STÆR2JA05

Stærðfræði - jöfnur og algebra

Áfangalýsing

Í áfanganum er unnið með liðun, þáttun, jöfnu beinnar línu, 2. stigs jöfnur, fleygboga og talningarfræði. Margliður og ójöfnur, veldi og rætur, föll, gröf og hagnýtingu hornaföll.

Markmið:

Þekkingarviðmið:

Nemandi skal hafa öðlast þekkingu og skilning á:

  • deilanleika og frumþáttun talna, lotutugabrotum, náttúrulegum tölum, heilum tölum, ræðum tölum, rauntölum og bilum á rauntalnaásnum

  • undirstöðureglum talna- og bókstafareiknings og algildi

  • jöfnum af fyrsta og öðru stigi og ójöfnum

  • veldum, rótum og veldareglum

  • margliðum; þáttun, núllstöðvum og deilingu þeirra

  • beinum línum og fleygbogum og skurðpunktum grafa

  • föllum og hnitakerfi

  • hagnýtingu hornafalla

Leikniviðmið:

Nemandi skal hafa öðlast leikni í að:

  • leysa jöfnur og ójöfnur

  • beita veldareglum og meðhöndla rætur og brotna veldisvísa

  • finna núllstöðvar margliða, deila margliðum og þátta þær

  • meðhöndla föll og gröf

  • hagnýta hornaföll

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að :

  • geta sett sig inn í og túlkað útskýringar og röksemdir annarra af virðingu

  • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt

  • átta sig á tengslum ólíkra aðferða við framsetningu stærðfræðilegra hugmynda og viðfangsefna

  • skilja merkingu og tengsl hugtaka í námsefninu og vinna með þau

  • geta fylgt og skilið röksemdir og röksamhengi í mæltu máli og texta, þar með taldar sannanir í námsefni

  • beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur