Pānui o te wiki
Wiki 7 - Wāhanga 4, 2021
Te Aho Matua - Te Āhuatanga Ako
5.10 He mea tino nui te wāhi ako hei whakaohooho i te wairua o te tamaiti ki ana mahi whakaako. Nō reira, kia kikī tonu te kura i ngā mea whakaihihi i a ia, i ngā mea pupuri hoki i te hā o te ao Māori. Me whakawhānui hoki tōna wāhi ako ki ngā marae, ki ngā ngāhere, ki waenga marae, ki te taha moana, ki ngā whare pukapuka, whare taonga me ērā atu whare whāngai i te puna o te mōhio.
Kura Tuatahi
Te Kākano - Hīkoi ki Waimōkihi
E rere ana te wai aroha o Waimōkihi e. Nō mātou te māringanui ki te noho me te wānanga i ngā āhuatanga o tō tātou awa. Kei te mōhio a Te Kākano ki ngā tohu oranga o te awa nei. I puta mai he tuna ki te mihi ki a mātou, i kite i ngā ngāngara, ngā ika iti me te wao e tipu ana ki ngā taha o te awa. I whakamātau ō mātou poti iti. Kāore tētahi i torohū. I mānu pai te katoa o ngā poti. Te harikoa hoki o ngā tamariki. He mihi nui ki ngā whānau i tae mai ki te tautoko i te haerenga nei, ko Nanny Liz, ko Whaea Emma, ko Whaea Vicky rātou ko Whaea Ana. Kei raro iho nei ngā tuhinga me ngā whakaahua a ngā tamariki!
Te Kākano - Korikori ki Tipimaka
Te korikori te pekepeke, te takaporepore o te rā. He mīharo te haere ki te whare whakangahau o Tipimaka i tēnei wiki. He haerenga pai hei whakanui i ngā mahi o ngā tamariki nohinohi o te kura. I te mutunga o te rā i rūha te katoa. Mihi nui ki ngā whānau i tautoko i te kaupapa o te Mākete Matariki. Nā tērā kaupapa te pūtea tautoko. Mīharo te noho tahi me te tākaro tahi ki ēnei manu pī o Te Aho Matua.
Tuawera - Haerenga ki Ihutai Maroro
I haere a Tuawera ki ngā tohu maumahara o te awa o Ōpāwaho tae noa ki te Ihutai o Maroro. Kei te mōhio ngā ākonga ngā hononga i waenga i ngā awa, te ihutai, te taiao me ngā tāngata. Mihi anō ki a Whaea Steph.
Te Koroī - Haerenga ki Pūtaringamotu, Ōtākāro, Puari me Tākaro ā-Poi
I haere Te Koroī (Tau 7) ki ngā wāhi e hāngai ana ki tō mātou kaupapa ‘Ngā Wai o Te Waipounamu’. Nā ngā ākonga i ārahi ngā ngohe. I whakakī te kete mātauranga, ko ngā akoranga e hāngai ana ki ngā tīpuna o nehe, ngā momo otaota, me ngā momo kai. I tū rangatira ngā ākonga whakaako ai!
Pā Whutupōro
Toa o te kēmu - Wiki 7
Toa o te kēmu - Wiki 6
Kura Tuarua
Whanake Mai!
Nau kake mai ngā kaihoe teina ki Te Waka o Waimōkihi! Kua mānawatia mai ngā Tau 8 ki te Wharekura i tēnei wiki. Ko te whakawhanaungatanga te whāinga matua me te kounga hoki o Te Reo Rangatira. Ka whai tonu tēnei hōtaka hei te Wiki 8.
Awheawhe Kōwhiringa - Tunu Kai
Awheawhe Kōwhiringa - Raranga
Awheawhe Kōwhiringa - Hinu Rautangi
Awheawhe Kōwhiringa - Whare Tū Tauā
2021 Referees Golden Jubilee Cup
Tokorima o ā tātou tama kua kuhu ki roto i te kapa whutupōro o Te iringa o Kahukura/Cashmere U15 i tēnei tau. Ko Cambell Codyre rātou ko Taiki Pou, ko Cruz Tata, ko Kupuora Tarena, ko Tawera Hema. Kātahi anō rātou ka whakawhiwhia tēnei taonga. Ko te take, ko tā rātou wairua pai, te whanonga pai, ka mutu, ko te manaakitanga ki ngā hoariri. Nā ngā kaiwawao ngā piro manaaki i whakatau i te mutunga o ia kēmu, ā, ko tēnei tima te toa. I tīmata tēnei kaupapa i te tau 1947. He hōnore nui nō te mea 90 ngā tima mai i te pakeke U18 ki raro.
Haerenga ki Tūranga
Haerenga ki Te Matatiki Toi Ora
Kura Whānui
Rātaka - For Your Diaries
Mane 6 Tīhema - K2 NCEA Exams Continue
Tūrei 7 Tīhema - Haerenga ā-kura ki Jelly Park - Tauira 12 yrs + VACCINE PASS REQUIRED
Tāite 9 Tīhema - K2 Hui ā-Whānau - Kapa Haka 2022, 5pm
Tūrei 14 Tīhema - Rangi whakamutunga - Kura last day FINISH AT 1PM!
SPECIAL PĀNUI NEXT WEEK, DEDICATED TO OUR RANGI WHAKAMANA TAMARIKI! MĪHARO KATOA TE RANGI NEI!
Pānui ā-Hāpori
$5 PARENT OFFER
Speed up the summer reading action with this $5 Book Offer exclusive to Duffy school
Tēnā koutou. Whānau have an amazing opportunity to buy brand new books for $5, courtesy of Duffy Books. Books are for ages 5 - 16+. If you are interested, please email me at temarino@whanau-tahi.school.nz. All orders need to be in and paid by 5th of December. Books will be sent out by 15th of December.Kura App
Contact Us
Email: mahanui@whanau-tahi.school.nz
Website: https://www.whanau-tahi.school.nz/
Location: 83 Lyttelton Street, Spreydon, Christchurch 8024, New Zealand
Phone: 64 03 3374360