Ayon kay Cot PDRRMC Head Cynthia Ortega, Ang composite team ay binubuo ng
mga employee-volunteers ng Cotabato Provincial government, mga tauhan ng Cotabato
Police Provincial Office at 602nd
and rescue operations at iba pa.
Dala ng composite team ang mga relief goods at iba pang uri ng tulong na ipinaabot
ng iba’t-ibang indibidwal at grupo matapos na manawagan si Cotabato Governor
Emmylou “Lala” J. Taliño-Mendoza ng tulong para sa mga sinalanta ni “Yolanda”.
Kasama sa relief ang mga nakolekta mula sa mismong mga empleyado ng Cotabato
Provincial government at mga donasyon mula sa iba’t-ibang mga munisipyo ng
Cotabato.
Kabilang naman sa relief goods ay mga pagkain at mga pangunahing pangangailangan
tulad ng bigas na sa pinakahuling bilang ay umabot na sa 250 sako, de-lata, noodles,
sabon, gamut, damit, pera at iba pa.
Lahat ng mga ito ay unang dumating sa covered court ng Cot. PDRRMC bilang
dropping center ng mga relief goods.
Kasama rin sa dadalhin ng composite team ang mga tulong na nalikom mula sa mga
negosyante, paaralan at iba pang mga may mabubuting loob na nagbigay ng tulong.
Bibiyahe ang PDRRMC sakay ng ilang trucks ng Cotabato provincial government at
ilang mga vans na ipinahiram ng mga pribadong kumpanya at agad na ipamamahagi
sa mga biktima ng super typhoon na hanggang sa ngayon ay hirap na hirap pa rin sa
tindi ng hagupit ni “Yolanda”.
Ayon kay Cotabato Provincial Health Programs Focal Person Jessie Enid,
nakapagsagawa na nang initial coordination ang kapitolyo sa mga local officials ng
Ormoc City para sa relief operation.
Napatun ayan na sa maraming pagkakataon na ang Cotabato provincial government
ay nanguna sa paghahatid ng tulong sa mga kababayang tinamaan ng matinding
kalamidad.
Ilan rito ay noong nanalasa ang mga bagyong “Ondoy”, “Sendong” at “Pablo” kung saan
libo-libong tao ang natulungan sa kanilang pagbangon. (jimmy sta. cruz/pgo-cot)