Smiðjuhelgar
5. og 6. apríl 2019
Val á unglingastigi
Haldin var 6. smiðjuhelgin þann 5. og 6. apríl síðastliðinn. Smiðjuhelgar hófust sem samstarfverkefni 4 skóla: Bláskógaskóla Laugarvatni, Bláskógaskóla Reykholti, Flóaskóla og Kerhólsskóla. Flóaskóli dró sig út úr verkefninu eftir 4. helgina en eftir standa hinir skólarnir 3. Skólarnir skiptast á að halda smiðjurnar og skipuleggja eftir óskum og væntingum nemenda. Smiðjuhelgar veita smærri skólum meiri tækifæri til að auka úrval á vali nemenda og einnig er þetta góð leið til að efla félagslega færni nemenda.
Val á helgarsmiðjum
Það er frekar fjölbreytt valið sem hefur staðið nemendum til boða. Nemendur hafa alltaf fengið að koma sínum hugmyndum á framfæri og þeim hefur verið fylgt svo fremi sem það hefur verið mögulegt. Sumt hefur verið háð því að foreldrar hjálpi til, svo sem akstur á krossarahjólum og hestum, og það hefur verið einhugur meðal samfélagsins að láta þetta ganga upp. Hérna er dæmi um það val sem nemendur hafa haft á helgarsmiðjum:
- Almennar íþróttir og leikir
- Mótorkross
- Hestamennska
- Eldamennska og bakstur
- Leðurvinna
- Forritun
- Box
- Jóga
- Boltaíþróttir
- Tálgun
- Föndur og saumar
- Leiklist
- Sleðagerð
- Húð, neglur og hár
- Stelpur rokka
- FabLab
- Sirkusæfingar
- Bogfimi
- Eldsmiðja
- Tónlist
- Listsköpun
- Bifvélavirkjun
- Útivist
- Parkour
Fræðsla á helgarsmiðjum
Auk smiðjanna sem nemendur velja um hafa þau fengið ýmsa fræðslu og nú síðast fengu foreldrar einnig boð um fræðslu frá "fokk me - fokk you". Hér eru dæmi um þá fræðslu sem hefur verið á helgarsmiðjum:
- Fræðsla frá næringarfræðingi
- Fokk me - fokk you (sjálfsmynd, samfélagsmiðlar og samskipti kynjanna)
- Ráðgjafi hjá Kvan fjallaði um sjálfstraust, samskipti og leiðtogahæfileika
- Kynning á forritun
- Kynjafræðsla