Flataskólafréttir
Skólaárið 2020-2021 - 14. ágúst 2020
Kæra skólasamfélag!
Það eru rúmlega 460 nemendur skráðir í skólann í vetur og er það svipað og áætlanir gerðu ráð fyrir.
Með bestu kveðjum úr skólanum og von um árangursríkt og skemmtilegt skólaár framundan!
Stjórnendur og starfsfólk Flataskóla
Skólasetning
Skólasetning verður mánudaginn 24. ágúst. Nemendur mæta í hátíðarsal skólans á eftirfarandi tímum:
- Kl. 9:00 - 2. og 3. bekkur
- Kl. 10:00 - 4. og 5. bekkur
- Kl. 11:00 - 6. og 7. bekkur
Skólasetningin tekur um klukkustund og fara nemendur heim að henni lokinni.
Við hvetjum forráðamenn nýrra nemenda til að fylgja þeim á skólasetninguna og fá stutt samtal við umsjónarkennara að henni lokinni. Við mælumst til að aðrir nemendur komi án foreldra nema að sérstakar aðstæður kalli á annað.
Nemendur í 4/5 ára bekk og 1. bekk fá tölvupóst og verða boðaðir til samtals ásamt foreldri dagana 21. eða 24. ágúst.
Kennsla hefst samkvæmt stundaskrá þriðjudaginn 25. ágúst og þá opnar tómstundaheimilið Krakkakot.
Stjórnendur Flataskóla 2020-2021
Töluverðar breytingar hafa orðið á stjórnunarteymi skólans en eins og kunnugt er hurfu þær Ólöf skólastjóri, Helga María aðstoðarskólastjóri og Fanney og Rakel deildarstjórar til annarra starfa við lok síðasta skólaárs. Við fáum reyndar að njóta starfskrafta Helgu Maríu og Rakelar áfram en þær starfa áfram við kennslu hjá okkur. En stjórnendur skólans eru nú sem hér segir:
Ágúst Jakobsson skólastjóri (agustja@flataskoli.is)Edda Kjartansdóttir aðstoðarskólastjóri (eddakj@flataskoli.is)
Helga Kristjánsdóttir deildarstjóri yngra stigs þ.e. 4/5 ára - 3. bekkur (helgakris@flataskoli.is)
Heiðveig Hanna Friðriksdóttir deildarstjóri eldra stigs þ.e. 4.-7. bekkur (heidveigf@flataskoli.is)
Helga Melsteð deildarstjóri stoðþjónustu (helgame@flataskoli.is)
Opnunartími skrifstofu
Frá og með 24. ágúst er hún opin kl. 8:00-15:00 alla daga vikunnar nema á föstudögum til kl. 14:30
Hægt er að senda skólanum tölvupóst á netfangið flataskoli@flataskoli.is
Mælst er til að foreldrar/aðstandendur skrái veikindi nemenda á Fjölskylduvef Mentor.is eða með Mentor appinu.
Auk þess er hægt að tilkynna forföll á skrifstofu skólans með tölvupósti eða í síma 513 3500. Vakin er athygli á að ef veikindi vara lengur en einn dag skal tilkynna daglega.
Skólatími nemenda í 1.-7. bekk
- 1.-4. bekkur kl. 8:30-14:00
- 5.-6. bekkur kl. 8:30-14:20
- 7. bekkur kl. 8:30-14:20 eða 15:00 mánudaga til fimmtudaga en kl. 8:30-13:40 á föstudögum.
Tómstundaheimilið Krakkakot
Símanúmer Krakkakots eru 513-3522 og 820-8557
Skráning í dvöl í Krakkakoti fer fram á "mínum Garðabæ" og mjög mikilvægt er að þeir sem óska eftir dvöl fyrir börn sín í vetur gangi frá umsókn þar sem allra fyrst.
Krakkakot opnar á fyrsta kennsludaginn, 25. ágúst en í vikunni 17.-21. ágúst er þar sumardvöl fyrir nemendur sem eru að hefja nám í 1. bekk og voru skráðir í sumardvölina.
4.-5. ára bekkir Flataskóla
Framkvæmdir í umhverfi skólans
Eins og flestir hafa orðið varir við eru töluverðar framkvæmdir í gangi í umhverfi skólans og hefur aðkeyrslan að skólahúsinu verið lokuð um nokkurra vikna skeið vegna vinnu við hringtorg á Vífilsstaðavegi. Þær framkvæmdir ganga hins vegar ágætlega og mun aðkeyrslan opnast á allra næstu dögum, í tæka tíð fyrir skólasetningu, þó að frágangsvinna verði í gangi enn um hríð. Nú er unnið að hleðslu hraðahindrunar við innkeyrsluna og þegar þeirri vinnu lýkur opnast inn á bílastæðið, væntanlega um eða eftir helgina. Frágangsvinnan við hringtorgið mun standa fram í september en gönguleiðir að skólanum verða tryggðar með girðingum eins og þarf.
Endurbætur á austurhluta skólalóðarinnar eru einnig yfirstandandi og verður þeim ekki lokið fyrr en um næstu mánaðamót. Þær munu hins vegar ekki trufla skólastarfið sem nokkru nemur og við hlökkum til að fá þennan nýja hluta lóðarinnar í notkun með nýjum kastala, rólum o.fl.
Helstu viðburðir framundan:
- 24. ágúst - skólasetning
- 25. ágúst - kennsla hefst
- 2. sept. - fyrirhuguð ferð í Guðmundarlund
- 10.-18. sept - haustfundir árganga (ef aðstæður leyfa v/ covid)
- 16. sept - Skipulagsdagur leik- og grunnskóla. Kennsla fellur niður og 4.-5. ára deild lokuð
- 24.-25. sept - samræmd próf í 7. bekk
- 30. sept - 1. okt - samræmd próf í 4. bekk
Heimasíða - starfsáætlun - ársskýrslur
Einnig er rétt að geta þess að í starfsáætlun hvers árs eru dregnar fram helstu upplýsingar um skólastarfið. Starfsáætlun 2020-2021 er í vinnslu en plagg síðasta árs stendur enn fyrir sínu varðandi helstu upplýsingar og má nálgast það á slóðinni http://flataskoli.is/skolinn/starfsaaetlun-flataskola/
Loks má minna á að á hverju vori gefur skólinn út ársskýrslu sem hefur að geyma helstu upplýsingar um skólastarfið á liðnu skólaári. Skýrslu síðasta árs má vinna á slóðinni: http://flataskoli.is/skolinn/arsskyrsla/
Flataskóli Garðabæ
Email: flataskoli@flataskoli.is
Website: flataskoli.is
Location: Flataskóli, Gardabaer, Iceland
Phone: 513 3500