Skólastarfið framundan

26. - 30. október

Kæru nemendur

Takk fyrir góða mætingu á skólafundinn í gær þar sem umræðuefnin voru valið framundan og nám á tímum Covid.


Vikan framundan verður óbreytt frá síðustu viku. Núverandi sóttvarnaraðgerðir um skólahald gilda til 10. nóvember og fram er grímuskylda fyrir alla sem koma í skólahúsnæðið.


Við vekjum athygli á að valtímabil stendur nú yfir en því lýkur miðvikudaginn 28. okt. Þið getið nálgast allar upplýsingar um valið hér. Hægt er að fá aðstoð við valið hjá áfangastjóra og náms- og starfsráðgjafa. Aðstoðin getur verið í gegnum tölvupóst, síma, á skrifstofu eða á Teams, allt eftir hvað hentar ykkur. Hægt er að panta tíma hjá ritara eða með því að smella hér

Ekki vinna of mikið

Margir nemendur vinna með námi. Mikilvægt er að nemendur fari ekki að vinna meira á meðan þetta Covid-skólaástand stendur. Námið þarf að ganga fyrir og það er jafnmikil mætingaskylda í kennslustundir á Teams eins og kennslu í skólastofu.

Kennsla nýnema

Kennsla nýnema í bóknámi fer að mestu fram á Teams og Moodle. Kennarar í hverjum áfanga láta vita í upphafi viku hvernig kennslunni verður háttað. Athugið að í kennslustundir á Teams er skyldumæting.


Kennsla í NÁSS (náms- og starfsfræðslu) fer fram í skólahúsnæðinu skv. stundatöflu og á Teams fyrir þá nemendur sem búa utan Ísafjarðar. Ekki verður boðið upp á vinnustofur í bóklegum tímum í þessari viku.


Kennsla nýnema í verknámi fer þannig fram að verklegir áfangar verða kenndir skv. stundatöflu en bóklegir áfangar verða að mestu á Teams og Moodle. Nemendur í verknámi mæta í NÁSS1NN03 á Teams.

Kennsla eldri nemenda í bóknámi

Kennsla eldri nemenda fer að langmestu leyti fram í fjarnámi, á Teams og Moodle. Kennarar í hverjum áfanga láta vita í upphafi viku hvernig kennslunni verður háttað. Athugið að í kennslustundir á Teams er skyldumæting.


Einstaka nemendur þurfa að mæta skv. stundatöflu nema annað komi fram frá kennurum á Moodle. Eru það nemendur í eftirtöldum áföngum:

  • EFNA3EJ05 stofa 7, kennari: Jónas Þór Birgisson
  • KVMG1IK05 stofa 10-12, kennari Einar Þór Gunnlaugsson
  • SJÓN1LF05 stofa 10-12, kennari Bryndís G. Björgvinsdóttir
  • TEIK1VB05 stofa 10-12, kennari Bryndís G. Björgvinsdóttir
  • TÓNL1HS05 stofa 8, kennari Andri Pétur Þrastarson

Kennsla á starfsbraut

Kennsla á starfsbraut verður skv. stundatöflu.

Kennsla í verknámi

Allir verklegir áfangar verða kenndir skv. stundatöflu. Bóklegir áfangar verða kenndir í fjarnámi á Teams og í Moodle.
Big picture

Nemendaþjónusta

Þjónusta við nemendur er með sama sniði og verið hefur. Nemendur geta bókað tíma hjá náms- og starfsráðgjafa eða áfangastjóra hér.


Við hvetjum nemendur til að leita til námsráðgjafa með allt sem snýr að náminu.

Mötuneytið lokað

Mötuneyti skólans verður áfram lokað nema fyrir íbúa heimavistar.

Ekki koma veik/ur í skólann

Nemendur sem eiga að mæta í kennslu í skólahúsnæðið mega alls ekki mæta ef þeir finna einhver flensulík einkenni, sama hversu lítil þau eru. Hafðu þá samband við heilsugæsluna s. 450 4500 og fáðu að fara í sýnatöku. Veikindi skal tilkynna eins og áður í gegnumINNU eða á netfangið misa@misa.is Nemendur sem þurfa að fara í sóttkví eða einangrun þurfa að tilkynna um það á netfangið misa@misa.is

Maskaskylda er í öllum kennslustundum í skólahúsnæði, bæði hjá nemendum og starfsfólki.


Fyrir nemendur sem mæta í kennslu í skólahúsnæðið gildir áfram að huga að almennum sóttvörnum, spritta sig við innkomu og kennslustofur verða sótthreinsaðar eftir kennslustundir.

Office 365 leiðbeiningar

Hér má finna allar helstu leiðbeiningar um Office 365, s.s. Teams o.fl.

Snara orðabók

Nemendur hafa aðgang að veforðabókinni snara.is í húsnæði skólans.

Nemendur Menntaskólans á Ísafirði geta keypt ársaðgang að Snöru heimavið á 990 kr.


www.snara.is